ਹਰ ਕੋਈ ਆਪਣੇ ਚਿਹਰੇ ਨੂੰ ਦਾਗ ਰਹਿਤ ਅਤੇ ਚਮਕਦਾਰ ਬਣਾਉਣਾ ਚਾਹੁੰਦਾ ਹੈ ਤਾਂ ਜੋ ਉਹ ਸੋਹਣੇ ਦਿਖ ਸਕਣ। ਔਰਤਾਂ ਆਪਣੇ ਚਿਹਰੇ ਦਾ ਖਾਸ ਖਿਆਲ ਰੱਖਦੀਆਂ ਹਨ। ਅਸੀਂ ਤੁਹਾਨੂੰ ਇਕ ਅਜਿਹਾ ਤਰੀਕਾ ਦੱਸਣ ਜਾ ਰਹੇ ਹਾਂ ਜਿਸ ਜੇ ਇਸਤੇਮਾਲ ਨਾਲ ਤੁਸੀਂ ਬਹੁਤ ਹੀ ਖੂਬਸੂਰਤ ਨਜ਼ਰ ਆਓਗੇ।
ਚੌਲਾਂ ਦਾ ਪਾਣੀ
ਕੋਰੀਅਨ ਸਕਿਨ ਕੇਅਰ 'ਚ ਚਮੜੀ ਦੀ ਦੇਖਭਾਲ ਦਾ ਸਭ ਤੋਂ ਆਮ ਤਰੀਕਾ ਹੈ ਚਾਵਲ ਦਾ ਪਾਣੀ ਚਿਹਰੇ 'ਤੇ ਲਗਾਉਣਾ। ਭਾਰਤ ਵਿੱਚ ਵੀ ਔਰਤਾਂ ਇਸ ਟ੍ਰਿਕ ਨੂੰ ਅਜ਼ਮਾ ਕੇ ਆਪਣੀ ਚਮੜੀ ਨੂੰ ਨਿਖਾਰਨ ਦੀ ਕੋਸ਼ਿਸ਼ ਕਰਦੀਆਂ ਹਨ। ਲਗਭਗ ਹਰ ਕੋਈ ਕੋਰੀਅਨ ਗਲਾਸ ਚਮੜੀ ਦੀ ਇੱਛਾ ਰੱਖਦਾ ਹੈ। ਕੋਰੀਅਨ ਕੁੜੀਆਂ ਦੀ ਚਮੜੀ ਸ਼ੀਸ਼ੇ ਵਾਂਗ ਚਮਕਦੀ ਹੈ ਅਤੇ ਇਸ ਨੂੰ ਪ੍ਰਾਪਤ ਕਰਨ ਲਈ ਉਤਪਾਦਾਂ ਦੇ ਨਾਲ ਘਰੇਲੂ ਉਪਚਾਰਾਂ ਦੀ ਵੀ ਮਦਦ ਲਈ ਜਾਂਦੀ ਹੈ।
ਰੋਜ਼ਾਨਾ ਲਗਾਉਣ ਦੇ ਫਾਇਦੇ
ਜੇਕਰ ਤੁਸੀਂ ਰਾਤ ਭਰ ਭਿੱਜੇ ਚੌਲਾਂ ਦੇ ਪਾਣੀ ਨੂੰ ਰੋਜ਼ਾਨਾ ਚਿਹਰੇ 'ਤੇ ਲਗਾਓ ਤਾਂ ਇਸ ਨਾਲ ਚਮੜੀ ਨੂੰ ਦੁੱਗਣਾ ਫਾਇਦਾ ਮਿਲਦਾ ਹੈ। ਇਸ ਦੇ ਤੱਤ ਚਮੜੀ 'ਤੇ ਸਮੇਂ ਤੋਂ ਪਹਿਲਾਂ ਝੁਰੜੀਆਂ ਅਤੇ ਦਾਗ-ਧੱਬਿਆਂ ਨੂੰ ਘੱਟ ਕਰਨ ਵਿਚ ਕਾਰਗਰ ਹਨ।
ਚੌਲਾਂ ਦਾ ਪਾਣੀ ਕਿਵੇਂ ਕੰਮ ਕਰਦਾ ਹੈ?
ਚੌਲਾਂ ਦੇ ਪਾਣੀ ਵਿੱਚ ਬਹੁਤ ਸਾਰੇ ਐਂਟੀਆਕਸੀਡੈਂਟ ਹੁੰਦੇ ਹਨ ਜੋ ਚਮੜੀ ਦੀ ਕੁਦਰਤੀ ਰੰਗਤ ਵਿੱਚ ਚਮਕ ਲਿਆਉਣ ਵਿੱਚ ਮਦਦ ਕਰਦੇ ਹਨ। ਇਸ ਵਿਚ ਮੌਜੂਦ ਨਮੀ ਚਮੜੀ ਨੂੰ ਨਰਮ ਬਣਾਈ ਰੱਖਦੀ ਹੈ। ਇਸ ਦੇ ਗੁਣ ਐਂਟੀਏਜਿੰਗ ਏਜੰਟ ਦਾ ਕੰਮ ਕਰਦੇ ਹਨ।
ਮੁਹਾਸੇ ਘੱਟ ਜਾਣਗੇ
ਚਮੜੀ 'ਤੇ ਮੁਹਾਸੇ ਹੋਣਾ ਆਮ ਗੱਲ ਹੈ ਅਤੇ ਇਨ੍ਹਾਂ ਨੂੰ ਚੌਲਾਂ ਦੇ ਪਾਣੀ ਵਰਗੀਆਂ ਕੁਦਰਤੀ ਚੀਜ਼ਾਂ ਨਾਲ ਵੀ ਘੱਟ ਕੀਤਾ ਜਾ ਸਕਦਾ ਹੈ। ਚੌਲਾਂ ਦੇ ਪਾਣੀ ਵਿੱਚ ਐਂਟੀਬੈਕਟੀਰੀਅਲ ਤੱਤ ਹੁੰਦੇ ਹਨ ਜੋ ਕਿ ਮੁਹਾਸੇ ਤੋਂ ਰਾਹਤ ਦਿਵਾਉਣ ਵਿੱਚ ਮਦਦ ਕਰਦੇ ਹਨ।
ਟੈਨਿੰਗ ਹੁੰਦੀ ਹੈ ਘੱਟ
ਸਕਿਨ ਟੈਨਿੰਗ ਦਾ ਮੁੱਖ ਕਾਰਨ ਸੂਰਜ ਦੀ ਰੌਸ਼ਨੀ ਅਤੇ ਯੂਵੀ ਕਿਰਨਾਂ ਹਨ। ਸਨਬਰਨ ਅਤੇ ਯੂਵੀ ਕਿਰਨਾਂ ਤੋਂ ਬਚਣ ਲਈ ਚੌਲਾਂ ਦੇ ਪਾਣੀ ਨਾਲ ਚਮੜੀ ਦੀ ਦੇਖਭਾਲ ਕੀਤੀ ਜਾ ਸਕਦੀ ਹੈ। ਇਹ ਚਮੜੀ ਨੂੰ ਗਲੋਇੰਗ ਬਣਾਉਣ ਦੇ ਨਾਲ-ਨਾਲ ਇਸ ਨੂੰ ਠੰਡਕ ਵੀ ਦਿੰਦਾ ਹੈ।
ਦਾਗ ਘੱਟ ਹੁੰਦੇ ਹਨ
ਜੇਕਰ ਤੁਸੀਂ ਰੋਜ਼ ਸੌਣ ਤੋਂ ਪਹਿਲਾਂ ਚਮੜੀ 'ਤੇ ਚੌਲਾਂ ਦਾ ਪਾਣੀ ਲਗਾਓ ਤਾਂ ਦਾਗ-ਧੱਬੇ ਵੀ ਘੱਟ ਹੋਣ ਲੱਗਦੇ ਹਨ। ਕਿਉਂਕਿ ਇਸ ਵਿਚ ਅਜਿਹੇ ਤੱਤ ਹੁੰਦੇ ਹਨ ਜੋ ਪਿਗਮੈਂਟੇਸ਼ਨ ਨੂੰ ਘੱਟ ਕਰਦੇ ਹਨ ਅਤੇ ਚਮੜੀ ਨੂੰ ਚਮਕਦਾਰ ਬਣਾਉਂਦੇ ਹਨ।