ਸੁਨਾਮ ਊਧਮ ਸਿੰਘ ਵਾਲਾ (ਰਮੇਸ਼ ਗਰਗ) : ਪਿਛਲੇ ਦਿਨੀਂ ਸਟੇਟ ਬੈਂਕ ਆਫ ਇੰਡੀਆ ਵਲੋਂ ਬਾਬਾ ਪਰਮਾਨੰਦ ਕਲੋਨੀ ਸੁਨਾਮ ਵਿਖੇ ਇੱਕ ਗਰੀਬ ਪਰਿਵਾਰ ਦੇ ਘਰ ਦੀ ਕੁਰਕੀ ਕਰਨ ਦਾ ਨੋਟਿਸ ਜਾਰੀ ਕੀਤਾ ਗਿਆ ਸੀ। ਅੱਜ ਕੁਰਕੀ ਵਾਲੇ ਦਿਨ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਮਲਵਈ ਦੇ ਸੂਬਾ ਰਾਮਪਾਲ ਸ਼ਰਮਾ ਦੀ ਅਗਵਾਈ ਹੇਠ ਸਵੇਰੇ ਤੋ ਹੀ ਫਰੰਟ ਕਬਜ਼ੇ ਵਾਲੇ ਘਰ ਦੇ ਬੂਹੇ ਅੱਗੇ ਕਿਸਾਨਾਂ ਮਜ਼ਦੂਰਾ ਦੇ ਇਕੱਠ ਸਮੇਤ ਧਰਨਾ ਲਾ ਦਿੱਤਾ ਗਿਆ ਸੀ। ਪਰੰਤੂ ਖ਼ਬਰ ਲਿਖੇ ਜਾਣ ਤੱਕ ਕੋਈ ਵੀ ਬੈਂਕ ਅਧਿਕਾਰੀ ਅਤੇ ਪ੍ਰਸ਼ਾਸਨ ਦਾ ਨੁਮਾਇੰਦਾ ਘਰ ਦਾ ਕਬਜ਼ਾ ਲੈਣ ਨਹੀਂ ਪਹੁੰਚਿਆ।
ਜਥੇਬੰਦੀ ਦੇ ਆਗੂਆਂ ਵਲੋਂ ਪ੍ਰੈਸ ਨੋਟ ਜਾਰੀ ਕਰਦਿਆਂ ਕਿਹਾ ਕਿ ਮਜ਼ਬੂਰੀ ਬਸ ਪਰਿਵਾਰ ਨੂੰ ਜਥੇਬੰਦੀ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਮਲਵਈ ਕਦੇ ਵੀ ਬੇਘਰ ਨਹੀਂ ਹੋਣ ਦੇਵੇਗੀ। ਸਾਡੀ ਜਥੇਬੰਦੀ ਹਮੇਸ਼ਾ ਗਊ ਗਰੀਬ ਦੀ ਰਾਖੀ ਲਈ ਤਿਆਰ ਰਹਿੰਦੀ ਹੈ।
ਉਹਨਾਂ ਕਿਹਾ ਕਿ ਦੇਸ਼ ਦੀ ਜਨਤਾ ਦੇ ਖੂਨ ਪਸੀਨੇ ਦੀ ਕਮਾਈ ਦਾ ਹਜ਼ਾਰਾ ਕਰੋੜਾ ਰੁਪਏ ਲੈਕੇ ਦੇਸ ਚੋ ਭਗੋੜੇ ਹੋਏ ਵਿਜੇ ਮਾਲਿਆ,ਮੁਹੇਲ ਚੋਕਸੀ ਅਤੇ ਨੀਰਵ ਮੋਦੀ ਵਰਗੇ ਫਰੋਡੀਆ ਉਤੇ ਭਾਰਤ ਸਰਕਾਰ ਕਦੋਂ ਕਾਰਵਾਈ ਕਰੇਗੀ? ਲੋਕਾਂ ਦਾ ਪੈਸਾ ਕਦੋਂ ਵਾਪਸ ਆਏਗਾ ? ਹਰ ਸਾਲ ਵੱਡੇ -ਵੱਡੇ ਸਰਮਾਏਦਾਰਾ ਨੂੰ ਲੱਖਾਂ ਕਰੋੜਾਂ ਰੁਪਏ ਦੇ ਲੋਨ ਅਤੇ ਟੇਕਸ ਮਾਫ਼ ਕੀਤੇ ਜਾਂਦੇ ਹਨ ਪਰੰਤੂ ਇਥੇ ਗ਼ਰੀਬ ਕਿਸਾਨਾਂ ਮਜ਼ਦੂਰਾ, ਛੋਟੇ ਦੁਕਾਨਦਾਰਾਂ ਦੇ ਛੋਟੇ ਮੋਟੇ ਰੋਜ਼ਗਾਰ ਚਲਾਉ ਲੋਨ ਦੀਆਂ ਮਜ਼ਬੂਰੀ ਬਸ ਕਿਸ਼ਤਾਂ ਟੁੱਟ ਜਾਣ ਤੇ ਸਰਕਾਰ ਉਹਨਾਂ ਦੀਆਂ ਜਮੀਨਾਂ ਘਰਾਂ ਦੁਕਾਨਾਂ ਦੀ ਕੁਰਕੀ ਕਰਨ ਫੌਰੀ ਆ ਜਾਂਦੀ ਹੈ। ਇਸਦਾ ਮਤਲਬ ਦੇਸ਼ ਅੰਦਰ ਦੋ ਤਰ੍ਹਾਂ ਕਾਨੂੰਨ ਚੱਲ ਰਹੇ ਹਨ।ਗਰੀਬ ਲੋਕਾਂ ਲਈ ਕਾਨੂੰਨ ਹੋਰ ਹਨ ਅਤੇ ਅਮੀਰ ਲੋਕਾਂ ਲਈ ਹੋਰ।
ਇਸ ਮੌਕੇ ਸੂਬਾ ਆਗੂ ਧਰਮਿੰਦਰ ਸਿੰਘ ਭਾਈ ਕੀ ਪਿਸ਼ੌਰ, ਬਲਾਕ ਲਹਿਰਾਗਾਗਾ ਦੇ ਆਗੂ ਕੁਲਦੀਪ ਸਿੰਘ ਰਾਮਗੜ੍ਹ ਸੰਧੂਆਂ , ਕਿਸਾਨਾਂ ਮਜ਼ਦੂਰਾਂ ਸਮੇਂਤ ਇਕਾਈ ਪੀਰ ਪੱਤੀ ਸੁਨਾਮ ਦੇ ਆਗੂ ਬਹਾਦਰ ਸਿੰਘ ਰੂਸ ਅਤੇ ਸਾਥੀ ਹਾਜ਼ਰ ਸਨ।