ਮੱਧ ਪੂਰਵ 'ਚ ਤਣਾਅ ਇਕ ਵਾਰ ਫਿਰ ਤੋਂ ਖਤਰਨਾਕ ਪੱਧਰ ਤੇ ਪਹੁੰਚ ਗਿਆ ਹੈ। ਗਾਜਾ ਪੱਟੀ ਅਤੇ ਲਿਬਨਾਨ ਦੋਨੋਂ ਜਗ੍ਹਾ 'ਤੇ ਇਜ਼ਰਾਈਲ ਦੇ ਤਿੱਖੇ ਹਵਾਈ ਹਮਲਿਆਂ ਨੇ ਹਾਲਾਤ ਹੋਰ ਵਿਗਾੜ ਦਿੱਤੇ ਹਨ। ਮਰਨ ਵਾਲਿਆਂ ਦੀ ਸੰਖਿਆ ਤੇਜ਼ੀ ਨਾਲ ਵੱਧ ਰਹੀ ਹੈ ਅਤੇ ਪਿਛਲੇ ਮਹੀਨੇ ਲਾਗੂ ਹੋਈ ਯੁੱਧਬੰਦੀ ਹੁਣ ਟੁੱਟਣ ਦੀ ਕਾਗਾਰ 'ਤੇ ਹੈ। ਇਜ਼ਰਾਈਲ ਨੇ ਬੁੱਧਵਾਰ ਨੂੰ ਗਾਜਾ ਪੱਟੀ ਵਿਚ ਵੱਡੇ ਪੈਮਾਨੇ 'ਤੇ ਹਵਾਈ ਹਮਲਾ ਕੀਤਾ, ਜਿਸ ਵਿਚ 27 ਫਿਲੀਸਤੀਨੀ ਮਾਰੇ ਗਏ। ਇਹ ਹਮਲੇ ਹਮਾਸ ਦੇ ਕੰਟਰੋਲ ਵਾਲੇ ਇਲਾਕਿਆਂ ਵਿਚ ਕੀਤੇ ਗਏ, ਜਿਸ ਨਾਲ ਪਹਿਲਾਂ ਤੋਂ ਨਾਜ਼ੁਕ ਯੁੱਧਬੰਦੀ 'ਤੇ ਖਤਰਾ ਮੰਡਰਾਅ ਰਿਹਾ ਹੈ।
ਗਾਜਾ ਸ਼ਹਿਰ ਵਿਚ 12 ਅਤੇ ਦੱਖਣੀ ਖਾਨ ਯੂਨਿਸ ਵਿਚ 10 ਲੋਕਾਂ ਦੀ ਮੌਤ ਹੋਈ। ਹਮਾਸ ਪ੍ਰਸ਼ਾਸਨ ਦੇ ਤਹਿਤ ਕੰਮ ਕਰਨ ਵਾਲੀ ਨਾਗਰਿਕ ਸੁਰੱਖਿਆ ਏਜੰਸੀ ਨੇ ਦੱਸਿਆ ਕਿ ਮਰਨ ਵਾਲਿਆਂ ਵਿਚ ਔਰਤਾਂ ਅਤੇ ਬੱਚੇ ਵੀ ਸ਼ਾਮਿਲ ਹਨ। ਇਜ਼ਰਾਈਲੀ ਸੈਨਾ ਦਾ ਕਹਿਣਾ ਹੈ ਕਿ ਦੱਖਣੀ ਇਲਾਕੇ ਵਿਚ ਉਸਦੀ ਸੈਨਾ 'ਤੇ ਗੋਲੀਬਾਰੀ ਹੋਣ ਤੋਂ ਬਾਅਦ ਉਸਨੇ ਹਮਾਸ ਦੇ ਟਿਕਾਣਿਆਂ 'ਤੇ ਜਵਾਬੀ ਕਾਰਵਾਈ ਕੀਤੀ। ਸੈਨਾ ਨੇ ਦੋਸ਼ ਲਗਾਇਆ ਕਿ ਹਮਾਸ ਨੇ ਯੁੱਧਬੰਦੀ ਸਮਝੌਤੇ ਦਾ ਉਲੰਘਣ ਕੀਤਾ। ਹਾਲਾਂਕਿ, ਆਈ.ਡੀ.ਐਫ. ਦੇ ਕਿਸੇ ਵੀ ਸੈਨਿਕ ਦੇ ਜ਼ਖਮੀ ਹੋਣ ਦੀ ਖਬਰ ਨਹੀਂ ਹੈ।
