ਕਿਸਾਨ ਦੀ ਧੀ ਦੇ ਵਿਆਹ 'ਚ ਪੁੱਜੇ ਰਾਹੁਲ ਗਾਂਧੀ, ਨਿਭਾਇਆ ਆਪਣਾ ਵਾਅਦਾ

ਸੋਨੀਪਤ : ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਮੰਗਲਵਾਰ ਨੂੰ ਹਰਿਆਣਾ ਦੇ ਸੋਨੀਪਤ ਜ਼ਿਲ੍ਹੇ ਦੇ ਮਦੀਨਾ ਪਿੰਡ 'ਚ ਇਕ ਕਿਸਾਨ ਦੀ ਧੀ ਦੇ ਵਿਆਹ ਸਮਾਰੋਹ 'ਚ ਸ਼ਾਮਲ ਹੋਏ। ਕਾਂਗਰਸ ਅਨੁਸਾਰ, ਗਾਂਧੀ ਦੀ ਮੁਲਾਕਾਤ ਕਿਸਾਨ ਸੰਜੇ ਨਾਲ ਪਹਿਲੀ ਵਾਰ 2023 'ਚ ਮਦੀਨਾ ਪਿੰਡ 'ਚ ਅਚਾਨਕ ਕੀਤੀ ਗਈ ਯਾਤਰਾ ਦੌਰਾਨ ਹੋਈ ਸੀ ਅਤੇ ਉਨ੍ਹਾਂ ਨੇ ਉਨ੍ਹਾਂ ਨਾਲ ਖੇਤਾਂ 'ਚ ਕੰਮ ਕਰਦੇ ਹੋਏ ਕਿਸਾਨ ਪਰਿਵਾਰਾਂ ਦੇ ਸਾਹਮਣੇ ਆਉਣ ਵਾਲੀਆਂ ਕਠਿਨਾਈਆਂ ਬਾਰੇ ਜਾਣਾ ਸੀ। ਲੋਕ ਸਭਾ 'ਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਸਵੇਰੇ ਪਿੰਡ ਪਹੁੰਚੇ, ਜਿੱਥੇ ਕਾਂਗਰਸ ਦੇ ਰੋਹਤਕ ਤੋਂ ਸੰਸਦ ਮੈਂਬਰ ਦੀਪੇਂਦਰ ਸਿੰਘ ਹੁੱਡਾ ਅਤੇ ਪਾਰਟੀ ਦੇ ਹੋਰ ਨੇਤਾਵਾਂ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਸਫੈਦ ਟੀ-ਸ਼ਰਟ ਅਤੇ ਹਰੀ ਪੈਂਟ ਪਹਿਨੇ ਰਾਹੁਲ ਗਾਂਧੀ ਨੇ ਰਵਾਇਤੀ ਪਕਵਾਨਾਂ ਦਾ ਸੁਆਦ ਲਿਆ ਅਤੇ ਪਰਿਵਾਰਕ ਮੈਂਬਰਾਂ ਅਤੇ ਪਿੰਡ ਵਾਸੀਆਂ ਨਾਲ ਗੱਲਬਾਤ ਕੀਤੀ। ਪਰਿਵਾਰ ਨੇ ਸਤਿਕਾਰ ਵਜੋਂ ਉਨ੍ਹਾਂ ਨੂੰ ਪਗੜੀ ਬੰਨ੍ਹੀ। ਕਾਂਗਰਸ ਨੇ ਸੋਸ਼ਲ ਮੀਡੀਆ ਮੰਚ 'ਐਕਸ' 'ਤੇ ਪੋਸਟ ਕੀਤਾ,''ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਸੋਨੀਪਤ 'ਚ ਕਿਸਾਨ ਸੰਜੇ ਮਲਿਕ ਦੀ ਧੀ ਦੇ ਵਿਆਹ ਸਮਾਰੋਹ 'ਚ ਸ਼ਾਮਲ ਹੋਏ।''

