ਸੁਨਾਮ ਊਧਮ ਸਿੰਘ ਵਾਲਾ (ਰਮੇਸ਼ ਗਰਗ) : ਸ੍ਰੀ ਨੀਲਕੰਠ ਰਾਮ ਮੰਦਰ ਸ੍ਰੀ ਸੀਤਾਸਰ ਧਾਮ ਵਿਖੇ ਹਰ ਸ਼ਨੀਵਾਰ ਚੱਲ ਰਹੇ ਸ੍ਰੀ 108 ਰਮਾਇਣ ਪਾਠਾਂ ਦੀ ਲੜੀ ਦੇ ਤਹਿਤ ਇਸ ਹਫ਼ਤੇ ਕੈਬਿਨਟ ਮੰਤਰੀ ਅਮਨ ਅਰੋੜਾ ਦੇ ਮੀਡੀਆ ਕੋਆਰਡੀਨੇਟਰ ਜਤਿੰਦਰ ਜੈਨ ਦੇ ਪਰਿਵਾਰ ਵੱਲੋਂ ਸ੍ਰੀ ਰਮਾਇਣ ਜੀ ਦਾ ਪਾਠ ਕਰਵਾਇਆ ਗਿਆ। ਇਹ ਪਾਠ ਉਨ੍ਹਾਂ ਦੇ ਮਾਤਾ–ਪਿਤਾ ਸਵਰਗੀ ਸ਼੍ਰੀ ਜਗਦੀਸ਼ ਜੈਨ ਅਤੇ ਸਵਰਗੀ ਸ਼੍ਰੀਮਤੀ ਸ਼ਕੁੰਤਲਾ ਜੈਨ ਜੀ ਦੀ ਯਾਦ ਵਿੱਚ ਸਮਰਪਿਤ ਸੀ।
ਇਸ ਪਵਿੱਤਰ ਮੌਕੇ ਤੇ ਪੰਜਾਬ ਦੇ ਕੈਬਿਨਟ ਮੰਤਰੀ ਅਮਨ ਅਰੋੜਾ ਨੇ ਸ੍ਰੀ ਰਾਮ ਜੀ ਦੇ ਚਰਨਾਂ ਵਿੱਚ ਹਾਜ਼ਰੀ ਭਰੀ ਅਤੇ ਪ੍ਰਭੂ ਦਾ ਆਸ਼ੀਰਵਾਦ ਪ੍ਰਾਪਤ ਕੀਤਾ। ਮੰਤਰੀ ਅਮਨ ਅਰੋੜਾ ਨੇ ਕਿਹਾ ਕਿ ਸੀਤਾਸਰ ਧਾਮ ਉਹ ਪਵਿੱਤਰ ਤੀਰਥ ਸਥਾਨ ਹੈ ਜਿੱਥੇ ਮਾਤਾ ਸੀਤਾ ਜੀ ਆਪਣੇ ਦੂਜੇ ਬਨਵਾਸ ਦੌਰਾਨ ਮਹਾਰਿਸ਼ੀ ਸ੍ਰੀ ਵਾਲਮੀਕਿ ਜੀ ਨਾਲ ਆਈਆਂ ਸਨ ਅਤੇ ਆਪਣੇ ਕੇਸ ਇਸ ਪਵਿੱਤਰ ਸਰੋਵਰ ਵਿੱਚ ਧੋਏ ਸਨ।
ਸ੍ਰੀ ਰਮਾਇਣ ਪਾਠ ਸਮਾਗਮ ‘ਚ ਸ਼ਹਿਰ ਦੀਆਂ ਕਈ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਹਾਜ਼ਰੀ ਭਰੀ। ਇਸ ਮੌਕੇ ਜਤਿੰਦਰ ਜੈਨ ਨੇ ਸਾਰੇ ਪਹੁੰਚੇ ਮਹਿਮਾਨਾਂ ਦਾ ਸਵਾਗਤ ਕੀਤਾ ਅਤੇ ਮੰਦਰ ਕਮੇਟੀ ਵੱਲੋਂ ਲੰਗਰ ਦਾ ਵਿਸ਼ੇਸ਼ ਪ੍ਰਬੰਧ ਕੀਤਾ ਗਿਆ। ਕੈਬਿਨਟ ਮੰਤਰੀ ਅਮਨ ਅਰੋੜਾ ਦਾ ਮੰਦਰ ਕਮੇਟੀ ਵੱਲੋਂ ਸਨਮਾਨ ਵੀ ਕੀਤਾ ਗਿਆ।
ਖਾਸ ਮਹਿਮਾਨਾਂ ਦੀ ਹਾਜ਼ਰੀ
ਇਸ ਮੌਕੇ ਵਿਸ਼ੇਸ਼ ਮਹਿਮਾਨਾਂ ਵਿੱਚ ਬ੍ਰਹਮਕੁਮਾਰੀ ਆਸ਼ਰਮ ਸੁਨਾਮ ਕੇਂਦਰ ਸੰਚਾਲਿਕਾ ਬੀ ਕੇ ਮੀਰਾ ਦੀਦੀ, ਰੋਟਰੀ ਗਵਰਨਰ 23-24 ਘਣਸ਼ਿਆਮ ਕਾਂਸਲ, ਸ਼ਿਰੋਮਣੀ ਅਕਾਲੀ ਦਲ ਹਲਕਾ ਇੰਚਾਰਜ ਵਿਨਰਜੀਤ ਸਿੰਘ ਗੋਲਡੀ, ਡੀ ਓ ਨੀਲਮ ਰਾਣੀ, ਡਾ. ਲਵਿਤ ਗੋਇਲ, ਡਾ. ਰਾਜੀਵ ਜਿੰਦਲ, ਡਾ. ਹਰਦੀਪ ਸਿੰਘ ਬਾਵਾ, ਡਾ. ਅਤੁਲ ਗੁਪਤਾ, ਵਿਕਰਮ ਗਰਗ ਪ੍ਰਧਾਨ ਅੱਗਰਵਾਲ ਸਭਾ, ਪ੍ਰਿੰਸੀਪਲ ਅਮਿਤ ਡੋਗਰਾ, ਪਰਦੀਪ ਮੈਨਨ, ਭਾਰਤ ਵਿਕਾਸ ਪਰਿਸ਼ਦ ਪ੍ਰਧਾਨ ਰਾਕੇਸ਼ ਕੁਮਾਰ, ਪ੍ਰਭਾਤ ਜਿੰਦਲ, ਬਲਵਿੰਦਰ ਭਾਰਦਵਾਜ, ਸੁਮੀਤ ਬੰਦਲਿਸ਼, ਰਾਜਾ ਨਕਟੇ ਪ੍ਰਧਾਨ ਟਰੱਕ ਯੂਨੀਅਨ ਹਾਜ਼ਰ ਸਨ।