ਜਲੰਧਰ : ਨਕੋਦਰ ਵਿਚ ਬਾਪੂ ਲਾਲ ਬਾਦਸ਼ਾਹ ਮੇਲੇ ਵਿੱਚ ਪੰਜਾਬੀ ਗਾਇਕ ਖਾਨ ਸਾਬ ਪਹੁੰਚੇ। ਇਸ ਦੌਰਾਨ ਉਥੇ ਹੁੱਲੜਬਾਜ਼ੀ ਕਰਨ ਵਾਲੇ ਨੌਜਵਾਨਾਂ 'ਤੇ ਭੜਕ ਉੱਠੇ। ਇਸ ਦੌਰਾਨ ਉਨ੍ਹਾਂ ਮੇਲੇ ਵਿਚ ਆਏ ਨੌਜਵਾਨਾਂ ਨੂੰ ਬੈਠਣ ਦੀ ਅਪੀਲ ਕੀਤੀ ਪਰ ਉਸ ਦੇ ਬਾਵਜੂਦ ਕੁਝ ਨੌਜਵਾਨ ਲਗਾਤਾਰ ਹੁੱਲੜਬਾਜ਼ੀ ਕਰਦੇ ਰਹੇ, ਜਿਸ ਤੋਂ ਬਾਅਦ ਖਾਨ ਸਾਬ੍ਹ ਨੇ ਲੋਕਾਂ ਨੂੰ ਬੈਠਣ ਦੀ ਅਪੀਲ ਕੀਤੀ ਪਰ ਫਿਰ ਵੀ ਨਾ ਬੈਠਣ 'ਤੇ ਉਹ ਭੜਕ ਗਏ ਅਤੇ ਕਿਹਾ ਕਿ ਜਦੋਂ ਪੁਲਸ ਤੁਹਾਡੇ 'ਤੇ ਡੰਡੇ ਵਰ੍ਹਾਏਗੀ ਫਿਰ ਮਜ਼ਾ ਆਵੇਗਾ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕਰਦੇ ਕਿਹਾ ਕਿ ਗਰਮੀ ਕਾਫ਼ੀ ਜ਼ਿਆਦਾ ਹੈ ਅਤੇ ਤੁਸੀਂ ਮੇਲੇ ਵਿਚ ਬੈਠ ਕੇ ਆਰਾਮ ਨਾਲ ਸੁਣੋ। ਤੁਹਾਡੇ ਵੱਲੋਂ ਲਗਾਤਾਰ ਕੀਤੀ ਜਾ ਰਹੀ ਹੂਟਿੰਗ ਨਾਲ ਕਿਸੇ ਇਕ ਨੂੰ ਹਾਰਟ ਅਟੈਕ ਹੋ ਜਾਵੇਗਾ।
ਖਾਨ ਸਾਬ ਨੇ ਕਿਹਾ ਸਾਲ ਵਿਚ ਇਕ ਵਾਰ ਪ੍ਰੋਗਰਾਮ ਵਿਚ ਆਉਣ ਦਾ ਮੌਕਾ ਮਿਲਦਾ ਹੈ ਪਰ ਉਸ ਨੂੰ ਵੀ ਖੜ੍ਹੇ ਹੋ ਕੇ ਤੁਸੀਂ ਖ਼ਰਾਹ ਕਰ ਰਹੇ ਹੋ। ਮੈਂ ਮੰਨਦਾ ਹਾਂ ਕਿ ਤੁਸੀਂ ਸਾਰੇ ਮੈਨੂੰ ਬਹੁਤ ਪਿਆਰ ਕਰਦੇ ਹੋ ਪਰ ਕਿਰਪਾ ਕਰਕੇ ਸ਼ਾਂਤੀ ਬਣਾਈ ਰੱਖੋ।" ਫਿਰ ਪ੍ਰਬੰਧਨ ਨੇ ਅਪੀਲ ਕੀਤੀ ਪਰ ਨੌਜਵਾਨਾਂ ਨੇ ਬੈਠਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਦੌਰਾਨ ਪ੍ਰਬੰਧਨ ਨੇ ਐਲਾਨ ਕੀਤਾ ਕਿ ਜੇਕਰ ਉਹ ਨਹੀਂ ਬੈਠਦੇ ਤਾਂ ਖਾਨ ਸਾਬ ਦਾ ਪ੍ਰੋਗਰਾਮ ਬੰਦ ਕਰ ਦਿੱਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਤੁਹਾਡੇ ਲੋਕਾਂ ਵੱਲੋਂ ਨਾ ਬੈਠਣ ਕਾਰਨ ਮੇਰਾ ਕੀਮਤੀ ਸਮਾਂ ਬਰਬਾਦ ਹੋ ਰਿਹਾ ਹੈ। ਮੈਨੂੰ ਸਮਝ ਨਹੀਂ ਆਉਂਦੀ ਕਿ ਤੁਸੀਂ ਚੁੱਪ-ਚਾਪ ਕਿਉਂ ਨਹੀਂ ਬੈਠਦੇ। ਤੁਹਾਨੂੰ ਇਥੇ ਸਾਲ ਵਿੱਚ ਸਿਰਫ਼ ਇਕ ਵਾਰ ਆਉਣ ਦਾ ਮੌਕਾ ਮਿਲਦਾ ਹੈ, ਇਸ ਲਈ ਸਮੇਂ ਦੀ ਮਹੱਤਤਾ ਨੂੰ ਸਮਝੋ ਅਤੇ ਚੁੱਪ-ਚਾਪ ਬੈਠੋ।" ਉਨ੍ਹਾਂ ਕਿਹਾ ਕਿ ਮੈਂ ਚੰਗੀ ਤਰ੍ਹਾਂ ਜਾਣਦਾ ਹਾਂ ਕਿ ਤੁਸੀਂ ਸਾਰੇ ਮੈਨੂੰ ਬਹੁਤ ਪਿਆਰ ਕਰਦੇ ਹੋ ਅਤੇ ਮੈਨੂੰ ਮਿਲਣ ਲਈ ਦੂਰ-ਦੂਰ ਤੋਂ ਆਏ ਹੋ। ਤੁਹਾਡਾ ਇਹ ਪਿਆਰ ਸਰਵਉੱਚ ਹੈ ਪਰ ਇਸ ਦਾ ਮਤਲਬ ਇਹ ਨਹੀਂ ਹੈ ਕਿ ਸਾਨੂੰ ਉਤਸ਼ਾਹ 'ਚ ਇਕ ਦੂਜੇ ਦੀਆਂ ਜਾਨਾਂ ਜੋਖਮ 'ਚ ਪਾਉਣੀਆਂ ਚਾਹੀਦੀਆਂ ਹਨ। ਆਪਣੇ ਆਪ ਨੂੰ ਕਾਬੂ 'ਚ ਰੱਖੋ ਅਤੇ ਅਨੁਸ਼ਾਸਨ ਬਣਾਈ ਰੱਖੋ।" ਨੌਜਵਾਨਾਂ ਦੇ ਬੈਠਣ ਤੋਂ ਬਾਅਦ ਹੀ ਖਾਨ ਸਾਬ ਨੇ ਫਿਲਮ ਧੁਰੰਧਰ ਦੇ ਗੀਤ ਗਾਏ।