ਇਜ਼ਰਾਈਲ ਦੇ ਹਵਾਈ ਹਮਲੇ ਲਿਬਨਾਨ ਤੱਕ ਵੀ ਫੈਲ ਗਏ। ਸਿਡੋਨ ਸ਼ਹਿਰ ਵਿਚ ਇਕ ਫਿਲੀਸਤੀਨੀ ਸ਼ਰਨਾਰਥੀ ਕੈਂਪ ਦੇ ਕੋਲ ਕੀਤੇ ਗਏ ਹਮਲੇ ਵਿਚ 13 ਲੋਕ ਮਾਰੇ ਗਏ ਅਤੇ ਕਈ ਜ਼ਖਮੀ ਹੋ ਗਏ। ਇਜ਼ਰਾਈਲੀ ਸੈਨਾ ਨੇ ਦਾਅਵਾ ਕੀਤਾ ਕਿ ਉਸਨੇ ਹਮਾਸ ਦੇ ਟ੍ਰੇਨਿੰਗ ਕੈਂਪ ਨੂੰ ਨਿਸ਼ਾਨਾ ਬਣਾਇਆ, ਜਦਕਿ ਨੇ ਇਸਨੂੰ 'ਨਾਗਰਿਕ ਇਲਾਕੇ ਵਿਚ ਹਮਲਾ' ਦੱਸਿਆ। ਏ.ਪੀ. ਦੇ ਅਨੁਸਾਰ ਦੱਖਣੀ ਲਿਬਨਾਨ ਵਿਚ ਇਕ ਹੋਰ ਹਮਲੇ ਵਿਚ ਇਕ ਵਿਅਕਤੀ ਦੀ ਮੌਤ ਅਤੇ 11 ਜ਼ਖਮੀ ਹੋ ਗਏ।
ਇਜ਼ਰਾਈਲ ਨੇ ਹਿਜ਼ਬੁੱਲਾ ਦੇ ਟਿਕਾਣਿਆਂ ਦੇ ਆਸ-ਪਾਸ ਦੋ ਪਿੰਡ ਖਾਲੀ ਕਰਵਾਉਣ ਦਾ ਆਦੇਸ਼ ਵੀ ਦਿੱਤਾ ਹੈ। ਇਜ਼ਰਾਈਲ ਨੇ ਲਿਬਨਾਨ ਵਿਚ ਪੰਜ ਚੌਂਕੀਆਂ 'ਤੇ ਕਬਜ਼ਾ ਕੀਤਾ ਹੋਇਆ ਹੈ ਅਤੇ ਇਨ੍ਹਾਂ ਜਗ੍ਹਾ 'ਤੇ ਹਵਾਈ ਹਮਲਿਆਂ ਦਾ ਸੰਚਾਲਨ ਕੀਤਾ ਜਾਂਦਾ ਹੈ। ਆਈ.ਡੀ.ਐਫ ਦਾ ਕਹਿਣਾ ਹੈ ਕਿ ਉਸਦੇ ਨਿਸ਼ਾਨੇ 'ਤੇ ਹਿਜ਼ਬੁੱਲਾ ਅਤੇ ਹਮਾਸ ਦੇ ਹਥਿਆਰਬੰਦ ਮੈਂਬਰ ਹਨ, ਜਿਨ੍ਹਾਂ ਨੂੰ ਈਰਾਨ ਦਾ ਸਮਰਥਨ ਪ੍ਰਾਪਤ ਹੈ।