ਖਰੜ (ਪ੍ਰੀਤ ਪੱਤੀ) : ਲਾਇਨਜ਼ ਕਲੱਬ ਖਰੜ ਉਮੰਗ ਵਲੋਂ ਅੱਜ ਨਜ਼ਦੀਕੀ ਪਿੰਡ ਚਡਿਆਲਾ ਵਿਖੇ ਸਾਲਾਨਾ ਸ਼ਹੀਦ ਭਗਤ ਸਿੰਘ ਯਾਦਗਾਰੀ ਅੱਖਾਂ ਦਾ ਮੁਫਤ ਚੈੱਕਅੱਪ ਕੈਂਪ ਲਗਾਇਆ ਗਿਆ l ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਲੱਬ ਦੇ ਚੇਅਰਮੈਨ ਸੁਭਾਸ਼ ਅਗਰਵਾਲ ਨੇ ਦੱਸਿਆ ਕਿ ਅੱਜ ਸਰਦਾਰ ਦਿਆਲ ਸਿੰਘ ਗਰੇਵਾਲ ਦੀ ਬਰਸੀ ਮੌਕੇ ਲਗਾਏ ਗਏ ਇਸ ਕੈਂਪ ਵਿੱਚ 230 ਮਰੀਜ਼ਾਂ ਦਾ ਚੈੱਕਅਪ ਡਾ. ਜਰਨੈਲ ਸਿੰਘ ਵਲੋਂ ਕੀਤਾ ਗਿਆ l
ਕੈਂਪ ਵਿਚ 43 ਮਰੀਜ਼ਾਂ ਨੂੰ ਆਪ੍ਰੇਸ਼ਨ ਲਈ ਸਲੈਕਟ ਕੀਤਾ ਗਿਆ, ਜਿਹਨਾਂ ਦੇ ਆਪ੍ਰੇਸ਼ਨ ਆਉਣ ਵਾਲੇ ਦਿਨਾਂ ਵਿੱਚ ਕਲੱਬ ਵਲੋਂ ਕਰਵਾਏ ਜਾਣਗੇ l ਮਰੀਜ਼ਾਂ ਨੂੰ ਦਵਾਈਆਂ ਅਤੇ ਐਨਕਾਂ ਰਣਵੀਰ ਸਿੰਘ ਗਰੇਵਾਲ ਵਲੋਂ ਦਾਨ ਕੀਤੀਆਂ ਗਈਆਂ l ਕਲੱਬ ਦੇ ਪ੍ਰਧਾਨ ਮੇਜਰ ਸਿੰਘ ਨੇ ਕਿਹਾ ਕਿ ਇਕ ਹੋਰ ਅੱਖਾਂ ਦਾ ਮੁਫਤ ਕੈਂਪ 12 ਅਕਤੂਬਰ ਨੂੰ ਪਿੰਡ ਸਨੇਟਾ ਵਿਖੇ ਲਗਾਇਆ ਜਾਵੇਗਾ l ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਗੁਰਪ੍ਰਤਾਪ ਸਿੰਘ ਪਡਿਆਲਾ, ਕਿਸਾਨ ਆਗੂ ਦਵਿੰਦਰ ਸਿੰਘ ਦੇਹਕਲਾਁ, ਸੁਖਬੀਰ ਰਾਣਾ, ਗੁਰਤੇਜ਼ ਸਿੰਘ, ਨਰੇਸ਼ ਸਿੰਗਲਾ, ਅਮਨਦੀਪ ਸਿੰਘ ਮਾਨ, ਅਸ਼ੋਕ ਬਜਹੇੜੀ, ਵਿਜੈ ਗੁਪਤਾ, ਮਾਸਟਰ ਕ੍ਰਿਸ਼ਨ ਗੋਪਾਲ, ਆਦਿ ਵੀ ਹਾਜ਼ਰ ਸਨ l