ਨਵਾਂਸ਼ਹਿਰ (ਮਨੋਰੰਜਨ ਕਾਲੀਆ) : ਪੈਨਸ਼ਨਰਜ਼ ਐਸੋਸੀਏਸ਼ਨ ਪਾਵਰ ਤੇ ਟਰਾਂਸਮਿਸ਼ਨ ਕਾਰਪੋ:ਲਿਮ:ਮੰਡਲ ਨਵਾਂਸ਼ਹਿਰ ਦੀ ਮਹੀਨਾਵਾਰ ਮੀਟਿੰਗ ਮੰਡਲ ਪ੍ਰਧਾਨ ਨਰਿੰਦਰ ਮਹਿਤਾ ਦੀ ਅਗਵਾਈ ਵਿਚ ਕੀਤੀ ਗਈ ਅਤੇ ਸਟੇਜ ਸਕੱਤਰ ਦੀ ਭੂਮਿਕਾ ਡਵੀਜਨਲ ਸਕੱਤਰ ਮਦਨ ਲਾਲ ਰਾਮਰਾਏ ਪੁਰ ਵੱਲੋਂ ਨਿਭਾਈ ਗਈ,ਮੀਟਿੰਗ ਵਿੱਚ ਬਹੁਗਿਣਤੀ ਪੈਨਸ਼ਨਰਜ਼ ਸ਼ਮਿਲ ਹੋਏ।ਜਿਸ ਵਿੱਚ ਪੈਨਸ਼ਨਰਜ਼ ਦੇ ਮੱਸਲੇ ਹੱਲ ਕਰਵਾਉਣ ਸਬੰਧੀ ਵਿਚਾਰ ਕੀਤੀ ਗਈ। ਇਸ ਮੀਟਿੰਗ ਨੂੰ ਸਰਕਲ ਪ੍ਰਧਾਨ ਕੁਲਵਿੰਦਰ ਸਿੰਘ ਅਟਵਾਲ,ਸਰਕਲ ਆਗੂ ਵਿਜੇ ਕੁਮਾਰ ਬਾਲੀ, ਨਿਰੰਜਣ ਕੰਗਾਂ,ਡਵੀਜਨਲ ਆਗੂ ਰਵਿੰਦਰ ਭਾਸਕਰ ਰਾਹੋਂ,ਸ਼ੰਭੂ ਨਰਾਇਣ ਰਾਹੋਂ,ਪਰੇਮ ਚਣਕੋਆ,ਸ਼ਿਵ ਰਾਜ,ਨਿਰਮਲ ਜੀਤ ਆਦਿ ਬੁਲਾਰਿਆਂ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਪੰਜਾਬ ਸਰਕਾਰ ਮੁਲਾਜਮਾਂ ਤੇ ਪੈਨਸ਼ਨਰਜ਼ ਦੇ ਸਾਂਝੇ ਫਰੰਟ ਨੂੰ ਵਾਰ-ਵਾਰ ਮੀਟਿੰਗਾਂ ਦੇਕੇ ਮੀਟਿੰਗਾਂ ਨਹੀਂ ਕਰ ਰਹੀ।ਤੇ ਮੰਗਾਂ ਦਾ ਹੱਲ ਨਹੀ ਕੀਤਾ ਜਾ ਰਿਹਾ।ਕੇਦਰ ਸਰਕਾਰ ਆਪਣੇ ਮੁਲਾਜ਼ਮਾਂ ਤੇ ਪੈਨਸ਼ਨਰਜ਼ ਨੂੰ 58% ਡੀਏ ਦੇ ਚੁੱਕੀ ਹੈ।ਪੰਤੂ ਪੰਜਾਬ ਸਰਕਾਰ ਸਿਰਫ 42% ਤੇ ਹੀ ਚੁੱਪ ਬੈਠੀ ਹੈ,ਜੋ ਕਿ ਕੇਂਦਰ ਤੋਂ 16% ਘੱਟ ਹੈ।ਜਿਸ ਕਾਰਨ ਮੁਲਾਜ਼ਮਾਂ ਤੇ ਪੈਨਸ਼ਨਰਜ਼ ਵਿਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ।
ਬੁਲਾਰਿਆਂ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਪੈਂਡਿੰਗ ਰਹਿੰਦੀਆਂ ਡੀ ਏ ਦੀਆਂ ਕਿਸ਼ਤਾਂ ਇਹਨਾਂ ਦਾ ਬਕਾਇਆ ਯੱਕ-ਮੁਕਤ ਦਿੱਤਾ ਜਾਵੇ।ਜਥੇਬੰਦੀ ਵਲੋ ਪੰਜਾਬ ਸਰਕਾਰ ਨੂੰ ਵਾਰ-ਵਾਰ ਭੇਜੇ ਜਾ ਚੁੱਕੇ ਮੰਗ ਪੱਤਰ ਮੁਤਾਬਿਕ ਮੰਗਾਂ ਦਾ ਨਿਪਟਾਰਾ ਜੱਲਦ ਕਰਕੇ ਮੰਗਾਂ ਲਾਗੂ ਕੀਤੀਆਂ ਜਾਣ।ਇਸ ਮੌਕੇ ਵਿਜੇ ਕੁਮਾਰ ਏ ਏ ਈ,ਜੈਪਾਲ ਸ਼ਰਮਾਂ,ਕਰਨੈਲ ਭਾਰਟਾ,ਜਰਨੈਲ ਭਾਰਟਾ, ਰਾਮਲੁਭਾਇਆ,ਹੁਕਮ ਚੰਦ,ਇੰਦਰਜੀਤ ਸੋਢੀ,ਜਸਵਿੰਦਰ ਸਿੰਘ,ਅਸ਼ੋਕ ਕੁਮਾਰ,ਬਲਜੀਤ ਸਿੰਘ,ਗੁਰਬਚਨ ਸਿੰਘ,ਬਲਦੇਵ ਤਾਜੋਵਾਲ ਅਤੇ ਪਰਮਜੀਤ ਸਿੰਘ ਆਦਿ ਹਾਜਰ ਸਨ।