ਪਬਲਿਕ ਸੈਕਟਰ ਬੈਂਕ ਸਟੇਟ ਬੈਂਕ ਆਫ ਇੰਡੀਆ (ਐੱਸ. ਬੀ. ਆਈ.) ਨੇ ਸ਼ੇਅਰ ਬਾਜ਼ਾਰ ’ਚ ਵੱਡੀ ਪ੍ਰਾਪਤੀ ਹਾਸਲ ਕਰਦੇ ਹੋਏ ਟੈੱਕ ਦਿੱਗਜ ਟੀ. ਸੀ. ਐੱਸ. ਨੂੰ ਪਿੱਛੇ ਛੱਡ ਦਿੱਤਾ ਹੈ।
ਬਾਜ਼ਾਰ ਪੂੰਜੀਕਰਨ ਭਾਵ ਮਾਰਕੀਟ ਕੈਪ ਦੇ ਆਧਾਰ ’ਤੇ ਹੁਣ ਐੱਸ. ਬੀ. ਆਈ. ਦੇਸ਼ ਦੀ ਚੌਥੀ ਸਭ ਤੋਂ ਕੀਮਤੀ ਕੰਪਨੀ ਬਣ ਗਈ ਹੈ।
ਬੁੱਧਵਾਰ ਸਵੇਰੇ 11.55 ਵਜੇ ਦੇ ਅੰਕੜਿਆਂ ਅਨੁਸਾਰ ਐੱਸ. ਬੀ. ਆਈ. ਦਾ ਮਾਰਕੀਟ ਕੈਪ 10.78 ਲੱਖ ਕਰੋੜ ਰੁਪਏ ’ਤੇ ਪਹੁੰਚ ਗਿਆ, ਜਦੋਂਕਿ ਟੀ. ਸੀ. ਐੱਸ. ਦਾ ਮਾਰਕੀਟ ਕੈਪ 10.68 ਲੱਖ ਕਰੋੜ ਰੁਪਏ ਰਿਹਾ। ਇਸ ਤੋਂ ਪਹਿਲਾਂ ਐੱਸ. ਬੀ. ਆਈ. ਨਿੱਜੀ ਖੇਤਰ ਦੇ ਆਈ. ਸੀ. ਆਈ. ਸੀ. ਆਈ. ਬੈਂਕ ਨੂੰ ਵੀ ਪਿੱਛੇ ਛੱਡ ਚੁੱਕਾ ਸੀ। ਇਸ ਸਮੇਂ ਦੇਸ਼ ’ਚ ਸਭ ਤੋਂ ਵੱਧ ਮਾਰਕੀਟ ਕੈਪ ਰਿਲਾਇੰਸ ਇੰਡਸਟਰੀਜ਼ ਦਾ ਹੈ, ਉਸ ਤੋਂ ਬਾਅਦ ਐੱਚ. ਡੀ. ਐੱਫ. ਸੀ. ਬੈਂਕ ਅਤੇ ਤੀਜੇ ਸਥਾਨ ’ਤੇ ਭਾਰਤੀ ਏਅਰਟੈੱਲ ਹੈ।