ਨਵੀਂ ਦਿੱਲੀ : ਹਾਕੀ ਇੰਡੀਆ ਨੇ ਬੈਂਗਲੁਰੂ ਦੇ ਭਾਰਤੀ ਖੇਡ ਅਥਾਰਟੀ (ਸਾਈ) ਕੇਂਦਰ ’ਚ 20 ਅਪ੍ਰੈਲ ਤੋਂ 9 ਮਈ ਤੱਕ ਲਾਏ ਜਾਣ ਵਾਲੇ ਸੀਨੀਅਰ ਪੁਰਸ਼ ਰਾਸ਼ਟਰੀ ਕੋਚਿੰਗ ਕੈਂਪ ਲਈ ਸੋਮਵਾਰ ਨੂੰ 36 ਸੰਭਾਵਿਤ ਖਿਡਾਰੀਆਂ ਦਾ ਐਲਾਨ ਕੀਤਾ। ਇਸ ਕੋਚਿੰਗ ਕੈਂਪ ’ਚ ਟੀਮ ਸੁਮੇਲ, ਫਿਟਨੈੱਸ ਅਤੇ ਮੈਚ ਦੇ ਹਾਲਾਤ ਵਾਂਗ ਅਭਿਆਸ ਸੈਸ਼ਨ ਆਯੋਜਿਤ ਕਰਨ ’ਤੇ ਧਿਆਨ ਕੇਂਦ੍ਰਿਤ ਕੀਤਾ ਜਾਵੇਗਾ।
ਇਹ ਕੈਂਪ ਇਸ ਲਈ ਮਹੱਤਵਪੂਰਨ ਹੈ ਕਿਉਂਕਿ ਭਾਰਤ ਨੇ ਇਸ ਸਾਲ ਐੱਫ. ਆਈ. ਐੱਚ. ਪ੍ਰੋ ਲੀਗ 2025-26 ਦੇ ਯੂਰਪੀ ਪੜਾਅ, ਵਿਸ਼ਵ ਕੱਪ ਅਤੇ ਏਸ਼ੀਆਈ ਖੇਡਾਂ ’ਚ ਹਿੱਸਾ ਲੈਣਾ ਹੈ। ਇਸ ਕੈਂਪ ’ਚ ਉਨ੍ਹਾਂ ਵਿਭਾਗਾਂ ਦੀ ਪਛਾਣ ਕੀਤੀ ਜਾਵੇਗੀ ਜਿਨ੍ਹਾਂ ’ਚ ਟੀਮ ਨੂੰ ਹੋਰ ਬਿਹਤਰ ਬਣਨ ਦੀ ਲੋੜ ਹੈ। ਅਭਿਆਸ ਕੈਂਪ ਲਈ ਚੁਣੇ ਗਏ 36 ਸੰਭਾਵਿਤ ਖਿਡਾਰੀ ਇਸ ਤਰ੍ਹਾਂ ਹਨ :
ਗੋਲਕੀਪਰ : ਕ੍ਰਿਸ਼ਨ ਬਹਾਦਰ ਪਾਠਕ, ਪਵਨ, ਸੂਰਜ ਕਰਕੇਰਾ, ਮੋਹਿਤ ਹੋਨੇਨਹੱਲੀ ਸ਼ਸ਼ੀਕੁਮਾਰ, ਪ੍ਰਿੰਸਦੀਪ ਸਿੰਘ।
ਡਿਫੈਂਡਰ : ਅਮਿਤ ਰੋਹਿਦਾਸ, ਜਰਮਨਪ੍ਰੀਤ ਸਿੰਘ, ਸੰਜੇ, ਹਰਮਨਪ੍ਰੀਤ ਸਿੰਘ, ਜੁਗਰਾਜ ਸਿੰਘ, ਸੁਮਿਤ, ਪੂਵੰਨਾ ਚੰਦੂਰਾ ਬੌਬੀ, ਯਸ਼ਦੀਪ ਸਿਵਾਚ, ਨੀਲਮ ਸੰਜੀਪ ਜ਼ੇਸ, ਅਮਨਦੀਪ ਲਾਕੜਾ।
ਮਿਡਫੀਲਡਰ : ਰਾਜਿੰਦਰ ਸਿੰਘ, ਮਨਮੀਤ ਸਿੰਘ, ਹਾਰਦਿਕ ਸਿੰਘ, ਮੋਇਰਾਂਗਥੇਮ ਰਬੀਚੰਦਰ ਸਿੰਘ, ਵਿਵੇਕ ਸਾਗਰ ਪ੍ਰਸਾਦ, ਵਿਸ਼ਨੂੰ ਕਾਂਤ ਸਿੰਘ, ਰਾਜ ਕੁਮਾਰ ਪਾਲ, ਨੀਲਕਾਂਤ ਸ਼ਰਮਾ, ਰੋਸਨ ਕੁਜੂਰ, ਮਨਪ੍ਰੀਤ ਸਿੰਘ।
ਫਾਰਵਰਡ : ਅਭਿਸ਼ੇਕ, ਸੁਖਜੀਤ ਸਿੰਘ, ਸ਼ਿਲਾਨੰਦ ਲਾਕੜਾ, ਮਨਦੀਪ ਸਿੰਘ, ਅਰਜੀਤ ਸਿੰਘ ਹੁੰਦਲ, ਅੰਗਦ ਬੀਰ ਸਿੰਘ, ਉੱਤਮ ਸਿੰਘ, ਸੇਲਵਮ ਕਾਰਥੀ, ਆਦਿੱਤਿਆ ਅਰਜੁਨ ਲਾਲਗੇ, ਮਨਿੰਦਰ ਸਿੰਘ, ਦਿਲਪ੍ਰੀਤ ਸਿੰਘ।