ਸੁਨਾਮ (ਰਮੇਸ਼ ਗਰਗ) : ਅਗਰਵਾਲ ਸਭਾ ਸੁਨਾਮ ਦੀ ਬੈਠਕ ਸ਼ਿਵ ਨਿਕੇਤਨ ਧਰਮਸ਼ਾਲਾ ਵਿੱਚ ਸਭਾ ਦੇ ਪ੍ਰਧਾਨ ਵਿਕਰਮ ਗਰਗ ਵਿਕੀ ਦੀ ਅਗਵਾਈ ਹੇਠ ਹੋਈ, ਜਿਸ ਵਿੱਚ ਸਰਵਸੰਮਤੀ ਨਾਲ ਫੈਸਲਾ ਕੀਤਾ ਗਿਆ ਕਿ ਮਹਾਰਾਜਾ ਅਗਰਸੇਨ ਜਯੰਤੀ ਇਸ ਵਾਰ 27 ਸਤੰਬਰ ਨੂੰ ਨਗਰ ਵਿੱਚ ਸ਼ਾਨਦਾਰ ਢੰਗ ਨਾਲ ਮਨਾਈ ਜਾਵੇਗੀ।
ਬੈਠਕ ਵਿੱਚ ਤਹਿ ਕੀਤਾ ਗਿਆ ਕਿ ਇਸ ਮੌਕੇ ‘ਤੇ ਨਗਰ ਵਿੱਚ ਪ੍ਰਭਾਤ ਫੇਰੀ ਤੇ ਸ਼ੋਭਾਯਾਤਰਾ ਕੱਢੀ ਜਾਵੇਗੀ। ਸ਼ਹਿਰ ਨੂੰ ਸਜਾਇਆ ਜਾਵੇਗਾ। ਜਯੰਤੀ ਉਤਸਵ ਨੂੰ ਸਿਰਫ਼ ਧਾਰਮਿਕ ਤੇ ਸੱਭਿਆਚਾਰਕ ਪ੍ਰੋਗਰਾਮਾਂ ਤੱਕ ਹੀ ਸੀਮਿਤ ਨਾ ਰੱਖਦਿਆਂ, ਇਸ ਵਿੱਚ ਸਮਾਜਿਕ ਸਰੋਕਾਰ ਵੀ ਜੋੜੇ ਜਾਣਗੇ।
ਸਭਾ ਦੇ ਪ੍ਰਧਾਨ ਵਿਕਰਮ ਗਰਗ ਵਿਕਕੀ ਨੇ ਕਿਹਾ ਕਿ ਮਹਾਰਾਜਾ ਅਗਰਸੇਨ ਨੇ ਸਮਾਜ ਨੂੰ ਸਮਾਨਤਾ, ਸਹਿਯੋਗ ਤੇ ਸੇਵਾ ਦਾ ਜੋ ਸੰਦੇਸ਼ ਦਿੱਤਾ ਸੀ, ਉਹ ਅੱਜ ਵੀ ਪ੍ਰੇਰਣਾਦਾਇਕ ਹੈ। ਉਨ੍ਹਾਂ ਨੇ ਨਗਰਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਆਯੋਜਨ ਵਿੱਚ ਵਧ-ਚੜ੍ਹ ਕੇ ਹਿੱਸਾ ਲੈਣ ਅਤੇ ਇਸਨੂੰ ਸਫਲ ਬਣਾਉਣ।
ਸਭਾ ਵੱਲੋਂ ਸੰਕਲਪ ਲਿਆ ਗਿਆ ਕਿ ਇਸ ਵਾਰ ਦੀ ਜਯੰਤੀ ਸੁਨਾਮ ਦੇ ਇਤਿਹਾਸ ਵਿੱਚ ਯਾਦਗਾਰ ਬਣੇਗੀ ਅਤੇ ਇਸਨੂੰ ਪੂਰੇ ਉਤਸ਼ਾਹ,ਏਕਤਾ ਤੇ ਭਾਈਚਾਰੇ ਨਾਲ ਮਨਾਇਆ ਜਾਵੇਗਾ।
ਬੈਠਕ ਦੌਰਾਨ ਵੇਦ ਪ੍ਰਕਾਸ਼ ਹੋਡਲਾ ਨੂੰ ਜਯੰਤੀ ਚੇਅਰਮੈਨ ਨਿਯੁਕਤ ਕੀਤਾ ਗਿਆ। ਇਸਦੇ ਨਾਲ ਹੀ ਰਾਮ ਕੁਮਾਰ ਨੂੰ ਟਰੇਡ ਵਿੰਗ ਦਾ ਕੋਆਰਡੀਨੇਟਰ ਬਣਨ ‘ਤੇ ਸਭਾ ਵੱਲੋਂ ਵਧਾਈ ਦਿੱਤੀ ਗਈ।
ਇਸ ਮੌਕੇ ਸ਼ਾਮ ਲਾਲ ਸਿੰਗਲਾ, ਕ੍ਰਿਸ਼ਨ ਸੰਦੋਹਾ, ਰਵੀ ਕਮਲ, ਜਤਿੰਦਰ ਜੈਨ, ਹਰਿਦੇਵ ਗੋਇਲ, ਹੁਕਮਤ ਰਾਏ ਜਿੰਦਲ, ਮਨਪ੍ਰੀਤ ਬਾਂਸਲ ਨੇ ਆਪਣੇ ਵਿਚਾਰ ਰੱਖਦਿਆਂ ਤਿਆਰੀਆਂ ਨੂੰ ਲੈ ਕੇ ਸੁਝਾਅ ਦਿੱਤੇ।
ਬੈਠਕ ਵਿੱਚ ਅੰਕਿਤ ਕਾਂਸਲ, ਕਮਲ ਗਰਗ, ਸੁਰੇਸ਼ ਕੁਮਾਰ, ਬਲਵਿੰਦਰ ਬਾਂਸਲ, ਰਾਜੀਵ ਬਿੰਦਲ, ਰਾਜ ਕੁਮਾਰ ਕੇਵਲ ਕੁਮਾਰ, ਯੋਗੇਸ਼ ਕੁਮਾਰ (ਪ੍ਰਧਾਨ ਯੂਥ ਅਗਰਵਾਲ ਸਭਾ), ਵਨੀਤ ਗਰਗ, ਰਾਜੀਵ ਸਿੰਗਲਾ, ਰਾਮਾ ਆਲਮਪੁਰੀਆ, ਯਸ਼ਪਾਲ ਸਿੰਗਲਾ, ਪ੍ਰਭਾਤ ਜਿੰਦਲ, ਕੁਮਾਰ ਰਾਕੇਸ਼, ਰਾਜੇਸ਼ ਕੁਮਾਰ, ਰਾਮ ਕੁਮਾਰ ਤਾਇਲ ਅਤੇ ਪ੍ਰਿੰਸਿਪਲ ਦਿਨੇਸ਼ ਗੁਪਤਾ ਸਮੇਤ ਹੋਰ ਅਹੁਦੈਦਾਰ ਤੇ ਮੈਂਬਰ ਮੌਜੂਦ ਰਹੇ।