ਪਾਕਿਸਤਾਨ ਨੇ ਚੀਨ ਦੇ ਜਾਂਗਜਿਆਗ ਸੀਸ਼ੋਰ ਲਾਂਚ ਸੈਂਟਰ ਤੋਂ ਆਪਣੇ ਦੂਜੇ ਸਵਦੇਸ਼ੀ ਪ੍ਰਿਥਵੀ ਨਿਰੀਖਣ ਉਪਗ੍ਰਹਿ EO-2 ਦਾ ਸਫਲ ਪ੍ਰੀਖਣ ਕੀਤਾ ਹੈ। ਇਹ ਉਪਗ੍ਰਹਿ ਪਾਕਿਸਤਾਨ ਦੇ ਪੁਲਾੜ ਕਮਿਸ਼ਨ SUPARCO (Space and Upper Atmosphere Research Commission) ਦੁਆਰਾ ਵਿਕਸਤ ਕੀਤਾ ਗਿਆ ਹੈ, ਜਿਸ ਦਾ ਮੁੱਖ ਮਕਸਦ ਦੇਸ਼ ਦੀ ਪ੍ਰਿਥਵੀ ਨਿਰੀਖਣ ਅਤੇ ਉੱਚ-ਰੈਜ਼ੋਲੂਸ਼ਨ ਇਮੇਜਿੰਗ (high-resolution imaging) ਸਮਰੱਥਾਵਾਂ ਨੂੰ ਵਧਾਉਣਾ ਹੈ।
ਇਹ ਉਪਗ੍ਰਹਿ ਰਾਸ਼ਟਰੀ ਵਿਕਾਸ ਯੋਜਨਾਵਾਂ, ਕੁਦਰਤੀ ਸਰੋਤਾਂ ਦੇ ਪ੍ਰਬੰਧਨ, ਵਾਤਾਵਰਣ ਦੀ ਨਿਗਰਾਨੀ ਅਤੇ ਸ਼ਹਿਰੀ ਵਿਸਤਾਰ ਲਈ ਮਹੱਤਵਪੂਰਨ ਡੇਟਾ ਪ੍ਰਦਾਨ ਕਰੇਗਾ। ਇਸ ਨਾਲ ਆਫ਼ਤ ਪ੍ਰਬੰਧਨ, ਜਲਵਾਯੂ ਵਿਸ਼ਲੇਸ਼ਣ ਅਤੇ ਰਣਨੀਤਕ ਫੈਸਲੇ ਲੈਣ ਵਿੱਚ ਸਟੀਕ ਅਤੇ ਸਮੇਂ ਸਿਰ ਉਪਗ੍ਰਹਿ ਤਸਵੀਰਾਂ ਉਪਲਬਧ ਹੋ ਸਕਣਗੀਆਂ।
ਜ਼ਿਕਰਯੋਗ ਹੈ ਕਿ ਪਾਕਿਸਤਾਨ ਨੇ ਪਿਛਲੇ ਸਾਲ ਆਪਣਾ ਪਹਿਲਾ ਸਵਦੇਸ਼ੀ ਇਲੈਕਟ੍ਰੋ-ਆਪਟੀਕਲ (EO-1) ਉਪਗ੍ਰਹਿ ਵੀ ਚੀਨ ਦੇ ਜਿਯੁਕੁਆਨ ਲਾਂਚ ਸੈਂਟਰ ਤੋਂ ਲਾਂਚ ਕੀਤਾ ਸੀ। ਇਸ ਲਾਂਚ ਦੇ ਨਾਲ ਪਾਕਿਸਤਾਨ ਨੇ ਆਪਣੇ ਉਪਗ੍ਰਹਿ ਬੇੜੇ ਦਾ ਵਿਸਤਾਰ ਕੀਤਾ ਹੈ, ਜਿਸ ਨਾਲ ਧਰਤੀ ਦੇ ਨਿਰੀਖਣ ਡੇਟਾ ਦੀ ਸ਼ੁੱਧਤਾ ਅਤੇ ਕਵਰੇਜ ਵਿੱਚ ਸੁਧਾਰ ਹੋਵੇਗਾ।