ਖਰੜ (ਪ੍ਰੀਤ ਪੱਤੀ) : ਲਾਇਨਜ਼ ਕਲੱਬ ਖਰੜ ਵਲੋਂ ਵਾਤਾਵਰਨ ਦਾ ਸੰਤੁਲਨ ਕਾਇਮ ਰੱਖਣ ਲਈ ਅੱਜ ਆਰ ਐਸ ਵਿੱਲਾਸ ਖਰੜ ਵਿਚ ਰੁੱਖ ਲਗਾਉਣ ਦੀ ਮੁਹਿੰਮ ਦੀ ਸ਼ੁਰੂਆਤ ਕਲੱਬ ਦੇ ਪ੍ਰਧਾਨ ਲਾਇਨ ਰਵੀ ਕਾਂਤ ਗੁਪਤਾ ਦੀ ਰਹਿਨੁਮਾਈ ਵਿਚ ਕੇਲੇ ਦਾ ਬੂਟਾ ਲਗਾਕੇ ਕੀਤੀ। ਇਸ ਮੌਕੇ ਤੇ ਹਾਜਰ ਕਲੱਬ ਮੈਂਬਰ ਪੀ ਡੀ ਜੀ ਲਾਇਨ ਪ੍ਰੀਤ ਕੰਵਲ ਸਿੰਘ ਅਤੇ ਜ਼ੋਨ ਚੇਅਰਮੈਨ ਲਾਇਨ ਨਵੀਨ ਗੁਪਤਾ ਨੇ ਦੱਸਿਆ ਕਿ ਡਿਸਟ੍ਰਿਕਟ 321 ਐੱਫ ਵਿਚ 1 ਜੁਲਾਈ ਤੋਂ 5 ਜੁਲਾਈ ਤੱਕ ਡਿਸਟ੍ਰਿਕਟ ਦੇ 200 ਕਲੱਬਾਂ ਨੇ ਆਪਣੇ ਆਪਣੇ ਖੇਤਰ ਵਿਚ ਪੌਦੇ ਲਗਾਉਣ ਦਾ ਕੰਮ ਨੇਪਰੇ ਚੜਾਇਆ ਜਾ ਰਿਹਾ ਹੈ। ਕਲੱਬ ਦੇ ਪੀ ਆਰ ਓ ਲਾਇਨ ਰੁਦਰਾਕਸ਼ ਗੁਪਤਾ ਨੇ ਦੱਸਿਆ ਕਿ ਅੱਜ ਮੈਂਬਰਾ ਨੇ ਵੱਖ ਵੱਖ ਫਲਦਾਰ 21 ਪੌਦੇ ਲਗਾਏ। ਕਲੱਬ ਸੇਕ੍ਰੇਟਰੀ ਲਾਇਨ ਰਾਕੇਸ਼ ਗੁਪਤਾ ਨੇ ਦੱਸਿਆ ਕਿ ਅੱਜ ਦੇ ਪ੍ਰੋਜੈਕਟ ਵਿਚ ਲਗਾਏ ਗਏ ਬੂਟਿਆਂ ਦੀ ਸਾਂਭ ਸੰਭਾਲ ਮਾਲੀ ਦਾ ਪਰਬੰਧ ਕਰ ਲਿਆ ਗਿਆ ਹੈ। ਇਸ ਮੋਕੇ ਲਾਇਨ ਦਵਿੰਦਰ ਗੁਪਤਾ, ਲਾਇਨ ਰਾਜੇਸ਼ ਗੁਪਤਾ, ਲਾਇਨ ਪ੍ਰਭਜੋਤ ਸਿੰਘ, ਲਾਇਨ ਅਨਿਲ ਗੁਪਤਾ ਹਾਜਰ ਸਨ।