ਪਾਰਟੀ ਨੇ ਪੋਸਟ 'ਚ ਕਿਹਾ,''ਜਨਨਾਇਕ ਰਾਹੁਲ ਗਾਂਧੀ ਪਹਿਲੀ ਵਾਰ ਸੰਜੇ ਜੀ ਨੂੰ 2023 'ਚ ਮਿਲੇ ਸਨ। ਉਨ੍ਹਾਂ ਨੇ ਉਨ੍ਹਾਂ ਨਾਲ ਖੇਤਾਂ 'ਚ ਕੰਮ ਕੀਤਾ ਅਤੇ ਕਿਸਾਨ ਪਰਿਵਾਰਾਂ ਦੇ ਸੰਘਰਸ਼ਾਂ ਦੀ ਕਹਾਣੀ ਸੁਣੀ।'' ਇਸ ਪੋਸਟ ਨਾਲ ਗਾਂਧੀ ਦੀ ਯਾਤਰਾ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਗਈਆਂ ਹਨ। ਪੋਸਟ 'ਚ ਲਿਖਿਆ ਹੈ,''ਗਾਂਧੀ ਨੇ ਸੰਜੇ ਮਲਿਕ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਸੁੱਖ-ਦੁੱਖ 'ਚ ਸਾਥ ਦੇਣ ਦਾ ਵਾਅਦਾ ਕੀਤਾ ਸੀ। ਅੱਜ 'ਜਨਨਾਇਕ' ਉਨ੍ਹਾਂ ਦੇ ਪਰਿਵਾਰ ਦੀਆਂ ਖੁਸ਼ੀਆਂ ਦਾ ਹਿੱਸਾ ਬਣੇ ਹਨ। ਇਸ ਵਿਚ ਵਿਆਹ ਸਮਾਰੋਹ 'ਚ ਗਾਂਧੀ ਨਾਲ ਰਹੇ ਕਾਂਗਰਸ ਨੇਤਾ ਦੀਪੇਂਦਰ ਸਿੰਘ ਹੁੱਡਾ ਨੇ 'ਐਕਸ' 'ਤੇ ਲਿਖਿਆ,''ਜਿਸ ਦੌਰ 'ਚ ਵੱਡੇ ਨੇਤਾਵਾਂ 'ਚ ਅਮੀਰ ਪੂੰਜੀਪਤੀਆਂ ਦੇ ਵਿਆਹ 'ਚ ਪਹੁੰਚਣ ਦੀ ਹੋੜ ਲੱਗੀ ਹੁੰਦੀ ਹੈ, ਉਸੇ ਦੌਰ 'ਚ ਰਾਹੁਲ ਗਾਂਧੀ ਨੇ ਅੱਜ ਉਸ ਸੰਜੇ ਕਿਸਾਨ ਦੀ ਧੀ ਦੇ ਵਿਆਹ 'ਚ ਪਹੁੰਚ ਕੇ ਆਪਣਾ ਕੰਨਿਆਦਾਨ ਦਾ ਵਾਅਦਾ ਨਿਭਾਇਆ, ਜਿਸ ਦੇ ਖੇਤ 'ਚ 2 ਸਾਲ ਪਹਿਲਾਂ ਝੋਨੀ ਬੀਜਿਆ ਸੀ।'' ਦੱਸਣਯੋਗ ਹੈ ਕਿ ਜੁਲਾਈ 2023 'ਚ, ਗਾਂਧੀ ਨੇ ਮਦੀਨਾ ਪਿੰਡ ਦਾ ਅਚਾਨਕ ਦੌਰਾ ਕੀਤਾ, ਲੋਕਾਂ ਨਾਲ ਗੱਲਬਾਤ ਕੀਤੀ ਅਤੇ ਖੇਤਾਂ 'ਚ ਕੰਮ ਕਰ ਰਹੇ ਕਿਸਾਨਾਂ ਨਾਲ ਸਮਾਂ ਬਿਤਾਇਆ। ਆਪਣੀ ਫੇਰੀ ਦੌਰਾਨ, ਉਨ੍ਹਾਂ ਨੇ ਝੋਨੇ ਦੀ ਬਿਜਾਈ 'ਚ ਹਿੱਸਾ ਲਿਆ, ਟਰੈਕਟਰ ਚਲਾਇਆ ਅਤੇ ਖੇਤਾਂ 'ਚ ਕੰਮ ਕਰਨ ਵਾਲੀਆਂ ਮਹਿਲਾ ਮਜ਼ਦੂਰਾਂ ਦੁਆਰਾ ਲਿਆਂਦਾ ਭੋਜਨ ਖਾਧਾ।