ਏਅਰਟੈੱਲ ਨੇ ਆਉਣ ਵਾਲੇ ਤਿਉਹਾਰਾਂ ਅਤੇ ਸਰਦੀਆਂ ਦੇ ਟ੍ਰੈਵਲ ਸੀਜ਼ਨ ਨੂੰ ਧਿਆਨ ’ਚ ਰੱਖਦਿਆਂ 19 ਤੋਂ 25 ਨਵੰਬਰ ਤੱਕ ਏਅਰਟੈੱਲ ਐਪ ’ਤੇ ‘ਏਅਰਟੈੱਲ ਟ੍ਰੈਵਲ ਵੀਕ’ ਸ਼ੁਰੂ ਕੀਤਾ ਹੈ। ਇਸ ਤਹਿਤ ਗਾਹਕਾਂ ਨੂੰ ਇੰਟਰਨੈਸ਼ਨਲ ਰੋਮਿੰਗ ਪੈਕਸ ’ਤੇ 10 ਫ਼ੀਸਦੀ ਛੋਟ ਦੇ ਨਾਲ ਵੀਜ਼ਾ ਅਰਜ਼ੀ, ਵਿਦੇਸ਼ੀ ਕਰੰਸੀ ਅਤੇ ਯਾਤਰਾ ਸਬੰਧੀ ਕਈ ਖ਼ਾਸ ਸਹੂਲਤਾਂ ਦਾ ਲਾਭ ਮਿਲੇਗਾ।
ਗਾਹਕ ਐਟਲਿਸ ਰਾਹੀਂ ਚੋਣਵੇਂ ਏਸ਼ੀਆਈ ਦੇਸ਼ਾਂ ਦੀ ਵੀਜ਼ਾ ਅਰਜ਼ੀ ’ਤੇ 4,000 ਰੁਪਏ ਤੱਕ ਦੀ 100 ਫ਼ੀਸਦੀ ਛੋਟ, ਨੀਓ ਮਲਟੀਕਰੰਸੀ ਕਾਰਡ, ਫੌਰੇਕਸ ਕੈਸ਼ ਦੀ ਡੋਰਸਟੈੱਪ ਡਲਿਵਰੀ ਅਤੇ ਨਿੱਜੀ ਟ੍ਰੈਵਲ ਪਲਾਨਿੰਗ ਵਰਗੀਆਂ ਸਹੂਲਤਾਂ ਹਾਸਲ ਕਰ ਸਕਣਗੇ। ਇਸ ਤੋਂ ਇਲਾਵਾ ਗਾਹਕਾਂ ਨੂੰ ਐਮਾਜ਼ੋਨ ਵਾਊਚਰ, ਕੌਂਡੇ ਨਾਸਟ ਟ੍ਰੈਵਲਰ ਦੀ ਮੈਂਬਰਸ਼ਿਪ ਅਤੇ ਮੁਫ਼ਤ ਸਿਟੀ ਗਾਈਡਜ਼ ਜਿੱਤਣ ਦਾ ਮੌਕਾ ਵੀ ਮਿਲੇਗਾ। ਆਫ਼ਰਾਂ ਦਾ ਲਾਭ ਲੈਣ ਲਈ ਗਾਹਕ ਏਅਰਟੈੱਲ ਐਪ ’ਤੇ ‘ਟ੍ਰੈਵਲ ਵੀਕ’ ਸਰਚ ਕਰ ਕੇ ਰਜਿਸਟ੍ਰੇਸ਼ਨ ਕਰ ਸਕਦੇ ਹਨ।