ਸੁਨਾਮ ਊਧਮ ਸਿੰਘ ਵਾਲਾ ਰਮੇਸ਼ ਗਰਗ) : ਡੇਰਾ ਸ਼ਰਧਾਲੂ ਜਸਪਾਲ ਸਿੰਘ ਇੰਸਾਂ ਐੱਮਐੱਸਜੀ ਆਈਟੀ ਵਿੰਗ ਜਿਲ੍ਹਾ ਜਿੰਮੇਵਾਰ ਨੇ ਰਸਤੇ ਵਿੱਚੋਂ ਲੱਭਿਆ ਮੋਬਾਇਲ ਫੋਨ ਉਸ ਦੇ ਅਸਲੀ ਮਾਲਕ ਨੂੰ ਉਸ ਦੇ ਪਿੰਡ ਜਾ ਕੇ ਵਾਪਸ ਕਰਕੇ ਇਮਾਨਦਾਰੀ ਦੀ
ਇੱਕ ਵੱਡੀ ਮਿਸਾਲ ਪੇਸ਼ ਕੀਤੀ ਹੈ।
ਜਾਣਕਾਰੀ ਅਨੁਸਾਰ ਜਸਪਾਲ ਸਿੰਘ ਇੰਸਾਂ, ਜਗਤਾਰ ਸਿੰਘ ਕਿਸੇ ਕੰਮ ਲਈ ਸੰਗਰੂਰ ਤੋਂ ਭਵਾਨੀਗੜ੍ਹ ਬਾਈਪਾਸ ਤੇ ਜਾ ਰਹੇ ਸੀ ਤਾਂ ਯਾਦਵਿੰਦਰਾ ਡਰੀਮ ਹੋਟਲ ਦੇ ਨਜਦੀਕ ਸੜਕ ਤੇ ਉਨਾਂ ਨੂੰ ਇਕ ਮੋਬਾਇਲ ਫੋਨ ਡਿੱਗਿਆ ਮਿਲਿਆ। ਜਸਪਾਲ ਸਿੰਘ ਨੇ ਬਿਨਾਂ ਕਿਸੇ ਲਾਲਚ ਦੇ ਫੋਨ ਨੂੰ ਆਪਣੇ ਕੋਲ ਸੁਰਖਿਅਤ ਰੱਖ ਲਿਆ। ਕੁਝ ਸਮੇਂ ਬਾਅਦ ਉਸ ਗੁਆਚੇ ਫੋਨ ਤੇ ਖੁਦ
ਅਸਲੀ ਮਾਲਕ ਜਗਤਾਰ ਸਿੰਘ ਵਾਸੀ ਕਲੌਦੀ ਦਾ ਫੋਨ ਆਇਆ ਜੋ ਆਪਣੇ ਫੋਨ ਗੁਆਚਣ ਕਾਰਨ ਪ੍ਰੇਸ਼ਾਨ ਸਨ ਅਤੇ ਦੂਜੇ ਨੰਬਰ ਤੋਂ ਫੋਨ ਕਰਕੇ ਦੇਖ ਰਹੇ ਸਨ। ਜਸਪਾਲ ਸਿੰਘ ਨੇ ਫੋਨ ਚੁੱਕਿਆ ਅਤੇ ਜਗਤਾਰ ਨੂੰ ਹੌਂਸਲਾ ਦਿੰਦੇ ਹੋਏ ਕਿਹਾ ਕਿ ਉਨਾਂ ਦਾ ਫੋਨ ਬਿਲਕੁਲ ਸੁਰੱਖਿਅਤ ਹੱਥਾਂ ਵਿੱਚ ਹੈ। ਇਸ ਤੋਂ ਬਾਅਦ ਜਸਪਾਲ ਸਿੰਘ ਨੇ ਫੋਨ ਦੇ ਮਾਲਕ ਜਗਤਾਰ ਸਿੰਘ ਤੋਂ ਪਿੰਡ ਦਾ ਪਤਾ ਪੁੱਛਿਆ ਅਤੇ ਫਿਰ ਖੁਦ ਸਫਰ ਕਰਕੇ ਉਨਾਂ ਦੇ ਪਿੰਡ ਪਹੁੰਚ ਕੇ ਪੂਰੇ ਮਾਣ ਸਤਿਕਾਰ ਨਾਲ ਫੋਨ ਉਸ ਨੂੰ ਸੌਂਪ ਦਿੱਤਾ।ਆਪਣਾ ਗੁਆਚਿਆ ਫੋਨ ਮਿਲਣ ਤੇ ਜਗਤਾਰ ਸਿੰਘ ਤੇ ਉਨਾਂ ਦੇ ਪੂਰੇ ਪਰਿਵਾਰ ਦੇ ਚਿਹਰੇ ਤੇ ਖੁਸ਼ੀ ਪਰਤ ਆਈ।
ਜਸਪਾਲ ਸਿੰਘ ਨੇ ਕਿਹਾ ਕਿ ਉਸ ਨੂੰ ਇਹ ਸਿੱਖਿਆ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਵੱਲੋਂ ਮਿਲੀ ਹੈ, ਜਿਸਦੇ ਚਲਦੇ ਉਸਨੇ ਇਹ ਕਾਰਜ ਕੀਤਾ ਹੈ।
ਇਸ ਮੌਕੇ ਜਗਤਾਰ ਸਿੰਘ ਨੇ ਕਿਹਾ ਕਿ ਉਹ ਸੰਗਰੂਰ ਤੋਂ ਕੁਝ ਸਮਾਨ ਲੈ ਕੇ ਵਾਪਸ ਪਿੰਡ ਨੂੰ ਆ ਰਿਹਾ ਸੀ ਤਾਂ ਫੋਨ ਅਚਾਨਕ ਡਿੱਗ ਪਿਆ ਉਸ ਨੇ ਕਿਹਾ ਕਿ ਉਹ ਭਾਈ ਗੁਰਦਾਸ ਵਿਖੇ ਸਕਿਊਰਟੀ ਗਾਰਡ ਦੀ ਨੌਕਰੀ ਕਰਦਾ ਹੈ ਜਗਤਾਰ ਸਿੰਘ ਨੇ ਕਿਹਾ ਕਿ ਜਦੋਂ ਉਸ ਨੇ ਵੇਖਿਆ ਕਿ ਮੇਰਾ ਮੋਬਾਇਲ ਡਿੱਗ ਗਿਆ ਤਾਂ ਉਹ ਬਹੁਤ ਜ਼ਿਆਦਾ ਪ੍ਰੇਸ਼ਾਨ ਹੋ ਗਿਆ, ਜਗਤਾਰ ਸਿੰਘ ਨੇ ਭਾਵੁਕ ਹੁੰਦਿਆਂ ਡੇਰਾ ਸੱਚਾ ਸੌਦਾ ਅਤੇ ਜਸਪਾਲ ਸਿੰਘ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।