ਮੁੰਬਈ : ਅਦਾਕਾਰ ਆਮਿਰ ਖਾਨ ਆਖਿਰਕਾਰ ਆਪਣੀ ਪ੍ਰੇਮਿਕਾ ਗੌਰੀ ਸਪ੍ਰੈਟ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ ਹਨ। ਇਸ ਸਮਾਰੋਹ ਵਿੱਚ ਪਰਿਵਾਰਕ ਮੈਂਬਰ ਅਤੇ ਕਰੀਬੀ ਦੋਸਤ ਹੀ ਸ਼ਾਮਲ ਹੋਏ। ਇਹ ਸਮਾਰੋਹ ਐਤਵਾਰ ਨੂੰ ਅਦਾਕਾਰ ਦੇ ਆਪਣੇ ਘਰ ਵਿੱਚ ਹੀ ਆਯੋਜਿਤ ਕੀਤਾ ਗਿਆ।
ਸ਼ਹਿਰ ਵਿੱਚ ਭਾਰੀ ਬਾਰਿਸ਼ ਦੇ ਬਾਵਜੂਦ, ਵਿਆਹ ਦੀਆਂ ਤਿਆਰੀਆਂ ਯੋਜਨਾ ਅਨੁਸਾਰ ਜਾਰੀ ਰਹੀਆਂ ਅਤੇ ਇੰਡਸਟਰੀ ਦੇ ਕਰੀਬੀ ਦੋਸਤਾਂ ਨੇ ਵਿਆਹ ਵਿੱਚ ਆਪਣੀ ਮੌਜੂਦਗੀ ਦਰਜ ਕਰਵਾਈ, ਜਿਨ੍ਹਾਂ ਵਿੱਚ "ਲਗਾਨ" ਫਿਲਮ ਨਿਰਮਾਤਾ ਆਸ਼ੂਤੋਸ਼ ਗੋਵਾਰੀਕਰ, ਕਾਮੇਡੀਅਨ-ਅਦਾਕਾਰ ਵੀਰ ਦਾਸ, ਕ੍ਰਿਕਟਰ ਇਰਫਾਨ ਪਠਾਨ, ਕਾਰੋਬਾਰੀ ਮੁਕੇਸ਼ ਅੰਬਾਨੀ ਅਤੇ ਹੋਰ ਸ਼ਾਮਲ ਸਨ।
ਇਹ ਸਮਾਰੋਹ ਕਾਫੀ ਸਾਦਾ ਸੀ, ਜਿਸਦਾ ਅੰਦਾਜ਼ਾ ਅਦਾਕਾਰ ਦੀ ਟੀਮ ਦੁਆਰਾ ਸਾਂਝੀ ਕੀਤੀ ਗਈ ਫੋਟੋ ਤੋਂ ਲਗਾਇਆ ਜਾ ਰਿਹਾ ਹੈ। ਫੋਟੋ ਵਿੱਚ ਆਮਿਰ, ਗੌਰੀ ਨਾਲ ਵਿਆਹ ਦੇ ਦਸਤਾਵੇਜ਼ 'ਤੇ ਦਸਤਖਤ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ ਅਤੇ ਪਰਿਵਾਰਕ ਮੈਂਬਰ ਉਨ੍ਹਾਂ ਦੇ ਆਲੇ-ਦੁਆਲੇ ਖੜ੍ਹੇ ਹੋਏ ਨਜ਼ਰ ਆ ਰਹੇ। ਗੌਰੀ ਦਾ ਪੁੱਤਰ ਜੋੜੇ ਦੇ ਵਿਚਕਾਰ ਖੜ੍ਹਾ ਹੈ, ਜਦੋਂਕਿ ਆਜ਼ਾਦ ਆਮਿਰ ਦੇ ਨਾਲ ਬੈਠਾ ਹੈ। ਇਸ ਸਮਾਰੋਹ ਵਿੱਚ ਸਿਆਸਤਦਾਨ ਰਾਜ ਠਾਕਰੇ ਅਤੇ ਗੀਤਕਾਰ ਪ੍ਰਸੂਨ ਜੋਸ਼ੀ ਵੀ ਸ਼ਾਮਲ ਹੋਏ।
ਦੱਸ ਦੇਈਏ ਕਿ ਇਹ ਆਮਿਰ ਦਾ ਤੀਜਾ ਵਿਆਹ ਹੈ। ਅਦਾਕਾਰ ਦਾ ਪਹਿਲਾ ਵਿਆਹ ਫਿਲਮ ਨਿਰਮਾਤਾ ਰੀਨਾ ਦੱਤਾ ਨਾਲ 1986 ਤੋਂ 2002 ਤੱਕ ਚੱਲਿਆ ਸੀ। ਇਸ ਸਾਬਕਾ ਜੋੜੇ ਦੇ 2 ਬੱਚੇ ਜੁਨੈਦ ਅਤੇ ਈਰਾ ਖਾਨ ਹਨ। ਫਿਰ 2005 ਵਿੱਚ, ਅਦਾਕਾਰ ਨੇ ਫਿਲਮ ਨਿਰਮਾਤਾ ਕਿਰਨ ਰਾਓ ਨਾਲ ਵਿਆਹ ਕਰਾਇਆ ਸੀ ਅਤੇ ਇਹ ਜੋੜਾ 2021 ਵਿੱਚ ਵੱਖ ਹੋ ਗਿਆ। ਇਨ੍ਹਾਂ ਦਾ ਇਕ ਪੁੱਤਰ ਆਜ਼ਾਦ ਹੈ।