ਲਾਸ ਏਂਜਲਸ : ਕੇ-ਪੌਪ ਬੈਂਡ BTS ਨੇ 2026 ਦੇ ਅਮਰੀਕੀ ਮਿਊਜ਼ਿਕ ਐਵਾਰਡਸ ਵਿੱਚ 'ਆਰਟਿਸਟ ਆਫ ਦਿ ਈਅਰ' ਦਾ ਪੁਰਸਕਾਰ ਜਿੱਤਿਆ ਹੈ। RM, ਜਿਨ, ਸੁਗਾ, ਜੇ-ਹੋਪ, ਜਿਮਿਨ, ਵੀ, ਅਤੇ ਜੰਗ ਕੂਕ ਦੇ ਇਸ ਸਮੂਹ ਨੇ ਸੋਮਵਾਰ ਨੂੰ ਕੁੱਲ 3 ਐਵਾਰਡ ਆਪਣੇ ਨਾਮ ਕੀਤੇ। ਮਨੋਰੰਜਨ ਨਿਊਜ਼ ਆਉਟਲੈਟ 'ਵੈਰਾਇਟੀ' ਅਨੁਸਾਰ, ਇਹ ਸਮਾਰੋਹ ਲਾਸ ਵੇਗਾਸ ਵਿੱਚ ਆਯੋਜਿਤ ਕੀਤਾ ਗਿਆ ਸੀ।
ਬੈਂਡ ਨੂੰ ਦੂਜੀ ਵਾਰ 'ਆਰਟਿਸਟ ਆਫ ਦਿ ਈਅਰ' ਦਾ ਐਵਾਰਡ ਮਿਲਿਆ ਹੈ। ਇਸ ਤੋਂ ਪਹਿਲਾਂ ਇਹ ਐਵਾਰਡ 2021 ਵਿੱਚ ਮਿਲਿਆ ਸੀ। ਇਸ ਤੋਂ ਇਲਾਵਾ ਬੈਂਡ ਨੇ "ਸਵਿਮ" ਲਈ 'ਸੌਂਗ ਆਫ਼ ਦਿ ਸਮਰ' ਅਤੇ 'ਬੈਸਟ ਮੇਲ ਕੇ-ਪੌਪ ਆਰਟਿਸਟ' ਦਾ ਐਵਾਰਡ ਵੀ ਜਿੱਤਿਆ ਸੀ। BTS ਤੋਂ ਇਲਾਵਾ, ਸਬਰੀਨਾ ਕਾਰਪੇਂਟਰ ਨੇ 3 ਵੱਡੇ ਐਵਾਰਡ ਆਪਣੇ ਨਾਮ ਕੀਤੇ, ਜਿਨ੍ਹਾਂ ਵਿੱਚ "ਮੈਨਜ਼ ਬੈਸਟ ਫ੍ਰੈਂਡ" ਲਈ 'ਐਲਬਮ ਆਫ ਦਿ ਈਅਰ' ਅਤੇ 'ਬੈਸਟ ਪੌਪ ਐਲਬਮ' ਅਤੇ 'ਬੈਸਟ ਫੀਮੇਲ ਪੌਪ ਆਰਟਿਸਟ' ਦਾ ਐਵਾਰਡ ਸ਼ਾਮਲ ਹੈ।