ਪਿਤਾ ਧਰਮਿੰਦਰ ਦੇ ਦਿਹਾਂਤ ਮਗਰੋਂ ਸੰਨੀ ਤੇ ਬੌਬੀ ਦਿਓਲ ਦੀ ਸੋਸ਼ਲ ਮੀਡੀਆ 'ਤੇ ਆਈ ਪਹਿਲੀ ਪ੍ਰਤੀਕਿਰਿਆ

ਮੁੰਬਈ : ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਧਰਮਿੰਦਰ ਦਾ 24 ਨਵੰਬਰ ਨੂੰ 89 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਸੀ। ਉਨ੍ਹਾਂ ਦੇ ਦਿਹਾਂਤ ਤੋਂ ਲਗਭਗ ਅੱਠ ਦਿਨਾਂ ਬਾਅਦ, ਉਨ੍ਹਾਂ ਦੇ ਪੁੱਤਰ ਅਤੇ ਪ੍ਰਸਿੱਧ ਅਦਾਕਾਰ ਸੰਨੀ ਦਿਓਲ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਪਿਤਾ ਦੀ ਯਾਦ ਵਿੱਚ ਇੱਕ ਭਾਵੁਕ ਪ੍ਰਤੀਕਰਮ ਦਿੱਤਾ ਹੈ।

'ਸੈਲੀਬ੍ਰੇਸ਼ਨ ਆਫ਼ ਲਾਈਫ' ਵੀਡੀਓ 'ਤੇ ਭਾਵੁਕ ਕਮੈਂਟ
27 ਨਵੰਬਰ ਨੂੰ ਦਿਓਲ ਪਰਿਵਾਰ ਨੇ ਧਰਮਿੰਦਰ ਲਈ ਮੁੰਬਈ ਦੇ ਤਾਜ ਲੈਂਡਸ ਐਂਡ ਦੇ ਸੀਸਾਈਡ ਲੌਨਜ਼ ਵਿੱਚ ਇੱਕ ਪ੍ਰਾਰਥਨਾ ਸਭਾ (Prayer Meet) ਦਾ ਆਯੋਜਨ ਕੀਤਾ ਸੀ, ਜਿਸਦਾ ਸਿਰਲੇਖ 'ਸੈਲੀਬ੍ਰੇਸ਼ਨ ਆਫ਼ ਲਾਈਫ' ਰੱਖਿਆ ਗਿਆ ਸੀ। ਇਸ ਸਮਾਗਮ ਵਿੱਚ ਧਰਮਿੰਦਰ ਨੂੰ ਇੱਕ ਮਿਊਜ਼ੀਕਲ ਟ੍ਰਿਬਿਊਟ ਦਿੱਤਾ ਗਿਆ ਸੀ। ਬਿਊਟੀ ਫੋਟੋਗ੍ਰਾਫਰ ਟੀਨਾ ਦੇਹਲ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਧਰਮਿੰਦਰ ਦੀਆਂ ਯਾਦਗਾਰ ਤਸਵੀਰਾਂ ਨਾਲ ਸਜਿਆ ਇੱਕ ਵੀਡੀਓ ਸਾਂਝਾ ਕੀਤਾ। ਇਸ ਵੀਡੀਓ ਵਿੱਚ ਲਿਖਿਆ ਸੀ, "ਇਸ ਮੈਜਿਕ ਲਈ ਸ਼ੁਕਰੀਆ। ਇੰਨੀ ਘੱਟ ਉਮਰ ਵਿੱਚ ਅਸੀਂ ਸਾਰਿਆਂ ਨੂੰ ਫਿਲਮਾਂ ਦੇ ਜਾਦੂ ਨਾਲ ਜਾਣੂ ਕਰਵਾਉਣ ਲਈ, ਅਸੀਂ ਸਾਰਿਆਂ ਨੇ ਇਸ ਜਾਦੂ ਨੂੰ ਫੋਲੋ ਕੀਤਾ। ਕੁਝ ਕੈਮਰੇ ਦੇ ਸਾਹਮਣੇ, ਕੁਝ ਪਿੱਛੇ... ਕੁਝ ਕਲਾਕਾਰ... ਕੁਝ ਸੰਗੀਤ ਦੇ ਤੋਹਫ਼ੇ ਨਾਲ... ਇਹ ਜਾਦੂ ਜ਼ਿੰਦਾ ਹੈ"। ਇਸ ਭਾਵੁਕ ਵੀਡੀਓ 'ਤੇ ਸੰਨੀ ਦਿਓਲ ਨੇ ਪ੍ਰਤੀਕਿਰਿਆ ਦਿੰਦੇ ਹੋਏ ਰੈੱਡ ਹਾਰਟ ਇਮੋਜੀ ਪੋਸਟ ਕੀਤੇ ਹਨ।

ਬੌਬੀ ਅਤੇ ਅਭੈ ਦਿਓਲ ਨੇ ਵੀ ਪ੍ਰਗਟਾਇਆ ਪਿਆਰ
ਸੰਨੀ ਦਿਓਲ ਦੇ ਨਾਲ-ਨਾਲ ਉਨ੍ਹਾਂ ਦੇ ਭਰਾਵਾਂ ਨੇ ਵੀ ਇਸ ਵੀਡੀਓ 'ਤੇ ਕਮੈਂਟ ਕੀਤਾ: ਬੌਬੀ ਦਿਓਲ ਨੇ ਵੀ ਵੀਡੀਓ 'ਤੇ ਹਾਰਟ ਇਮੋਜੀ ਪੋਸਟ ਕੀਤੇ। ਅਭੈ ਦਿਓਲ ਨੇ ਵੀ ਕਮੈਂਟ ਸੈਕਸ਼ਨ ਵਿੱਚ ਦਿਲ ਦੇ ਇਮੋਜੀ ਰਾਹੀਂ ਆਪਣੇ ਪਿਆਰ ਅਤੇ ਸਤਿਕਾਰ ਦਾ ਪ੍ਰਗਟਾਵਾ ਕੀਤਾ। ਸੰਨੀ ਦਿਓਲ ਦੇ ਇਸ ਭਾਵੁਕ ਪ੍ਰਤੀਕਰਮ 'ਤੇ ਕਈ ਆਨਲਾਈਨ ਉਪਭੋਗਤਾਵਾਂ ਨੇ ਟਿੱਪਣੀਆਂ ਕੀਤੀਆਂ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਯੂਜ਼ਰ ਨੇ ਲਿਖਿਆ, "ਤੁਹਾਨੂੰ ਅਤੇ ਤੁਹਾਡੇ ਪਰਿਵਾਰ ਨੂੰ ਸਾਡੀ ਹਾਰਦਿਕ ਸੰਵੇਦਨਾ। ਤੁਸੀਂ ਸਾਰੇ ਬਹੁਤ ਖੁਸ਼ਕਿਸਮਤ ਹੋ ਕਿ ਤੁਹਾਡੇ ਪਰਿਵਾਰ ਵਿੱਚ ਅਜਿਹੀ ਖੂਬਸੂਰਤ ਸ਼ਖਸੀਅਤ ਸੀ। ਹੁਣ ਤੱਕ ਦੀ ਸਭ ਤੋਂ ਹੈਂਡਸਮ ਸ਼ਖਸੀਅਤ"।