ਸੂਨਾਮ (ਰਮੇਸ਼ ਗਰਗ); ਆਜ਼ਾਦੀ ਦਿਵਸ ਦੇ ਮੌਕੇ ’ਤੇ ਬ੍ਰਹਮਾਕੁਮਾਰੀ ਸੈਂਟਰ, ਸੂਨਾਮ ਵਿੱਚ ਸ਼ਾਨਦਾਰ ਸਮਾਗਮ ਦਾ ਆਯੋਜਨ ਕੀਤਾ ਗਿਆ। ਇਹ ਸਮਾਗਮ ਸੈਂਟਰ ਦੀ ਸੰਚਾਲਿਕਾ ਬੀਕੇ ਮੀਰਾ ਦੀਦੀ ਦੀ ਅਗਵਾਈ ਵਿੱਚ ਆਯੋਜਿਤ ਹੋਇਆ। ਸਮਾਗਮ ਦੀ ਸ਼ੁਰੂਆਤ ਰਾਸ਼ਟਰੀ ਗੀਤ ਨਾਲ ਹੋਈ ਅਤੇ ਦੇਸ਼ ਦੀ ਆਜ਼ਾਦੀ ਲਈ ਬਲੀਦਾਨ ਕਰਨ ਵਾਲੇ ਸ਼ਹੀਦਾਂ ਨੂੰ ਭਾਵਪੂਰਨ ਸ਼ਰਧਾਂਜਲੀ ਅਰਪਿਤ ਕੀਤੀ ਗਈ।
ਇਸ ਮੌਕੇ ਉੱਤੇ ਬੋਲਦੇ ਹੋਏ ਵਿਦਵਾਨਾਂ ਨੇ ਕਿਹਾ ਕਿ ਅਸਲ ਆਜ਼ਾਦੀ ਸਿਰਫ਼ ਬਾਹਰੀ ਗੁਲਾਮੀ ਤੋਂ ਮੁਕਤੀ ਹੀ ਨਹੀਂ, ਸਗੋਂ ਮਨੁੱਖ ਦੀਆਂ ਅੰਦਰਲੀਆਂ ਬੁਰਾਈਆਂ ਤੋਂ ਛੁਟਕਾਰਾ ਹੀ ਸੱਚੀ ਸਵਤੰਤਰਤਾ ਹੈ। ਪਰਮਾਰਥ ਦੇ ਰਸਤੇ ’ਤੇ ਤੁਰ ਕੇ ਅਤੇ ਆਪਣੇ ਵਿਚਾਰਾਂ ਤੇ ਕਰਮਾਂ ਨੂੰ ਸ਼੍ਰੇਸ਼ਠ ਬਣਾ ਕੇ ਹੀ ‘ਰਾਮਰਾਜ’ ਦੀ ਸਥਾਪਨਾ ਸੰਭਵ ਹੈ।
ਸੈਂਟਰ ਦੀ ਸੰਚਾਲਿਕਾ ਬੀਕੇ ਮੀਰਾ ਦੀਦੀ ਨੇ ਹਾਜ਼ਰ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਆਜ਼ਾਦੀ ਦਿਵਸ ’ਤੇ ਸੰਕਲਪ ਕਰਨ ਕਿ ਕ੍ਰੋਧ, ਲੋਭ, ਈਰਖਾ ਵਰਗੀਆਂ ਬੁਰਾਈਆਂ ਨੂੰ ਤਿਆਗ ਕੇ ਅਸਲ ਆਜ਼ਾਦੀ ਦਾ ਅਨੁਭਵ ਕਰਨਗੇ । ਇਹੀ ਜੀਵਨ ਨੂੰ ਸ਼੍ਰੇਸ਼ਠ ਬਣਾਉਣ ਅਤੇ ਸਮਾਜ ਨੂੰ ਆਦਰਸ਼ ਦਿਸ਼ਾ ਦੇਣ ਦਾ ਰਾਹ ਹੈ।