ਓਰੇਕਲ(Oracle) ਦੇ ਸਹਿ-ਸੰਸਥਾਪਕ ਲੈਰੀ ਐਲੀਸਨ ਹੁਣ ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਵਿਅਕਤੀ ਬਣ ਗਏ ਹਨ। ਫੋਰਬਸ ਅਰਬਪਤੀਆਂ ਦੀ ਸੂਚੀ ਅਨੁਸਾਰ ਓਰੇਕਲ ਦੇ ਸ਼ੇਅਰਾਂ 'ਚ ਹਾਲ ਹੀ ਵਿੱਚ ਤੇਜ਼ੀ ਨਾਲ ਵਾਧੇ ਤੋਂ ਬਾਅਦ ਐਲੀਸਨ ਦੀ ਕੁੱਲ ਜਾਇਦਾਦ 258.8 ਬਿਲੀਅਨ ਡਾਲਰ ਤੱਕ ਪਹੁੰਚ ਗਈ ਹੈ। ਇਸ ਵਾਧੇ ਨਾਲ ਉਸਨੇ ਐਮਾਜ਼ੋਨ ਦੇ ਸੰਸਥਾਪਕ ਜੈਫ ਬੇਜ਼ੋਸ ਅਤੇ ਮੇਟਾ ਦੇ ਸੀਈਓ ਮਾਰਕ ਜ਼ੁਕਰਬਰਗ ਨੂੰ ਪਛਾੜ ਦਿੱਤਾ ਹੈ।
ਅਜੇ ਵੀ ਪਹਿਲੇ ਨੰਬਰ 'ਤੇ ਹਨ ਮਸਕ
ਟੈਸਲਾ ਅਤੇ ਸਪੇਸਐਕਸ ਦੇ ਮੁਖੀ ਐਲੋਨ ਮਸਕ ਅਜੇ ਵੀ ਇਸ ਸੂਚੀ ਵਿੱਚ ਟਾਪ 'ਤੇ ਹਨ। ਉਨ੍ਹਾਂ ਦੀ ਕੁੱਲ ਦੌਲਤ 410.8 ਬਿਲੀਅਨ ਡਾਲਰ ਹੋਣ ਦਾ ਅਨੁਮਾਨ ਹੈ। ਹਾਲ ਹੀ ਵਿੱਚ, ਅਮਰੀਕੀ ਰਾਜਨੀਤੀ ਨਾਲ ਸਬੰਧਤ ਬਹਿਸਾਂ ਕਾਰਨ ਮਸਕ ਦੁਬਾਰਾ ਸੁਰਖੀਆਂ ਵਿੱਚ ਸੀ, ਪਰ ਉਨ੍ਹਾਂ ਦੀ ਦੌਲਤ ਵਿੱਚ ਵਾਧਾ ਜਾਰੀ ਹੈ।
ਪਹਿਲਾਂ ਵੀ ਬੇਜ਼ੋਸ ਨੂੰ ਪਛਾੜ ਚੁੱਕੇ ਹਨ ਜਾਇੰਟਸ
ਪਿਛਲੇ ਕੁਝ ਸਾਲਾਂ ਵਿੱਚ ਬੇਜ਼ੋਸ ਦੀ ਸਥਿਤੀ ਵਾਰ-ਵਾਰ ਬਦਲਦੀ ਰਹੀ ਹੈ। ਜ਼ੁਕਰਬਰਗ ਨੇ ਅਕਤੂਬਰ 2024 ਵਿੱਚ ਵੀ ਉਨ੍ਹਾਂ ਨੂੰ ਥੋੜ੍ਹੇ ਸਮੇਂ ਲਈ ਪਛਾੜ ਦਿੱਤਾ ਸੀ, ਜਦੋਂ ਉਨ੍ਹਾਂ ਦੀ ਦੌਲਤ 206.2 ਬਿਲੀਅਨ ਡਾਲਰ ਤੱਕ ਪਹੁੰਚ ਗਈ ਸੀ। ਤੁਲਨਾ ਲਈ, ਉਸ ਸਮੇਂ ਬੇਜ਼ੋਸ ਦੀ ਦੌਲਤ 205.1 ਬਿਲੀਅਨ ਡਾਲਰ ਸੀ।
ਚੋਟੀ ਦੇ 6 ਅਮੀਰਾਂ ਦੀ ਸੂਚੀ (ਫੋਰਬਸ ਅਨੁਸਾਰ)
ਐਲੋਨ ਮਸਕ - 410.8 ਬਿਲੀਅਨ ਡਾਲਰ
ਲੈਰੀ ਐਲੀਸਨ - 258.8 ਬਿਲੀਅਨ ਡਾਲਰ
ਮਾਰਕ ਜ਼ੁਕਰਬਰਗ - 235 ਬਿਲੀਅਨ ਡਾਲਰ
ਜੈਫ ਬੇਜੋਸ - 226 ਬਿਲੀਅਨ ਡਾਲਰ
ਵਾਰਨ ਬਫੇਟ - 152 ਬਿਲੀਅਨ ਡਾਲਰ
ਲੈਰੀ ਪੇਜ - 144 ਬਿਲੀਅਨ ਡਾਲਰ