ਸ੍ਰੀ ਖਡੂਰ ਸਾਹਿਬ (ਕੁਲਦੀਪ ਸਿੰਘ ਮਾਨ ਰਾਮਪੁਰ ਭੂਤਵਿੰਡ) : ਜੰਡਿਆਲਾ ਗੁਰੂ- ਵੈਰੋਵਾਲ ਰੋਡ ਅਤੇ ਤੱਖਤੂਚੱਕ ਅੱਡੇ ਤੋਂ ਥੋੜ੍ਹੀ ਦੂਰ ਪੈਂਦੇ ਪਿੰਡ ਖੱਖ ਵਿਖੇ ਧੰਨ-ਧੰਨ ਬਾਬਾ ਗਰੀਬ ਦਾਸ ਅਤੇ ਬਾਬਾ ਟਹਿਲ ਦਾਸ ਜੀ ਦਾ ਸਾਲਾਨਾ ਜੋੜ ਮੇਲਾ ਅੱਜ ਮੇਲਾ ਕਮੇਟੀ ਅਤੇ ਪ੍ਰਧਾਨ ਬਲਜਿੰਦਰ ਸਿੰਘ ਸ਼ੇਰਗਿੱਲ ਵੱਲੋਂ ਸਮੂਹ ਨਗਰ ਦੀਆਂ ਸੰਗਤਾਂ ਦੇ ਵਿਸ਼ੇਸ਼ ਸਹਿਯੋਗ ਸਦਕਾ ਬੜੀ ਸ਼ਰਧਾ ਅਤੇ ਸਤਿਕਾਰ ਸਹਿਤ ਮਨਾਇਆ ਗਿਆ । ਇਸ ਮੇਲੇ ਦੀ ਸ਼ੁਰੂਆਤ ਪ੍ਰਧਾਨ ਬਲਜਿੰਦਰ ਸਿੰਘ ਸ਼ੇਰਗਿੱਲ ਵੱਲੋਂ ਬਾਬਾ ਜੀ ਦੀ ਦਰਗਾਹ ਤੇ ਚਾਦਰ ਅਤੇ ਝੰਡਾ ਚੜ੍ਹਾਉਣ ਦੀ ਰਸਮ ਕਰਨ ਉਪਰੰਤ ਮਸ਼ਹੂਰ ਗਾਇਕ ਜੈਲੀ ਅਤੇ ਸਰਿੰਦਰ ਲਾਡੀ ਨੇ ਇੱਕੋ ਤੇਰਾ ਲੱਖ ਵਰਗਾ, ਬਾਕੀ ਮੋੜ ਕੇ ਜੇਬ ਵਿੱਚ ਪਾ ਲੈ । ਮੈਂ ਤੈਨੂੰ ਆਪੇ ਬਰੀ ਕਰਾਲੂਗੀ ਮਿਤਰਾ ਵਕੀਲ ਕਰਕੇ ਵਰਗੇ ਮਸ਼ਹੂਰ ਗੀਤ ਗਾ ਕੇ ਸਰੋਤਿਆਂ ਨੂੰ ਅੱਤ ਦੀ ਗਰਮੀ ਵਿੱਚ ਬੈਠਣ ਲਈ ਮਜਬੂਰ ਕੀਤਾ । ਇਸ ਤੋਂ ਬਾਅਦ ਪ੍ਰਧਾਨ ਬਲਜਿੰਦਰ ਸ਼ੇਰਗਿੱਲ ਨੇ ਆਈਆਂ ਧਾਰਮਿਕ ਸ਼ਖ਼ਸੀਅਤਾਂ ਅਤੇ ਹੋਰ ਨੌਜਵਾਨ ਭਾਈਚਾਰੇ ਨੂੰ ਸਿਰਪਾਓ ਭੇਟਾ ਕਰਕੇ ਸਨਮਾਨਿਤ ਕੀਤਾ । ਅਤੇ ਮੇਲੇ ਵਿੱਚ ਸ਼ਾਮਲ ਹੋਣ ਵਾਲੇ ਸਮੂਹ ਨਗਰ ਅਤੇ ਇਲਾਕੇ ਦੇ ਲੋਕਾਂ ਦਾ ਧੰਨਵਾਦ ਕੀਤਾ । ਇਸ ਮੌਕੇ ਸ਼ਾਈ ਬਾਲੀ ਸ਼ਾਹ ਜੀ ਕਾਦਰੀ ਵਾਲੇ, ਰਜੇਸ਼ ਕੁਮਾਰ ਪਹਿਲਵਾਨ, ਡਾ. ਸਰਵਣ, ਧਰਮਪਾਲ ਜੀ, ਬਿੱਲਾ ਸ਼ਾਹ, ਸੁਖਦੇਵ ਸਿੰਘ ਝੰਡਾ ਤਿੰਮੋਵਾਲ ਸਰਪੰਚ, ਜਸਕਰਨ ਸਿੰਘ ਸਰਪੰਚ, ਗੋਗੀ ਸਰਲੀ, ਸੋਨੈਏਗੱਡਾ, ਹੀਰਾ ਮਾਲਚੱਕ, ਲਵਜੀਤ ਸਿੰਘ ਖੱਖ, ਰਣਜੀਤ ਸਿੰਘ ਮੱਸੂ, ਹਰਜਿੰਦਰ ਸਿੰਘ, ਰਮਨਪ੍ਰੀਤ ਸਿੰਘ ਆਦਿ ਇਲਾਕੇ ਦੀਆਂ ਨੌਜਵਾਨ ਸ਼ਖਸੀਅਤਾਂ ਹਾਜ਼ਰ ਸਨ।