ਜੰਮੂ : ਜੰਮੂ ਕਸ਼ਮੀਰ ਦੇ ਰਾਜੌਰੀ ਜ਼ਿਲ੍ਹੇ 'ਚ ਪੁਲਸ ਨੇ ਮੰਗਲਵਾਰ ਨੂੰ 'ਪੀਆਈਏ' ਲਿਖਿਆ ਹੋਇਆ ਜਹਾਜ਼ ਦੇ ਆਕਾਰ ਦਾ ਇਕ ਗੁਬਾਰਾ ਬਰਾਮਦ ਕੀਤਾ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਧਰਮਸਾਲ ਥਾਣਾ ਖੇਤਰ ਦੇ ਅਧੀਨ ਸਰਹੋਤੀ ਪਿੰਡ 'ਚ ਉਰਦੂ 'ਚ 'ਪੀਆਈਏ' ਲਿਖਿਆ ਹੋਇਆ ਲਾਲ ਅਤੇ ਚਿੱਟੇ ਰੰਗ ਦਾ ਜਹਾਜ਼ ਦੇ ਆਕਾਰ ਦਾ ਗੁਬਾਰਾ ਮਿਲਿਆ ਹੈ।
ਗੁਬਾਰੇ ਦੇ ਦਿੱਸਣ ਤੋਂ ਬਾਅਦ ਸਥਾਨਕ ਲੋਕਾਂ ਨੇ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ। ਅਧਿਕਾਰੀਆਂ ਨੇ ਦੱਸਿਆ ਕਿ ਟੋਰੀਥ ਪੁਲਸ ਚੌਕੀ ਦੇ ਪੁਲਸ ਮੁਲਾਜ਼ਮ ਮੌਕੇ 'ਤੇ ਪਹੁੰਚੇ, ਗੁਬਾਰੇ ਨੂੰ ਆਪਣੇ ਕਬਜ਼ੇ 'ਚ ਲੈ ਕੇ ਉਸ ਨੂੰ ਜ਼ਬਤ ਕਰ ਲਿਆ। ਇਸ ਤੋਂ ਪਹਿਲਾਂ, 23 ਫਰਵਰੀ ਨੂੰ ਜੰਮੂ ਕੋਲ ਅਖਨੂਰ ਸੈਕਟਰ ਦੇ ਗੁਨਾਰਾ ਪਿੰਡ ਤੋਂ 2 ਗੁਬਾਰੇ ਬਰਾਮਦ ਕੀਤੇ ਗਏ ਸਨ, ਜਿਨ੍ਹਾਂ 'ਚ ਪਾਕਿਸਤਾਨੀ 5,000 ਰੁਪਏ ਦਾ ਇਕ ਨੋਟ ਅਤੇ ਇਕ ਅਮਰੀਕੀ ਡਾਲਰ ਚਿਪਕਿਆ ਹੋਇਆ ਸੀ।