ਖਰੜ (ਪ੍ਰੀਤ ਪੱਤੀ) : ਖਰੜ ਵਿਖੇ ਖੱਤਰੀ ਸਭਾ ਦੀ ਮਹੀਨਾਵਾਰ ਮੀਟਿੰਗ ਪ੍ਰਧਾਨ ਵਿਨੋਦ ਕਪੂਰ ਦੀ ਪ੍ਰਧਾਨਗੀ ਹੇਠ ਲਾਲਾ ਬੈਜਨਾਥ ਦੇ ਸ਼ੋਰੂਮ ਵਿਨੋਦ ਪਾਇਪ ਐਂਡ ਹਾਰਡਵੇਅਰ ਸਟੋਰ ਖਰੜ ਵਿਖੇ ਹੋਈ। ਮੀਟਿੰਗ ਵਿੱਚ ਅਹਿਮ ਮੁੱਦਿਆਂ ਤੇ ਵਿਚਾਰ ਚਰਚਾ ਹੋਈ।
ਆਰੀਆ ਸਮਾਜ ਖਰੜ ਵੱਲੋਂ ਸ਼੍ਰੀ ਰਾਮ ਮੰਦਰ ਖਰੜ ਵਿਖੇ 07 ਤੋਂ 13 ਸਤੰਬਰ ਤੱਕ ਕਰਵਾਈ ਜਾ ਰਹੀ ਸ਼੍ਰੀ ਰਾਮ ਕਥਾ ਦਾ ਸੱਦਾ ਪੱਤਰ ਵਿਸ਼ੇਸ਼ ਤੌਰ ਤੇ ਖੱਤਰੀ ਸਭਾ ਖਰੜ ਨੂੰ ਦਿੱਤਾ ਗਿਆ।
ਪ੍ਰਧਾਨ ਵਿਨੋਦ ਕਪੂਰ ਵੱਲੋਂ ਇਸ ਸਬੰਧੀ ਦੱਸਿਆ ਗਿਆ ਕਿ ਬੈਠਕ ਵਿੱਚ ਸ਼ਹਿਰ ਦੇ ਸ਼ਮਸ਼ਾਨ ਘਾਟ ਰਾਮ ਬਾਗ ਨੂੰ ਵਧੀਆ ਤੇ ਸੁਚੱਜੇ ਢੰਗ ਨਾਲ ਬਣਾਉਣ ਦੇ ਸਬੰਧੀ ਅਹਿਮ ਵਿਚਾਰਾਂ ਕੀਤੀਆਂ ਗਈਆਂ ਅਤੇ ਲੋੜਵੰਦ ਵਿਦਿਆਰਥੀਆਂ ਦੀ ਪੜ੍ਹਾਈ ਲਈ ਵੀ ਮਾਲੀ ਮਦਦ ਦੇਣ ਦੀ ਗੱਲ ਆਖੀ ਗਈ। ਵਿਸ਼ੇਸ਼ ਤੌਰ ਤੇ ਸੱਦਾ ਪੱਤਰ ਦੇਣ ਲਈ ਪਹੁੰਚੇ ਪ੍ਰਿੰਸੀਪਲ ਜਤਿੰਦਰ ਗੁਪਤਾ ਨੇ ਦੱਸਿਆ ਕਿ ਆਉਣ ਵਾਲੀ 06 ਸਤੰਬਰ ਨੂੰ ਆਰੀਆ ਸਮਾਜ ਵੱਲੋਂ ਵਿਸ਼ਾਲ ਸ਼ੋਭਾ ਯਾਤਰਾ ਕੱਢੀ ਜਾ ਰਹੀ ਹੈ ਜੋ ਕਿ ਸ਼੍ਰੀ ਰਾਮ ਮੰਦਰ ਖਰੜ ਤੋਂ ਆਰੰਭ ਹੋਵੇਗੀ ਇਸੇ ਸ਼ੋਭਾ ਯਾਤਰਾ ਨੂੰ ਵਧੀਆ ਢੰਗ ਨਾਲ ਨੇਪਰੇ ਚਾੜਨ ਸਬੰਧੀ ਵੀ ਵਿਊਤਬੰਦੀ ਕੀਤੀ ਗਈ ।
ਬੈਠਕ ਵਿੱਚ ਪ੍ਰਧਾਨ ਵਿਨੋਦ ਕਪੂਰ ਤੋਂ ਇਲਾਵਾ ਅਸ਼ੋਕ ਸੇਤੀਆ, ਐਡਵੋਕੇਟ ਅਨਿਲ ਕੁਮਾਰ, ਸੁਨੀਲ ਖੰਨਾ , ਮਿੱਕਲ ਅਰੋੜਾ, ਰਵਿੰਦ ਖੰਨਾ , ਸੀਮੰਤ ਕੋਹਲੀ , ਸਾਧੂ ਰਾਮ , ਰੋਹਿਤ ਕਪੂਰ , ਡਾ. ਹਰੀਸ਼ ਚੋਪੜਾ , ਡਾ. ਬ੍ਰਿਜ ਪਾਲ ਠਾਕੁਰ , ਅਸ਼ੋਕ ਬਹਿਲ, ਸੰਦੀਪ ਬਿੰਦਰਾ , ਰਾਜੇਸ਼ ਕੁਮਾਰ ਲਵਲੀ, ਹੈਪੀ ਸੇਠ , ਅਜੇ ਕਪੂਰ, ਅਨਿਲ ਸੇਠ ਸਮੇਤ ਹੋਰ ਮੈਂਬਰ ਹਾਜ਼ਰ ਸਨ।