ਨਵਾਂ ਸ਼ਹਿਰ (ਮਨੋਰੰਜਨ ਕਾਲੀਆ) : ਸਤਨਾਮ ਜਲਾਲਪੁਰ, ਜ਼ਿਲ੍ਹਾ ਪ੍ਰਧਾਨ ਆਮ ਆਦਮੀ ਪਾਰਟੀ ਅਤੇ ਚੇਅਰਮੈਨ ਜਿਲਾ ਯੋਜਨਾ ਬੋਰਡ ਸ਼ਹੀਦ ਭਗਤ ਸਿੰਘ ਨਗਰ ਨੇ ਕਿਹਾ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਜੀ, ਜੋ ਕਿ ਪੰਜਾਬ ਦਾ ਦੌਰਾ ਕਰਨ ਲਈ ਮੰਗਲਵਾਰ ਨੂੰ ਆ ਰਹੇ ਹਨ ਨੂੰ ਬੇਨਤੀ ਹੈ ਕਿ ਉਹ ਪੰਜਾਬ ਦਾ ਬਣਦਾ ਹੱਕ ਪੰਜਾਬ ਨੂੰ ਦੇ ਕੇ ਜਾਣ। ਪੰਜਾਬ ਜਿੱਥੇ ਹੜਾਂ ਦੀ ਮਾਰ ਨੂੰ ਸਹਿ ਰਿਹਾ ਹੈ ਉੱਥੇ ਪੰਜਾਬ ਨੂੰ ਰਾਹਤ ਪੈਕਜ ਦੇ ਨਾਲ ਨਾਲ ਜੋ ਪੰਜਾਬ ਦਾ ਬਕਾਇਆ ਰਾਸ਼ੀ ਕੇਂਦਰ ਸਰਕਾਰ ਨੇ ਰੋਕੀ ਹੋਈ ਹੈ,ਉਸ ਨੂੰ ਜਲਦੀ ਤੋਂ ਜਲਦੀ ਜਾਰੀ ਕੀਤਾ ਜਾਵੇ, ਚਾਹੇ ਉਹ 50 ਹਜਾਰ ਕਰੋੜ ਤੋਂ ਵੱਧ ਜੀ ਐਸ ਟੀ ਦਾ ਬਕਾਇਆ ਹੋਵੇ, ਚਾਹੇ 8000 ਕਰੋੜ ਤੋਂ ਵੱਧ ਆਰ ਡੀ ਐਫ ਦੇ ਫੰਡ ਜਾ ਇਸ ਤੋਂ ਇਲਾਵਾ ਹੋਰ ਜਿੰਨੇ ਵੀ ਬਕਾਇਆ ਫੰਡ ਪੰਜਾਬ ਸਰਕਾਰ ਦੇ ਰੋਕੇ ਹੋਏ ਹਨ, ਉਸਨੂੰ ਜਲਦੀ ਤੋਂ ਜਲਦੀ ਪੰਜਾਬ ਨੂੰ ਦਿੱਤੇ ਜਾਣ ਤਾਂ ਕਿ ਪੰਜਾਬ ਇਸ ਸੰਕਟ ਦੀ ਘੜੀ ਤੋਂ ਉਭਰ ਕੇ ਦੁਆਰਾ ਆਪਣੀਆਂ ਲੀਹਾਂ ਤੇ ਆ ਸਕੇ। ਉਹਨਾਂ ਨੇ ਬੀਜੇਪੀ ਦੀ ਪੰਜਾਬ ਲੀਡਰਸ਼ਿਪ ਨੂੰ ਵੀ ਕਿਹਾ ਕਿ ਉਹ ਪੰਜਾਬੀਆਂ ਦੇ ਹੱਕ ਦਵਾਉਣ ਲਈ ਜਰੂਰ ਆਵਾਜ਼ ਉਠਾਉਣ।ਇਸ ਮੌਕੇ ਵਨੀਤ ਜਾਡਲਾ ਪ੍ਰਧਾਨ ਕਿਸਾਨ ਵਿੰਗ, ਭੁਪਿੰਦਰ ਉੜਾਪੜ ਆਦਿ ਹਾਜ਼ਰ ਸਨ।