ਭਾਰਤੀ ਸਿਨੇਮਾ ਨੇ ਬਾਕਸ ਆਫਿਸ 'ਤੇ ਕਮਾਈ ਦਾ ਇੱਕ ਨਵਾਂ ਇਤਿਹਾਸਕ ਰਿਕਾਰਡ ਕਾਇਮ ਕੀਤਾ ਹੈ। ਸਾਲ ਖ਼ਤਮ ਹੋਣ ਤੋਂ 45 ਦਿਨ ਪਹਿਲਾਂ ਹੀ ਫਿਲਮਾਂ ਦੀ ਕੁੱਲ ਕਮਾਈ ਪਿਛਲੇ ਪੂਰੇ ਸਾਲ ਨਾਲੋਂ ਜ਼ਿਆਦਾ ਹੋ ਗਈ ਹੈ। ਸੈਕਨਿਲਕ (Sacnilk) ਦੇ ਅਨੁਮਾਨ ਅਨੁਸਾਰ, 15 ਨਵੰਬਰ ਤੱਕ ਦੇਸ਼ ਦੇ ਬਾਕਸ ਆਫਿਸ 'ਤੇ 13,775 ਕਰੋੜ ਰੁਪਏ ਦੀ ਕਮਾਈ ਹੋ ਚੁੱਕੀ ਹੈ। ਇਹ 2025 ਦੀ ਕੁੱਲ ਕਮਾਈ (13,350 ਕਰੋੜ ਰੁਪਏ) ਤੋਂ 425 ਕਰੋੜ ਰੁਪਏ ਜ਼ਿਆਦਾ ਹੈ।
ਇਸ ਸਾਲ ਹੁਣ ਤੱਕ ਕੁੱਲ 1,260 ਫਿਲਮਾਂ ਰਿਲੀਜ਼ ਹੋਈਆਂ ਹਨ। ਇਨ੍ਹਾਂ ਵਿੱਚੋਂ 122 ਵਿਦੇਸ਼ੀ ਫਿਲਮਾਂ ਨੇ 1,570 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਸਾਲਾਨਾ ਕਮਾਈ 15,000 ਕਰੋੜ ਰੁਪਏ ਤੱਕ ਪਹੁੰਚਣ ਦੀ ਉਮੀਦ ਜਤਾਈ ਜਾ ਰਹੀ ਹੈ। ਇਸ ਅੰਕੜੇ ਨੂੰ ਛੂਹਣ ਲਈ ਬਾਕੀ ਰਹਿੰਦੇ 46 ਦਿਨਾਂ ਵਿੱਚ 1,225 ਕਰੋੜ ਰੁਪਏ ਹੋਰ ਕਮਾਉਣੇ ਪੈਣਗੇ। ਦਸੰਬਰ ਮਹੀਨੇ ਵਿੱਚ ਕਈ ਵੱਡੀਆਂ ਫਿਲਮਾਂ ਰਿਲੀਜ਼ ਹੋਣ ਜਾ ਰਹੀਆਂ ਹਨ।
ਇਸ ਸਾਲ ਦੇਸ਼ ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ Top 5 ਫਿਲਮਾਂ (ਭਾਰਤ ਵਿੱਚ ਗ੍ਰਾਸ ਕਲੈਕਸ਼ਨ - ਕਰੋੜ ਰੁਪਏ ਵਿੱਚ):
-ਧੁਰੰਧਰ 2: ਦਿ ਰਿਵੈਂਜ — 1,375 ਕਰੋੜ ਰੁਪਏ
-ਰਾਮਾਇਣ — 909 ਕਰੋੜ ਰੁਪਏ
-ਸਪਾਈਡਰਮੈਨ: ਬ੍ਰਾਂਡ ਨਿਊ ਡੇ — 599.25 ਕਰੋੜ ਰੁਪਏ
-ਜੇਲਰ 2 — 555.25 ਕਰੋੜ ਰੁਪਏ
-ਦ੍ਰਿਸ਼ਯਮ 3: ਦਿ ਕੰਕਲੂਜ਼ਨ — 455.75 ਕਰੋੜ ਰੁਪਏ
ਸ਼ੁੱਧ ਕਮਾਈ ਵਿੱਚ ਭਾਸ਼ਾਵਾਂ ਦੀ ਹਿੱਸੇਦਾਰੀ:
ਕੁੱਲ ਸ਼ੁੱਧ ਕਮਾਈ ਵਿੱਚ ਹਿੰਦੀ ਫਿਲਮਾਂ ਦੀ ਹਿੱਸੇਦਾਰੀ ਸਭ ਤੋਂ ਵੱਧ ਲਗਭਗ 44% ਰਹੀ ਹੈ। ਹੋਰ ਭਾਸ਼ਾਵਾਂ ਦਾ ਯੋਗਦਾਨ ਇਸ ਪ੍ਰਕਾਰ ਹੈ:
-ਤੇਲਗੂ: 18%
-ਤਾਮਿਲ: 15%
-ਅੰਗਰੇਜ਼ੀ: 9%
-ਮਲਿਆਲਮ: 7%
-ਕੰਨੜ: 3%
-ਹੋਰ ਭਾਸ਼ਾਵਾਂ: 4%