ਮੁੰਬਈ : ਗਲੋਬਲ ਸਟਾਰ ਰਾਮ ਚਰਨ ਆਪਣੀ ਆਉਣ ਵਾਲੀ ਫਿਲਮ 'ਪੇਡੀ' ਲਈ ਸਖ਼ਤ ਮਿਹਨਤ ਕਰ ਰਹੇ ਹਨ। ਇਹ ਫਿਲਮ ਬੁਚੀ ਬਾਬੂ ਸਨਾ ਦੁਆਰਾ ਨਿਰਦੇਸ਼ਤ ਹੈ ਅਤੇ ਵੈਂਕਟ ਸਤੀਸ਼ ਕਿਲਾਰੂ ਦੁਆਰਾ ਵਰਿੱਧੀ ਸਿਨੇਮਾ ਦੇ ਅਧੀਨ ਨਿਰਮਿਤ ਹੈ, ਜਦੋਂ ਕਿ ਮਿਥਰੀ ਮੂਵੀ ਮੇਕਰਸ ਅਤੇ ਸੁਕੁਮਾਰ ਰਾਈਟਿੰਗਜ਼ ਇਸ ਪ੍ਰੋਜੈਕਟ ਨੂੰ ਪੇਸ਼ ਕਰ ਰਹੇ ਹਨ। ਵੱਡੇ ਪੈਮਾਨੇ 'ਤੇ ਬਣਾਈ ਜਾ ਰਹੀ ਇਹ ਫਿਲਮ ਪਹਿਲਾਂ ਹੀ ਆਪਣੇ ਪ੍ਰੋਮੋਸ਼ਨਲ ਕੰਟੈਂਟ ਰਾਹੀਂ ਦੇਸ਼ ਭਰ ਵਿੱਚ ਬਹੁਤ ਚਰਚਾ ਵਿੱਚ ਆ ਚੁੱਕੀ ਹੈ।
ਖਾਸ ਕਰਕੇ ਰਿਲੀਜ਼ ਹੋਈ ਪਹਿਲੀ ਝਲਕ ਨੇ ਸਾਰੀਆਂ ਭਾਸ਼ਾਵਾਂ ਅਤੇ ਖੇਤਰਾਂ ਵਿੱਚ ਦਰਸ਼ਕਾਂ ਨੂੰ ਰੋਮਾਂਚਿਤ ਕੀਤਾ। ਹੁਣ ਫਿਲਮ ਦਾ ਅਗਲਾ ਲੰਮਾ ਅਤੇ ਬਹੁਤ ਮਹੱਤਵਪੂਰਨ ਸ਼ਡਿਊਲ ਕੱਲ੍ਹ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਇਸ ਮਹੱਤਵਪੂਰਨ ਪੜਾਅ ਤੋਂ ਪਹਿਲਾਂ, ਰਾਮ ਚਰਨ ਆਪਣੇ ਕਿਰਦਾਰ ਲਈ ਆਪਣੇ ਆਪ ਨੂੰ ਪੂਰੀ ਤਰ੍ਹਾਂ ਤਿਆਰ ਕਰ ਰਹੇ ਹਨ। ਉਨ੍ਹਾਂ ਨੇ ਜ਼ਬਰਦਸਤ ਟ੍ਰੇਨਿੰਗ ਲਈ ਹੈ ਅਤੇ ਆਪਣੇ ਸਰੀਰ ਨੂੰ ਇੱਕ ਮਜ਼ਬੂਤ, ਊਰਜਾਵਾਨ ਅਵਤਾਰ ਵਿੱਚ ਢਾਲਿਆ ਹੈ। ਉਨ੍ਹਾਂ ਦੀਆਂ ਹਾਲੀਆ ਜਿਮ ਫੋਟੋਆਂ ਵਿੱਚ ਉਹ ਸੰਘਣੀ ਦਾੜ੍ਹੀ, ਬੰਨ੍ਹੇ ਹੋਏ ਵਾਲਾਂ ਅਤੇ ਬੇਹੱਤ ਤਾਕਤਵਰ ਨਜ਼ਰ ਆ ਰਹੇ ਹਨ, ਜੋ ਕਿ ਉਨ੍ਹਾਂ ਦੇ ਸਖ਼ਤ ਅਨੁਸ਼ਾਸਨ ਅਤੇ ਦ੍ਰਿੜ ਇਰਾਦੇ ਦਾ ਨਤੀਜਾ ਹੈ। ਇਹ ਟਰਾਂਸਫਾਰਮੇਸ਼ ਸਿਰਫ਼ ਦਿਖਾਵੇ ਲਈ ਨਹੀਂ ਹੈ, ਸਗੋਂ ਉਨ੍ਹਾਂ ਦੇ ਕਿਰਦਾਰ ਅਤੇ ਕਹਾਣੀ ਪ੍ਰਤੀ ਉਨ੍ਹਾਂ ਦੀ ਵਚਨਬੱਧਤਾ ਦਾ ਸਬੂਤ ਹੈ। ਦਰਅਸਲ, ਰਾਮ ਚਰਨ ਇਸ ਅਵਤਾਰ ਵਿੱਚ ਇੱਕ ਗਰੀਕ ਗੌਡ ਵਾਂਗ ਦਿਖਾਈ ਦਿੰਦੇ ਹਨ, ਪੂਰੀ ਤਰ੍ਹਾਂ ਨਾਲ 'ਬੈਸਟ ਮੋਡ' ਵਿੱਚ। ਫਿਲਮ 'ਪੇਡੀ' 27 ਮਾਰਚ 2026 ਨੂੰ ਰਿਲੀਜ਼ ਹੋਣ ਵਾਲੀ ਹੈ।