ਲੁਧਿਆਣਾ : ਸ਼ਹਿਰ ਦੀ ਪੁਲਸ ਹੁਣ ਏ. ਆਈ. ਨਾਲ ਚੱਲਣ ਵਾਲੇ ਕੈਮਰਿਆਂ ਦੀ ਮਦਦ ਨਾਲ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਦੇ ਜੁਰਮ ’ਚ ਚਲਾਨ ਕਰੇਗੀ। ਬੀਤੇ ਦਿਨ ਡੀ. ਜੀ. ਪੀ. ਗੌਰਵ ਯਾਦਵ ਵੱਲੋਂ ਪੁਲਸ ਲਾਈਨਸ ਵਿਚ ਇੰਟੈਗ੍ਰੇਟਿਡ ਕਮਾਂਡ ਐਂਡ ਕੰਟਰੋਲ ਸੈਂਟਰ ਦਾ ਉਦਘਾਟਨ ਕਰ ਦਿੱਤਾ ਗਿਆ ਹੈ। ਸੇਫ ਸਿਟੀ ਕੈਮਰਿਆਂ ਦੀ ਮਦਦ ਨਾਲ ਕੀਤੇ ਜਾਣ ਵਾਲੇ ਇਨ੍ਹਾਂ ਚਲਾਨਾਂ ਵਿਚ ਹਾਲ ਦੀ ਘੜੀ 9 ਟ੍ਰੈਫਿਕ ਜੁਰਮ ਸ਼ਾਮਲ ਕੀਤੇ ਗਏ ਹਨ, ਜਿਨ੍ਹਾਂ ਵਿਚ ਅੱਗੇ ਵਿਸਥਾਰ ਵੀ ਕੀਤਾ ਜਾ ਸਕਦਾ ਹੈ। ਇਸ ਦੇ ਲਈ ਖਾਸ ਤੌਰ ’ਤੇ ਸਾਫਟਵੇਅਰ ਨੂੰ ਅਪਡੇਟ ਕਰਵਾਇਆ ਗਿਆ। ਸ਼ਹਿਰ ਵਿਚ ਅਜੇ 46 ਥਾਵਾਂ ’ਤੇ ਕੈਮਰਿਆਂ ਦੀ ਮਦਦ ਨਾਲ ਚਲਾਨ ਕੀਤੇ ਜਾਣਗੇ।
ਸਭ ਤੋਂ ਲੰਬਾ ਰੂਟ ਚੰਡੀਗੜ੍ਹ ਰੋਡ ’ਤੇ ਵੀਰ ਪੈਲੇਸ ਤੋਂ ਲੈ ਕੇ ਵੈਸਟ ਏਂਡ ਮਾਲ ਤੱਕ ਦਾ ਰਹੇਗਾ, ਜਿਸ ਵਿਚ ਜੇਕਰ ਟ੍ਰੈਫਿਕ ਵਾਇਲੇਸ਼ਨ ਕੀਤੀ ਤਾਂ 13 ਥਾਵਾਂ ’ਤੇ ਤੁਸੀਂ ਕੈਮਰੇ ਦੀ ਨਜ਼ਰ ਵਿਚ ਰਹੋਗੇ। ਇਸ ਵਿਚ ਵੀਰ ਪੈਲੇਸ ਚੌਕ, ਜਮਾਲਪੁਰ ਚੌਕ, ਪੁਲਸ ਕਾਲੋਨੀ, ਵਰਧਮਾਨ ਚੌਕ, ਸਮਰਾਲਾ ਚੌਕ, ਆਤਮ ਪਾਰਕ, ਭਾਰਤ ਨਗਰ ਚੌਕ, ਡੀ. ਸੀ. ਆਫਿਸ ਕੱਟ, ਭਾਈ ਬਾਲਾ ਚੌਕ, ਮਲਹਾਰ ਕੱਟ, ਸੁਨੇਤ 2 ਸੁਨੇਤ 3 ਅਤੇ ਵੈਸਟ ਏਂਡ ਮਾਲ ਸ਼ਾਮਲ ਹਨ।
