ਕੋਲੰਬੋ : ਸਾਲ 2025 'ਚ ਕੁੱਲ 23 ਲੱਖ ਸੈਲਾਨੀਆਂ ਨੇ ਸ਼੍ਰੀਲੰਕਾ ਦੀ ਯਾਤਰਾ ਕੀਤੀ, ਜਿਨ੍ਹਾਂ 'ਚ ਸਭ ਤੋਂ ਵੱਧ ਗਿਣਤੀ ਭਾਰਤੀਆਂ ਦੀ ਰਹੀ। ਸੈਰ-ਸਪਾਟਾ ਅਥਾਰਟੀ ਦੇ ਅੰਕੜਿਆਂ 'ਚ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਇਕ ਅਧਿਕਾਰਤ ਬਿਆਨ 'ਚ ਕਿਹਾ ਗਿਆ ਹੈ ਕਿ ਭਾਰਤ ਤੋਂ ਵੱਡੀ ਗਿਣਤੀ 'ਚ ਸੈਲਾਨੀ ਆ ਰਹੇ ਹਨ ਅਤੇ ਸਾਲ 2025 'ਚ ਕੁੱਲ 5,31,511 ਭਾਰਤੀ ਸੈਲਾਨੀਆਂ ਨੇ ਸ਼੍ਰੀਲੰਕਾ ਦੀ ਯਾਤਰਾ ਕੀਤੀ। ਬਿਆਨ 'ਚ ਕਿਹਾ ਗਿਆ ਹੈ ਕਿ 2024 ਦੀ ਤੁਲਨਾ 'ਚ 2025 'ਚ 1,14,000 ਤੋਂ ਵੱਧ ਭਾਰਤੀ ਸੈਲਾਨੀਆਂ ਨੇ ਸ਼੍ਰੀਲੰਕਾ ਦੀ ਯਾਤਰਾ ਕੀਤੀ।
ਅੰਕੜਿਆਂ ਅਨੁਸਾਰ ਦੂਜੇ ਸਥਾਨ 'ਤੇ ਬ੍ਰਿਟੇਨ ਰਿਹਾ, ਜਿਸ ਦੇ 21,227 ਸੈਲਾਨੀਆਂ ਨੇ ਸ਼੍ਰੀਲੰਕਾ ਦੀ ਯਾਤਰਾ ਕੀਤੀ। ਅੰਕੜਿਆਂ 'ਚ ਕਿਹਾ ਗਿਆ ਹੈ ਕਿ ਦਸੰਬਰ 'ਚ ਸਭ ਤੋਂ ਵੱਧ 56,715, ਜਦੋਂ ਕਿ ਫਰਵਰੀ 'ਚ ਸਭ ਤੋਂ ਘੱਟ 35 ਹਜ਼ਾਰ ਭਾਰਤੀਆਂ ਨੇ ਸ਼੍ਰੀਲੰਕਾ ਦੀ ਯਾਤਰਾ ਕੀਤੀ। ਅੰਕੜਿਆਂ ਅਨੁਸਾਰ ਦਸੰਬਰ 'ਚ ਸਭ ਤੋਂ ਵੱਧ 2,58,928 ਵਿਦੇਸ਼ੀ ਸੈਲਾਨੀਆਂ ਨੇ ਸ਼੍ਰੀਲੰਕਾ ਦੀ ਯਾਤਰਾ ਕੀਤੀ।