ਲੋਕ ਸਭਾ ਮੈਂਬਰ ਸ.ਮਾਲਵਿੰਦਰ ਸਿੰਘ ਕੰਗ ਵੱਲੋਂ ਅਨਾਜ ਮੰਡੀ ਖਰੜ ਮੰਡੀ ਦਾ ਵਾਧਾ ਕਰਦੇ ਹੋਏ ਪਿੰਡ ਝੰਜੇੜੀ ਵਿਖੇ ਮੰਡੀ ਦੀ ਸ਼ੁਰੂਆਤ ਕੀਤੀ

ਖਰੜ (ਪ੍ਰੀਤ ਪੱਤੀ) : ਪੰਜਾਬ ਦੇ ਮੁੱਖ ਮੰਤਰੀ ਸ. ਭਗਵੰਤ ਮਾਨ ਦੇ ਦਿਸ਼ਾ ਨਿਰਦੇਸ਼ ਅਨੁਸਾਰ ਸਾਲ 2025-26 ਦੇ ਸਾਉਣੀ ਦੇ ਸੀਜ਼ਨ ਲਈ ਮਾਰਕੀਟ ਕਮੇਟੀਆਂ ਵਿੱਚ ਫਸਲ ਦੀ ਖਰੀਦ ਲਈ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ ।
ਅੱਜ ਮਿਤੀ 13/10/2025 ਨੂੰ ਲੋਕ ਸਭਾ ਮੈਂਬਰ ਸ.ਮਾਲਵਿੰਦਰ ਸਿੰਘ ਕੰਗ ਜੀ ਵੱਲੋਂ ਇਲਾਕੇ ਦੀਆਂ ਪੰਚਾਇਤਾਂ ਤੇ ਹੋਰ ਮੋਹਤਵਰਾ ਦੀ ਹਾਜ਼ਰੀ ਵਿੱਚ ਝੰਜੇੜੀ ਮੰਡੀ ਵਿਖੇ ਪੰਜ ਏਕੜ ਵਿੱਚ ਆਰਜੀ ਮੰਡੀ ਦੀ ਸ਼ੁਰੂਆਤ ਕੀਤੀ ਗਈ ਤਾਂ ਜੋ ਕਿਸਾਨਾਂ ਨੂੰ ਆਪਣੀ ਫਸਲ ਵੇਚਣ ਸਬੰਧੀ ਕੋਈ ਮੁਸ਼ਕਿਲ ਪੇਸ਼ ਨਾ ਸਕੇ।

ਉਨ੍ਹਾਂ ਕਿਹਾ ਕਿ ਕਿਸਾਨਾਂ ਅਤੇ ਆੜਤੀਆਂ ਨੂੰ ਕਿਸੇ ਵੀ ਕਿਸਮ ਦੀ ਕੋਈ ਪਰੇਸ਼ਾਨੀ ਨਹੀਂ ਆਉਣ ਦਿੱਤੀ ਜਾਵੇਗੀ ਖਰੀਦ ਅਤੇ ਲਿਫਟਿੰਗ ਦੇ ਮੁਕੰਮਲ ਪ੍ਰਬੰਧ ਕੀਤੇ ਜਾ ਚੁੱਕੇ ਹਨ । ਇਸ ਮੌਕੇ ਸ. ਹਾਕਮ ਸਿੰਘ ਵਾਲੀਆ ਚੇਅਰਮੈਨ ਮਾਰਕੀਟ ਕਮੇਟੀ ਖਰੜ, ਸ੍ਰੀ ਜਤਿੰਦਰ ਰਾਣਾ, ਸ੍ਰੀ ਹਰਮੀਤ ਸਿੰਘ ਛਿੱਬੜ ,ਸ੍ਰੀ ਰਾਮ ਸਰੂਪ ਐਮਸੀ ਖਰੜ , ਪਿੰਡ ਮੱਛਲੀ ਕਲਾਂ, ਮੱਛਲੀ ਖੁਰਦ , ਰਸਨਹੇੜੀ , ਪਿੰਡ ਮਗਰ, ਸਵਾੜਾ , ਭਗਤਪੁਰ ਪਤੱੜਾਂ ਅਤੇ ਚੰਡਿਆਲਾ ਸੂਦਾਂ ਦੇ ਸਰਪੰਚ ਅਤੇ ਪੰਚਾਇਤਾਂ ਹਾਜਰ ਸਨ।
ਸ. ਹਾਕਮ ਸਿੰਘ ਚੇਅਰਮੈਨ ਮਾਰਕੀਟ ਕਮੇਟੀ ਖਰੜ ਵੱਲੋਂ ਦੱਸਿਆ ਗਿਆ ਹੈ ਕਿ ਮਾਰਕੀਟ ਕਮੇਟੀ ਖਰੜ ਅਧੀਨ ਪੈਂਦੀਆਂ‌ ਅਨਾਜ ਮੰਡੀਆਂ ਖਰੜ , ਦਾਉਂ ਮਾਜਰਾ , ਰੁੜਕੀ ਪੁਖਤਾ , ਝੰਜੇੜੀ ਵਿਖੇ ਮਿਤੀ 12 /10 /2025 ਤੱਕ ਕੁੱਲ ਆਮਦ ਅਤੇ ਖਰੀਦ 97,703 ਕੁਵਿ਼. ਹੋ ਚੁੱਕੀ ਹੈ , ਮੰਡੀਆਂ ਵਿੱਚ ਕੁੱਲ 81% ਪ੍ਰਤੀਸ਼ਤ ਲਿਫਟਿੰਗ ਹੋ ਚੁੱਕੀ ਹੈ। ਪਿਛਲੇ ਸਾਲ ਮਿਤੀ 12/10/2024 ਤੱਕ ਇਹਨਾਂ ਦਿਨਾਂ ਦੇ ਮੁਕਾਬਲੇ ਇਸ ਸਾਲ 12/10 /2025 ਵਿੱਚ ਝੋਨੇ ਦੀ ਆਮਦ ਅਤੇ ਖਰੀਦ 93%ਪ੍ਰਤੀਸ਼ਤ ਵੱਧ ਹੋ ਚੁੱਕੀ ਹੈ ਮੰਡੀਆਂ ਵਿੱਚ ਛਾਂ ਪੀਣ ਵਾਲੇ ਪਾਣੀ ਅਤੇ ਸਫਾਈ ਦੇ ਪ੍ਰਬੰਧ ਮੁਕੰਮਲ ਹਨ ਕਿਸਾਨਾਂ ਨੂੰ ਕਿਸੇ ਵੀ ਕਿਸਮ ਦੀ ਕੋਈ ਮੁਸ਼ਕਿਲ / ਪਰੇਸ਼ਾਨੀ ਨਹੀਂ ਆਉਣ ਦਿੱਤੀ ਜਾਵੇਗੀ।