ਹੇਗ : ਅੰਤਰਰਾਸ਼ਟਰੀ ਅਪਰਾਧਿਕ ਅਦਾਲਤ ਦੇ ਜੱਜਾਂ ਨੇ ਮੰਗਲਵਾਰ ਨੂੰ ਭਿਆਨਕ ਸੂਡਾਨੀ ਜੰਜਾਵੀਦ ਮਿਲਿਸ਼ੀਆ ਦੇ ਇੱਕ ਨੇਤਾ ਨੂੰ 20 ਸਾਲ ਤੋਂ ਵੱਧ ਸਮਾਂ ਪਹਿਲਾਂ ਦਾਰਫੁਰ ਵਿੱਚ ਹੋਏ ਵਿਨਾਸ਼ਕਾਰੀ ਸੰਘਰਸ਼ ਦੌਰਾਨ ਕੀਤੇ ਗਏ ਯੁੱਧ ਅਪਰਾਧਾਂ ਅਤੇ ਮਨੁੱਖਤਾ ਵਿਰੁੱਧ ਅਪਰਾਧਾਂ ਲਈ 20 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ। ਪਿਛਲੇ ਮਹੀਨੇ ਇੱਕ ਸੁਣਵਾਈ ਵਿੱਚ, ਸਰਕਾਰੀ ਵਕੀਲਾਂ ਨੇ ਅਲੀ ਮੁਹੰਮਦ ਅਲੀ ਅਬਦ-ਅਲ-ਰਹਿਮਾਨ ਲਈ ਉਮਰ ਕੈਦ ਦੀ ਬੇਨਤੀ ਕੀਤੀ ਸੀ।
ਅਲੀ ਮੁਹੰਮਦ ਨੂੰ ਅਕਤੂਬਰ ਵਿੱਚ ਯੁੱਧ ਅਪਰਾਧਾਂ ਅਤੇ ਮਨੁੱਖਤਾ ਵਿਰੁੱਧ ਅਪਰਾਧਾਂ ਦੇ 27 ਮਾਮਲਿਆਂ ਵਿਚ ਦੋਸ਼ੀ ਠਹਿਰਾਇਆ ਗਿਆ ਸੀ, ਜਿਸ ਵਿਚ 2003-2004 ਵਿੱਚ ਸਮੂਹਿਕ ਫਾਂਸੀ ਦਾ ਆਦੇਸ਼ ਦੇਣਾ ਅਤੇ 2 ਕੈਦੀਆਂ ਨੂੰ ਕੁਹਾੜੀ ਨਾਲ ਮਾਰਨਾ ਸ਼ਾਮਲ ਸੀ। ਸਰਕਾਰੀ ਵਕੀਲ ਜੂਲੀਅਨ ਨਿਕੋਲਸ ਨੇ ਨਵੰਬਰ ਵਿੱਚ ਸਜ਼ਾ 'ਤੇ ਸੁਣਾਵਾਈ ਸੁਣਵਾਈ ਦੌਰਾਨ ਜੱਜਾਂ ਨੂੰ ਕਿਹਾ, "ਉਸਨੇ ਇਹ ਅਪਰਾਧ ਜਾਣਬੁੱਝ ਕੇ, ਆਪਣੀ ਮਰਜ਼ੀ ਨਾਲ ਅਤੇ ਜਿਵੇਂ ਕਿ ਸਬੂਤ ਦਿਖਾਉਂਦੇ ਹਨ, ਪੂਰੀ ਬੇਰਹਿਮੀ ਨਾਲ ਕੀਤੇ।" ਇਸ ਦੌਰਾਨ 76 ਸਾਲਾ ਅਲੀ ਮੁਹੰਮਦ ਅਬਦ-ਅਲ-ਰਹਿਮਾਨ ਨੇ ਖੜ੍ਹੇ ਹੋ ਕੇ ਦਲੀਲਾਂ ਸੁਣੀਆਂ ਪਰ ਜਦੋਂ ਪ੍ਰਧਾਨਗੀ ਜੱਜ ਜੋਆਨਾ ਕੋਰਨਰ ਨੇ ਸਜ਼ਾ ਸੁਣਾਈ ਤਾਂ ਉਸ ਨੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ।