ਪ੍ਰਯਾਗਰਾਜ : ਯੂਪੀ ਪੁਲਸ ਦੀਆਂ ਮਹਿਲਾ ਕਾਂਸਟੇਬਲ ਪ੍ਰਿਯੰਕਾ ਦੂਬੇ ਅਤੇ ਪ੍ਰਿਯਾਂਸ਼ੀ ਸਿੰਘ ਨੇ ਪੇਂਡੂ ਔਰਤਾਂ ਨੂੰ ਜਾਗਰੂਕ ਕਰਕੇ ਸਾਈਬਰ ਧੋਖਾਧੜੀ ਦੀਆਂ ਘਟਨਾਵਾਂ ਨੂੰ ਘਟ ਕਰ ਦਿੱਤਾ ਹੈ। ਦੋਵਾਂ ਨੇ ਪ੍ਰਯਾਗਰਾਜ ਜ਼ਿਲ੍ਹੇ ਵਿੱਚ 'ਸਾਈਬਰ ਦੀਦੀ ਅਭਿਆਨ' ਸ਼ੁਰੂ ਕੀਤਾ। 2011 ਬੈਚ ਦੀ ਪ੍ਰਿਯੰਕਾ ਦੂਬੇ 2022 ਤੋਂ ਸਾਈਬਰ ਅਪਰਾਧ ਬਾਰੇ ਜਾਗਰੂਕਤਾ ਪੈਦਾ ਕਰ ਰਹੀ ਹੈ। ਜਦੋਂ ਉਨ੍ਹਾਂ ਨੇ ਇਹ ਦੇਖਿਆ ਕਿ ਪੇਂਡੂ ਖੇਤਰਾਂ ਵਿੱਚ ਔਰਤਾਂ ਤੇਜ਼ੀ ਨਾਲ ਸਮਾਰਟਫੋਨ ਅਤੇ ਇੰਟਰਨੈੱਟ ਨਾਲ ਜੁੜ ਰਹੀਆਂ ਹਨ,ਪਰ ਆਸਾਨੀ ਨਾਲ ਜਦੋਂ ਉਹ ਸਾਈਬਰ ਧੋਖਾਧੜੀ ਅਤੇ ਔਨਲਾਈਨ ਠੱਗੀ ਦਾ ਸ਼ਿਕਾਰ ਹੋ ਰਹੀ ਸੀ ਉਨ੍ਹਾਂ ਫੈਸਲਾ ਕੀਤਾ ਕਿ ਉਹ ਨਾ ਸਿਰਫ਼ ਪੁਲਿਸਿੰਗ ਨਹੀਂ ਕਰਨਗੀਆਂ ਸਗੋਂ ਡਿਜੀਟਲ ਜਾਗਰੂਕਤਾ ਵੀ ਛੇੜਣਗੀਆਂ।
ਉਨ੍ਹਾਂ ਦੇ ਹੀ ਥਾਣੇ ਵਿੱਚ ਤਾਇਨਾਤ ਮਹਿਲਾ ਕਾਂਸਟੇਬਲ ਪ੍ਰਿਯਾਂਸ਼ੀ ਸਿੰਘ ਨੇ ਇਸ ਕੋਸ਼ਿਸ਼ ਵਿੱਚ ਉਨ੍ਹਾਂ ਦਾ ਸਾਥ ਦਿੱਤਾ। ਅੱਜ ਇਹ ਦੋਵੇਂ ਪ੍ਰਯਾਗਰਾਜ ਵਿੱਚ 'ਸਾਈਬਰ ਦੀਦੀ ਦੀ ਜੋੜੀ' ਵਜੋਂ ਜਾਣੀਆਂ ਜਾਂਦੀਆਂ ਹਨ। ਉਹ 100 ਤੋਂ ਵੱਧ ਪਿੰਡਾਂ ਦੇ ਚੌਪਾਲਾਂ, ਸਕੂਲਾਂ ਕਾਲਜਾਂ, ਮਹਿਲਾ ਮੰਡਲਾਂ, ਆਂਗਣਵਾੜੀ ਕੇਂਦਰਾਂ ਅਤੇ ਪੰਚਾਇਤ ਸਭਾਵਾਂ ਵਿੱਚ ਗਈਆਂ ਅਤੇ ਸਾਈਬਰ ਧੋਖਾਧੜੀ ਬਾਰੇ ਜਾਗਰੂਕਤਾ ਪੈਦਾ ਕੀਤੀ। ਉਨ੍ਹਾਂ ਨੇ ਲੋਕਾਂ ਨੂੰ ਅਣਜਾਣ ਲਿੰਕਾਂ 'ਤੇ ਕਲਿੱਕ ਨਾ ਕਰਨ ਲਈ ਕਿਹਾ। ਆਪਣਾ OTP, ਬੈਂਕ ਵੇਰਵਾ ਜਾਂ ਪਾਸਵਰਡ ਕਿਸੇ ਨਾਲ ਸਾਂਝਾ ਨਾ ਕਰੋ। ਉਨ੍ਹਾਂ ਨੌਜਵਾਨ ਵਲੰਟੀਅਰਾਂ ਦੀ ਇੱਕ ਟੀਮ ਵੀ ਤਿਆਰ ਕੀਤੀ ਹੈ।