ਖਰੜ (ਪ੍ਰੀਤ ਪੱਤੀ) : ਪੈਨਸ਼ਨਰਜ਼ ਭਲਾਈ ਸੰਸਥਾ (ਰਜਿ.) ਖਰੜ , ਕੁਰਾਲੀ ਅਤੇ ਜ਼ਿਲ੍ਹਾ ਮੋਹਾਲੀ ਦੀ ਮੀਟਿੰਗ ਅੱਜ ਗੁਰਦੁਆਰਾ ਅਕਾਲੀ ਦਫਤਰ ਖਰੜ ਵਿੱਖੇ ਸ਼੍ਰੀ ਸੁਖਦੀਪ ਸਿੰਘ ਜ਼ਿਲ੍ਹਾ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਕੀਤੀ ਗਈ । ਜਿਸ ਵਿੱਚ 50 ਤੋਂ ਵੱਧ ਪੈਨਸ਼ਨਰਜ਼ ਨੇ ਹਿੱਸਾ ਲਿਆ । ਮੀਟਿੰਗ ਵਿੱਚ ਪੈਨਸ਼ਨਰਜ਼ ਦੀਆਂ ਲੰਮੇ ਸਮੇਂ ਤੋਂ ਲਮਕਦੀਆਂ ਮੰਗਾਂ ਵੱਲੋਂ ਪੰਜਾਬ ਸਰਕਾਰ ਵੱਲੋਂ ਗੌਰ ਨਾ ਕਰਨ ਦੀ ਪੁਰਜੋਰ ਸ਼ਬਦਾਂ ਵਿੱਚ ਨਿਖੇਧੀ ਕੀਤੀ ਗਈ ਅਤੇ ਮੰਗ ਕੀਤੀ ਕਿ ਛੇਵੇਂ ਮਿਸ਼ਨ ਦੀਆਂ ਸਿਫਾਰਿਸ਼ਾਂ ਅਨੁਸਾਰ ਨੋਸਨਲਫਿਕਸੇਸਨ ਅਤੇ 2.59 ਗੁਣਾ ਕੇ ਦਾ ਲਾਭ ਤੁਰੰਤ ਜਾਰੀ ਕੀਤਾ ਜਾਵੇ । ਮੈਡੀਕਲ ਭੱਤਾ 2000 ਪ੍ਰਤੀ ਮਹੀਨਾ ਕੀਤਾ ਜਾਵੇ ।ਮੈਡੀਕਲ ਰਿਵਰਸਮੈਂਟ ਦੇ ਕਲੇਮ ਦੇ ਰੇਟ ਦੀ ਵੱਧਦੀ ਮਹਿੰਗਾਈ ਅਨੁਸਾਰ ਵਧਾਏ ਜਾਣ । ਡੀਜ਼ਟਲ ਅਪਲਾਈ ਕਰਨ ਦੀ ਸੁਵਿਧਾ ਆਨਲਾਈਨ ਕੀਤੀ ਜਾਵੇ ।
ਮੀਟਿੰਗ ਵਿੱਚ ਸਰਵ-ਸੰਮਤੀ ਨਾਲ ਇਹ ਫੈਸਲਾ ਵੀ ਲਿਆ ਗਿਆ ਕਿ ਪੈਨਸ਼ਨਰਜ਼ ਭਲਾਈ ਸੰਸਥਾ (ਰਜਿ.) ਖਰੜ ਇਕ ਵੱਖਰੀ ਸੰਸਥਾ ਹੈ। ਇਸ ਦਾ ਕਿਸੇ ਹੋਰ ਪੈਨਸ਼ਨ ਵਿੰਗ ਨਾਲ ਮਿਲਾਵਾ ਨਹੀਂ। ਮੁਲਾਜ਼ਮ ਲਹਿਰ ਮਹੀਨਾ ਜੂਨ 2026 ਦੇ ਪੰਨਾ ਨੰਬਰ 30 'ਤੇ ਦਰਸਾਏ ਇਹ ਮਿਲੇਵੇ ਨੂੰ ਵੀ ਰੱਦ ਦੀ ਕੀਤਾ ਜਾਂਦਾ ਹੈ। ਇਹ ਸੰਸਥਾ ਪਹਿਲਾਂ ਦੀ ਤਰ੍ਹਾਂ ਕੰਮ ਕਰਦੀ ਰਹੇਗੀ। ਜਦੋਂ ਸਾਂਝੇ ਤੌਰ ਤੇ ਰੈਲੀ ਹੋਵੇਗੀ ਤਾਂ ਸੰਸਥਾ ਵਲੋਂ ਪੂਰਾ ਸਾਥ ਦਿੱਤਾ ਜਾਵੇਗਾ।
