ਨਵੀਂ ਦਿੱਲੀ : ਚਾਲੂ ਵਿੱਤੀ ਸਾਲ ਦੇ ਅਪ੍ਰੈਲ-ਸਤੰਬਰ ’ਚ ਭਾਰਤ ਵਿਚ ਪ੍ਰਤੱਖ ਵਿਦੇਸ਼ੀ ਨਿਵੇਸ਼ (ਐੱਫ. ਡੀ. ਆਈ.) 18 ਫ਼ੀਸਦੀ ਵਧ ਕੇ 35.18 ਅਰਬ ਡਾਲਰ ਹੋ ਗਿਆ। ਇਸ ਦੌਰਾਨ ਅਮਰੀਕਾ ਤੋਂ ਨਿਵੇਸ਼ ਦੁੱਗਣਾ ਤੋਂ ਜ਼ਿਆਦਾ ਵਧ ਕੇ 6 . 62 ਅਰਬ ਡਾਲਰ ਪਹੁੰਚਿਆ। ਇਸ ਵਿੱਤੀ ਸਾਲ ਦੀ ਦੂਜੀ ਤਿਮਾਹੀ (ਜੁਲਾਈ-ਸਤੰਬਰ) ’ਚ ਐੱਫ. ਡੀ. ਆਈ. 21 ਫ਼ੀਸਦੀ ਵਧ ਕੇ 16.55 ਅਰਬ ਡਾਲਰ ਰਿਹਾ। ਕੁਲ ਐੱਫ. ਡੀ. ਆਈ. ’ਚ ਇਕਵਿਟੀ, ਮੁੜ ਨਿਵੇਸ਼ ਆਮਦਨ ਅਤੇ ਹੋਰ ਪੂੰਜੀ ਸ਼ਾਮਲ ਹੈ।
ਸਿੰਗਾਪੁਰ ਇਸ ਮਿਆਦ ਦਾ ਸਭ ਤੋਂ ਬਹੁਤ ਨਿਵੇਸ਼ ਸ੍ਰੋਤ ਰਿਹਾ, ਜਿਸ ਤੋਂ ਬਾਅਦ ਅਮਰੀਕਾ, ਮਾਰੀਸ਼ਸ, ਯੂ. ਏ. ਈ. ਅਤੇ ਨੀਦਰਲੈਂਡ ਪ੍ਰਮੁੱਖ ਸਥਾਨ ’ਤੇ ਹਨ। ਖੇਤਰਵਾਰ ਨਿਵੇਸ਼ ’ਚ ਕੰਪਿਊਟਰ ਸਾਫਟਵੇਅਰ, ਸੇਵਾਵਾਂ, ਵਪਾਰ, ਵਾਹਨ ਅਤੇ ਗੈਰ-ਰਵਾਇਤੀ ਊਰਜਾ ਪ੍ਰਮੁੱਖ ਰਹੇ। ਸੂਬਿਆਂ ’ਚ ਮਹਾਰਾਸ਼ਟਰ ਵਿਚ ਸਭ ਤੋਂ ਵੱਧ 10.57 ਅਰਬ ਡਾਲਰ ਦਾ ਨਿਵੇਸ਼ ਹੋਇਆ। ਉਸ ਤੋਂ ਬਾਅਦ ਕਰਨਾਟਕ, ਤਾਮਿਲਨਾਡੂ ਅਤੇ ਹਰਿਆਣਾ ਦਾ ਸਥਾਨ ਹੈ ।