ਸ਼ੇਅਰ ਬਾਜ਼ਾਰ 'ਚ ਗਿਰਾਵਟ : ਸੈਂਸੈਕਸ-ਨਿਫਟੀ ਦੋਵੇਂ ਡਿੱਗੇ, ਮੁਨਾਫ਼ਾਵਸੂਲੀ ਨਾਲ ਹੋਈ ਕਲੋਜ਼ਿੰਗ

ਸ਼ੁੱਕਰਵਾਰ, 24 ਅਕਤੂਬਰ ਨੂੰ ਭਾਰਤੀ ਸਟਾਕ ਮਾਰਕੀਟ ਵਿਚ ਗਿਰਾਵਟ ਦੇਖਣ ਨੂੰ ਮਿਲੀ। ਸਵੇਰੇ ਬੀਐਸਈ ਸੈਂਸੈਕਸ 84,667.23 'ਤੇ ਖੁੱਲ੍ਹਿਆ ਪਰ ਵਪਾਰ ਦੌਰਾਨ 354.44 ਅੰਕ ਡਿੱਗ ਕੇ 84,201.96 ਦੇ ਹੇਠਲੇ ਪੱਧਰ 'ਤੇ ਪਹੁੰਚ ਗਿਆ। ਦਿਨ ਦਾ ਉੱਚ ਪੱਧਰ 84,707.44 ਸੀ। ਇਸੇ ਤਰ੍ਹਾਂ, ਐਨਐਸਈ ਨਿਫਟੀ, 25,935.10 'ਤੇ ਖੁੱਲ੍ਹਣ ਤੋਂ ਬਾਅਦ, 107.65 ਅੰਕ ਡਿੱਗ ਕੇ 25,783.75 'ਤੇ ਆ ਗਿਆ।

ਕਾਰੋਬਾਰ ਦੇ ਅੰਤ ਤੱਕ, ਸੈਂਸੈਕਸ 344.52 ਅੰਕ ਭਾਵ 0.41 ਫ਼ੀਸਦੀ ਡਿੱਗ ਕੇ 84,211.88 'ਤੇ ਆ ਗਿਆ। ਸੈਂਸੈਕਸ ਦੇ 10 ਸਟਾਕ ਵਾਧੇ ਨਾਲ ਅਤੇ 20 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।

ਨਿਫਟੀ ਵੀ 96.25 ਅੰਕ ਭਾਵ 0.37% ਡਿੱਗ ਕੇ 25,795.15 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਛੇ ਦਿਨਾਂ ਦੀ ਗਿਰਾਵਟ ਤੋਂ ਬਾਅਦ, ਹਫ਼ਤਾ ਅੱਜ ਬਾਜ਼ਾਰ ਵਿੱਚ ਮੁਨਾਫ਼ਾ ਬੁਕਿੰਗ ਦੇ ਨਾਲ ਖਤਮ ਹੋਇਆ।

ਅੱਜ ਦੇ ਬਾਜ਼ਾਰ ਵਿੱਚ ਗਿਰਾਵਟ ਦੇ ਕਾਰਨ:

ਮੁਨਾਫ਼ਾ ਬੁਕਿੰਗ
ਬੈਂਕਿੰਗ, ਵਿੱਤੀ ਸੇਵਾਵਾਂ, ਐਫਐਮਸੀਜੀ, ਆਈਟੀ ਅਤੇ ਆਟੋ ਸਟਾਕਾਂ ਵਿੱਚ ਹਾਲ ਹੀ ਵਿੱਚ ਆਈ ਤੇਜ਼ੀ ਤੋਂ ਬਾਅਦ ਨਿਵੇਸ਼ਕ ਮੁਨਾਫ਼ਾ ਬੁੱਕ ਕਰ ਰਹੇ ਹਨ।

FII ਵਿਕਰੀ
ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (FIIs) ਨੇ ਵੀਰਵਾਰ ਨੂੰ ₹1,165.94 ਕਰੋੜ ਦੇ ਸ਼ੇਅਰ ਵੇਚੇ, ਜਿਸ ਨਾਲ ਪੰਜ ਸੈਸ਼ਨਾਂ ਦੀ ਖਰੀਦਦਾਰੀ ਦੀ ਲੜੀ ਟੁੱਟ ਗਈ।

ਇੰਡੀਆ VIX ਵਧਿਆ
ਇੰਡੀਆ VIX, ਜੋ ਨਿਵੇਸ਼ਕਾਂ ਦੀ ਭਾਵਨਾ ਅਤੇ ਬਾਜ਼ਾਰ ਦੀ ਅਸਥਿਰਤਾ ਨੂੰ ਮਾਪਦਾ ਹੈ, 1% ਵਧ ਕੇ 11.84 'ਤੇ ਪਹੁੰਚ ਗਿਆ, ਜੋ ਕਿ ਨੇੜਲੇ ਭਵਿੱਖ ਵਿੱਚ ਅਨਿਸ਼ਚਿਤਤਾ ਨੂੰ ਦਰਸਾਉਂਦਾ ਹੈ।