ਇਸ ਮੀਟਿੰਗ ਵਿੱਚ ਪੈਨਸ਼ਨ ਕਨਫਰਡਰੇਸ਼ਨ ਨਾਲ ਏਕਤਾ ਬਾਰੇ ਵਿਸਥਾਰ ਸਹਿਤ ਚਰਚਾ ਕੀਤੀ ਗਈ । ਪੈਨਸ਼ਨ ਜੋਇੰਟ ਫਰੰਟ ਅਤੇ ਮੁਲਾਜ਼ਮ ਪੈਨਸ਼ਨ ਸਾਂਝਾ ਫਰੰਟ ਦੇ ਆਉਣ ਵਾਲੇ ਐਕਸ਼ਨਾਂ ਵਿੱਚ ਵੱਧ ਚੜ ਕੇ ਹਿੱਸਾ ਲੈਣ ਦਾ ਫੈਸਲਾ ਕੀਤਾ ਗਿਆ । ਪੰਜਾਬ ਸਰਕਾਰ ਵੱਲੋਂ ਪਟਿਆਲਾ, ਸੰਗਰੂਰ , ਮੋਹਾਲੀ ਅਤੇ ਹੋਰ ਥਾਵਾਂ ਤੇ ਮੁਲਾਜ਼ਮਾ ਪੈਨਸ਼ਨਰਾਂ ਅਤੇ ਬੇਰੋਜ਼ਗਾਰਾਂ 'ਤੇ ਕੀਤੇ ਗਏ ਤਸੱਦਦ ਦੀ ਨਿਖੇਧੀ ਕੀਤੀ ਗਈ। ਮੀਟਿੰਗ ਵਿੱਚ ਕਈ ਪੈਨਸ਼ਨਰਜ਼ ਦੇ ਐਲ.ਟੀ.ਸੀ ਆਨਲਾਈਨ ਅਪਲਾਈ ਕੀਤੇ ਗਏ। ਮੀਟਿੰਗ ਵਿੱਚ ਸਰਬ ਸ੍ਰੀ ਰਾਮ ਕ੍ਰਿਸ਼ਨ ਧੁੰਨਕਿਆ ਚੇਅਰਮੈਨ ਜ਼ਿਲ੍ਹਾ ਮੋਹਾਲੀ , ਰਣਜੀਤ ਸਿੰਘ ਹੰਸਪਾਲ ਜਨਰਲ ਸਕੱਤਰ ਮੋਹਾਲੀ , ਗੁਣਵੰਤ ਸਿੰਘ ਵਿੱਤ ਸਕੱਤਰ , ਸਵਰਨ ਸਿੰਘ ਜਰਨਲ ਸਕੱਤਰ ਖਰੜ , ਮਹਿੰਦਰ ਸਿੰਘ ਖੋਖਰ , ਮਹਿੰਦਰ ਸਿੰਘ ਰਾਹੀ, ਦਰਸ਼ਨ ਸਿੰਘ ਖਰੜ , ਧਰਮ ਸਿੰਘ, ਗੁਲਜ਼ਾਰ ਸਿੰਘ ਗਰੇਵਾਲ , ਕੇਪਟਨ ਬਲਦੇਵ ਸਿੰਘ ਖਰੜ, ਹਰਮਿੰਦਰ ਸਿੰਘ ਰੰਧਾਵਾ, ਭੁਪਿੰਦਰ ਕੌਰ ਅਰਵਿੰਦਰ ਕੌਰ, ਰਣਧੀਰ ਸਿੰਘ ਪ੍ਰਧਾਨ ਕੁਰਾਲੀ , ਮਲਾਰ ਸਿੰਘ ਅਤੇ ਹੋਰ ਵੱਡੀ ਗਿਣਤੀ ਪੈਨਸ਼ਨਰਜ਼ ਨੇ ਹਾਜ਼ਰੀ ਲਗਵਾਈ।