ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਆਪਣੀ ਏਸ਼ੀਆ ਯਾਤਰਾ ਦੌਰਾਨ ਟੋਕੀਓ ਵਿੱਚ ਜਾਪਾਨ ਦੀ ਪਹਿਲੀ ਮਹਿਲਾ ਪ੍ਰਧਾਨ ਮੰਤਰੀ ਸਾਣੇ ਤਾਕਾਈਚੀ (Sanae Takaichi) ਨਾਲ ਮੁਲਾਕਾਤ ਕੀਤੀ। ਮੁਲਾਕਾਤ ਦੀ ਸ਼ੁਰੂਆਤ ਵਿੱਚ ਟਰੰਪ ਨੇ ਮੁਸਕਰਾਉਂਦੇ ਹੋਏ ਤਾਕਾਈਚੀ ਦੇ 'ਮਜ਼ਬੂਤ ਹੈਂਡਸ਼ੇਕ' ਦੀ ਤਾਰੀਫ਼ ਕੀਤੀ। ਟਰੰਪ ਨੇ ਅਮਰੀਕਾ ਨੂੰ ਜਾਪਾਨ ਦਾ ਸਭ ਤੋਂ ਮਜ਼ਬੂਤ ਪੱਧਰ ਦਾ ਸਹਿਯੋਗੀ ਵੀ ਦੱਸਿਆ।
ਇਸ ਅਹਿਮ ਮੁਲਾਕਾਤ ਦੌਰਾਨ ਦੋਵਾਂ ਨੇਤਾਵਾਂ ਨੇ ਵਪਾਰ ਅਤੇ ਦੁਰਲੱਭ ਖਣਿਜਾਂ ਦੀ ਸਪਲਾਈ ਚੇਨ ਨੂੰ ਮਜ਼ਬੂਤ ਕਰਨ ਲਈ ਦੋ ਵੱਡੇ ਸਮਝੌਤਿਆਂ 'ਤੇ ਦਸਤਖਤ ਕੀਤੇ। ਪਹਿਲੇ ਸਮਝੌਤੇ ਨੂੰ "ਨਵੇਂ ਸੁਨਹਿਰੀ ਯੁੱਗ" (New Golden Age) ਵਜੋਂ ਜਾਣਿਆ ਜਾਂਦਾ ਹੈ, ਜਿਸ ਤਹਿਤ ਜਾਪਾਨ ਅਮਰੀਕਾ ਵਿੱਚ 550 ਅਰਬ ਡਾਲਰ ਦਾ ਨਿਵੇਸ਼ ਕਰੇਗਾ ਅਤੇ ਬਦਲੇ ਵਿੱਚ 15% ਦੀ ਘੱਟ ਦਰ 'ਤੇ ਸ਼ੁਲਕ ਲਾਗੂ ਕੀਤਾ ਜਾਵੇਗਾ।
ਦੂਜਾ ਸਮਝੌਤਾ ਇਲੈਕਟ੍ਰੋਨਿਕਸ ਅਤੇ ਤਕਨੀਕੀ ਉਦਯੋਗਾਂ ਲਈ ਮਹੱਤਵਪੂਰਨ ਖਣਿਜਾਂ ਦੀ ਸਪਲਾਈ ਚੇਨ 'ਤੇ ਨਿਰਭਰਤਾ ਘਟਾਉਣ 'ਤੇ ਕੇਂਦਰਿਤ ਹੈ। ਇਸ ਦੌਰੇ ਤੋਂ ਬਾਅਦ ਟਰੰਪ ਹੁਣ ਸਿਓਲ (ਦੱਖਣੀ ਕੋਰੀਆ) ਵਿੱਚ ਏਪੇਕ (APEC) ਸੰਮੇਲਨ ਵਿੱਚ ਹਿੱਸਾ ਲੈਣਗੇ।