ਇਸੇ ਹੀ ਤਰ੍ਹਾਂ ਜੇਕਰ ਮਾਲੇਰਕੋਟਲਾ ਵੱਲੋਂ ਲੋਕ ਆ ਰਹੇ ਹਨ ਤਾਂ ਆਲਮਗੀਰ ਕੱਟ ’ਤੇ ਵਿਸ਼ੇਸ਼ ਕੈਮਰੇ ਉਨ੍ਹਾਂ ਦਾ ਸਵਾਗਤ ਕਰਨਗੇ। ਇਸ ਸੜਕ ’ਤੇ ਗਿੱਲ ਨਹਿਰ ਪੁਲ ਅਤੇ ਏ. ਟੀ. ਆਈ. ਰੋਡ ਦੇ ਕੈਮਰੇ ਵੀ ਸ਼ਾਮਲ ਹਨ। ਇਸੇ ਤਰ੍ਹਾਂ ਸ਼ਹਿਰ ਤੋਂ ਗੁਜ਼ਰਦੇ ਨੈਸ਼ਨਲ ਹਾਈਵੇ ਨੰ. 44 ’ਤੇ ਦਿੱਲੀ-ਜਲੰਧਰ ਰੋਡ ’ਤੇ 9 ਵਿਸ਼ੇਸ਼ ਕੈਮਰਿਆਂ ਨੂੰ ਟ੍ਰੈਫਿਕ ਚਲਾਨ ਕਰਨ ਲਈ ਸਥਾਪਿਤ ਕੀਤਾ ਗਿਆ ਹੈ। ਸ਼ਹਿਰ ਦੇ ਐਂਟਰੀ ਪੁਆਇੰਟ ਟੋਲ ਪਲਾਜ਼ਾ ਤੋਂ ਹੀ ਟ੍ਰੈਫਿਕ ਚਲਾਨ ਦੀ ਉਲੰਘਣਾ ਕਰਨ ਵਾਲਿਆਂ ਦੇ ਚਲਾਨ ਸ਼ੁਰੂ ਹੋਣਗੇ। ਇਸ ਵਿਚ ਟੋਲ ਪਲਾਜ਼ਾ, ਹਾਰਡੀਜ਼ ਵਰਲਡ, ਲਾਡੋਵਾਲ ਟੀ-ਪੁਆਇੰਟ, ਬਾਈਪਾਸ, ਸ਼ਿਵਪੁਰੀ ਚੌਕ, ਸਮਰਾਲਾ ਚੌਕ, ਸ਼ੇਰਪੁਰ ਚੌਕ, ਢੰਡਾਰੀ ਪੁਲ, ਢੰਡਾਰੀ ਰੋਡ ਸ਼ਾਮਲ ਹੈ।
ਨੈਸ਼ਨਲ ਹਾਈਵੇ ਦੇ ਨਾਲ-ਨਾਲ ਸ਼ਹਿਰ ਦੇ ਕੁਝ ਆਊਟਰ ਏਰੀਆ ਨੂੰ ਵੀ ਕੈਮਰਿਆਂ ਦੀ ਜਦ ਵਿਚ ਲਿਆਂਦਾ ਗਿਆ ਹੈ, ਜਿਸ ਵਿਚ ਹੰਬੜਾਂ, ਸਾਊਥ ਸਿਟੀ ਅਤੇ ਬਚਨ ਸਿੰਘ ਮਾਰਗ ਵੀ ਸ਼ਾਮਲ ਹਨ। ਸ਼ਹਿਰ ਦੇ ਅੰਦਰੂਨੀ ਇਲਾਕਿਆਂ ਵਿਚ ਵੀ ਇਨ੍ਹਾਂ ਕੈਮਰਿਆਂ ਦੀ ਮਦਦ ਨਾਲ ਚਲਾਨ ਕੀਤੇ ਜਾਣਗੇ, ਜਿਨ੍ਹਾਂ ਵਿਚ ਮਾਲ ਰੋਡ ਦਾ ਛਤਰੀ ਚੌਕ, ਦੰਡੀ ਸਵਾਮੀ ਚੌਕ, ਰਾਜਪੁਰਾ ਚੌਕ, ਦੁੱਗਰੀ, ਫਿਰੋਜ਼ਗਾਂਧੀ ਮਾਰਕੀਟ, ਫਾਊਂਟੇਸਨ ਚੌਕ, ਹੀਰੋ ਬੇਕਰੀ, ਪਵੇਲੀਅਨ ਮਾਲ, 200 ਫੁੱਟ ਰੋਡ, ਜਗਰਾਓਂ ਪੁਲ, ਢੋਲੇਵਾਲ ਚੌਕ, ਦੁਰਗਾ ਮਾਤਾ ਮੰਦਰ, ਇਸ਼ਰ ਨਗਰ, ਲਈਅਰ ਵੈਲੀ, ਰੋਜ਼ ਗਾਰਡਨ, ਬਹਾਦਰਕੇ ਰੋਡ ਦਾ ਜਲੇਬੀ ਚੌਕ ਵੀ ਸ਼ਾਮਲ ਹਨ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਬੀਤੇ ਕੁਝ ਦਿਨਾ ਤੋਂ ਕੈਮਰਿਆਂ ਦੀ ਮਦਦ ਨਾਲ ਈ-ਚਲਾਨ ਦੇ ਟ੍ਰਾਇਲ ਚੱਲ ਰਹੇ ਸਨ। ਇਸ ਤੋਂ ਬਾਅਦ ਬੀਤੇ ਦਿਨ ਡੀ. ਜੀ. ਪੀ. ਪੰਜਾਬ ਵੱਲੋਂ ਇਸ ਦਾ ਉਦਘਾਟਨ ਕਰ ਦਿੱਤਾ ਗਿਆ ਹੈ।
ਇਨ੍ਹਾਂ 9 ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ’ਤੇ ਹੋਣਗੇ ਈ-ਚਲਾਨ
ਰੈੱਡ ਲਾਈਟ ਦੀ ਉਲੰਘਣਾ, ਸਟਾਪ ਲਾਈਨ ਦੀ ਉਲੰਘਣਾ, ਜ਼ੈਬਰਾ ਲਾਈਨ ਦੀ ਉਲੰਘਣਾ, ਬਿਨਾਂ ਹੈਲਮੇਟ, ਪਿਛਲੀ ਸਵਾਰੀ ਬਿਨਾਂ ਹੈਲਮੇਟ, ਟ੍ਰਿਪਲ ਰਾਈਡਿੰਗ, ਓਵਰਸਪੀਡਿੰਗ, ਰਾਂਗ ਸਾਈਡ ਡ੍ਰਾਈਵਿੰਗ ਅਤੇ ਰਾਂਗ ਪਾਰਕਿੰਗ।
ਸਾਰੇ 46 ਪੁਆਇੰਟਾਂ ਦੀ LIST
200 ਫੁੱਟ ਰੋਡ, ਆਲਮਗੀਰ ਕੱਟ, ਏ. ਟੀ. ਆਈ. ਕੱਟ, ਆਤਮ ਪਾਰਕ, ਜਲੰਧਰ ਬਾਈਪਾਸ, ਛੱਤਰੀ ਚੌਕ ਮਾਲ ਰੋਡ, ਦੰਡੀ ਸਵਾਮੀ ਚੌਕ, ਢੰਡਾਰੀ ਪੁਲ, ਢੰਡਾਰੀ ਰੋਡ, ਐੱਸ. ਵੀ. ਐੱਮ. ਸਕੂਲ, ਦੁੱਗਰੀ, ਦੁਰਗਾ ਮਾਤਾ ਮੰਦਰ ਚੌਕ, ਢੋਲੇਵਾਲ ਚੌਕ, ਫਿਰੋਜ਼ ਗਾਂਧੀ ਮਾਰਕਿਟ, ਫਾਊਂਟੇਨ ਚੌਕ, ਗਿੱਲ ਨਹਿਰ, ਹੰਬੜਾਂ, ਹਾਰਡੀਜ਼ ਵਰਲਡ, ਹੀਰੋ ਬੇਕਰੀ, ਈਸ਼ਰ ਨਗਰ, ਜਗਰਾਓਂ ਪੁਲ, ਜਮਾਲਪੁਰ ਚੌਕ, ਲਾਡੋਵਾਲ ਟੀ-ਪੁਆਇੰਟ, ਲਈਅਰ ਵੈਲੀ, ਐੱਮ. ਬੀ. ਡੀ. ਮਾਲ, ਪਵੇਲੀਅਨ ਮਾਲ, ਪੁਲਸ ਕਾਲੋਨੀ ਚੌਕ, ਰਾਜਪੁਰਾ ਚੌਕ, ਰੋਜ਼ ਗਾਰਡਨ, ਸਮਰਾਲਾ ਚੌਕ, ਸ਼ਿਵਪੁਰੀ ਚੌਕ, ਸਰਾਭਾ ਨਗਰ, ਸ਼ੇਰਪੁਰ ਚੌਕ, ਸਾਊਥ ਸਿਟੀ, ਟੀ-ਪੁਆਇੰਟ 22 ਫੁੱਟ ਰੋਡ, ਟੋਲ ਪਲਾਜ਼ਾ, ਵਰਧਮਾਨ ਚੌਕ, ਵੀਰ ਪੈਲੇਸ, ਵੈਸਟ ਏਂਡ ਮਾਲ, ਬਹਾਦਰਕੇ ਰੋਡ ਦਾ ਜਲੇਬੀ ਚੌਕ, ਪੀ. ਏ. ਯੂ. ਮਲਹਾਰ ਕੱਟ, ਭਾਈ ਬਾਲਾ ਚੌਕ, ਭਾਰਤ ਨਗਰ ਚੌਕ, ਬਚਨ ਸਿੰਘ ਮਾਰਗ, ਡੀ. ਸੀ. ਦਫ਼ਤਰ ਕੱਟ, ਸੁਨੇਤ-2, ਸੁਨੇਤ-3।
ਲੋਕ ਜ਼ਿੰਮੇਵਾਰੀ ਨਾਲ ਕਰਨ ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ : ਏ. ਸੀ. ਪੀ. ਬਾਂਸਲ
ਏ. ਸੀ. ਪੀ. ਟ੍ਰੈਫਿਕ ਜਤਿਨ ਬਾਂਸਲ ਦਾ ਕਹਿਣਾ ਹੈ ਕਿ ਸ਼ਹਿਰ ਦੇ ਲੋਕ ਜ਼ਿੰਮੇਵਾਰੀ ਨਾਲ ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ ਕਰਨ। ਪੁਲਸ ਦਾ ਮਕਸਦ ਆਮ ਲੋਕਾਂ ਨੂੰ ਟ੍ਰੈਫਿਕ ਨਿਯਮਾਂ ਪ੍ਰਤੀ ਜ਼ਿੰਮੇਵਾਰ ਬਣਾਉਣਾ ਹੈ। ਉਨ੍ਹਾਂ ਦੱਸਿਆ ਕਿ ਆਉਣ ਵਾਲੇ ਸਮੇਂ ਵਿਚ ਸ਼ਹਿਰ ਦੇ ਹੋਰਨਾਂ ਚੌਕਾਂ ਨੂੰ ਵੀ ਕੈਮਰਿਆਂ ਦੀ ਮਦਦ ਨਾਲ ਚਲਾਨ ਕਰਨ ’ਚ ਸ਼ਾਮਲ ਕੀਤਾ ਜਾਵੇਗਾ।