ਨਵਾਸ਼ਹਿਰ (ਮਨੋਰੰਜਨ ਕਾਲੀਆ) : ਪਿਛਲੇ ਦਿਨੀ ਬੰਗਾ ਦੇ ਪਿੰਡ ਹੱਪੋਵਾਲ ਦੇ ਸਰਪੰਚ ਤੇ ਹੋਈ ਫਾਇਰਿੰਗ ਦੇ ਮਾਮਲੇ ਵਿੱਚ ਨਾਮਜਦ ਕਥਿਤ ਆਰੋਪੀ ਗੈਗਸਟਾਰ ਜੱਸਾ ਹੱਪੋਵਾਲ ਪੁਲਿਸ ਦੀ ਜਬਾਵੀ ਕਾਰਵਾਈ ਵਿੱਚ ਲੱਤ ਵਿੱਚ ਗੋਲੀ ਲੱਗਣ ਕਾਰਨ ਗੰਭੀਰ ਰੂਪ ਨਾਲ ਜਖਮੀ ਹੋ ਗਿਆ | ਜਿਸਨੂੰ ਇਲਾਜ ਦੇ ਲਈ ਸਿਵਲ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ |
ਇਸ ਸਬੰਧ ਵਿੱਚ ਜਾਣਕਾਰੀ ਦਿੰਦੇ ਹੋਏ ਬੰਗਾ ਦੇ ਡੀਐਸਪੀ ਹਰਜੀਤ ਸਿੰਘ ਨੇ ਦੱਸਿਆ ਕਿ ਹੱਪੋਵਾਲ ਦੇ ਸਰਪੰਚ ਗੁਰਵਿੰਦਰ ਸਿੰਘ ਤੇ ਪਿਛਲੀ ਦਿਨੀ ਕੁਝ ਨੌਜਵਾਨਾ ਨੇ ਫਾਇਰਿੰਗ ਕਰਕੇ ਉਨਾ ਨੂੰ ਜਖਮੀ ਕਰ ਦਿੱਤਾ ਸੀ | ਇਸ ਮਾਮਲੇ ਵਿੱਚ ਪਿੰਡ ਦੇ ਹੀ ਜੱਸਾ ਹੱਪੋਵਾਲ ਸਹਿਤ ਕੁਝ ਲੋਕਾ ਦੇ ਖਿਲਾਫ ਮਾਮਲਾ ਦਰਜ ਕੀਤਾ ਸੀ | ਉਨਾ ਦੱਸਿਆ ਕਿ ਜੱਸਾ ਹੱਪੋਵਾਲ ਜੇਲ ਵਿੱਚ ਬੰਦ ਸੀ | ਉਸਨੂੰ ਪ੍ਰੋਡਕਸ਼ਨ ਵਾਰੰਟ ਤੇ ਲਿਆ ਕੇ ਉਸ ਤੋ ਪੁੱਛਗਿਛ ਕੀਤੀ ਗਈ | ਪੁੱਛਗਿਛ ਦੇ ਆਧਾਰ ਤੇ ਪਿੰਡ ਮਜਾਰੀ ਦੇ ਕੋਲ ਉਸ ਵੱਲੋਂ ਲਕੋਏ ਗਏ ਪਿਸਟਲ ਨੂੰ ਪੁਲਿਸ ਪਾਰਟੀ ਰਿਕਵਰ ਕਰਨ ਲਈ ਨਾਲ ਲੈਕੇ ਪਹੁੰਚੀ ਤਾਂ ਉਸਨੇ ਉਸੇ ਪਿਸਟਲ ਨਾਲ ਪੁਲਿਸ ਤੇ ਫਾਇਰਿੰਗ ਕਰ ਦਿੱਤੀ | ਪੁਲਿਸ ਨੇ ਵੀ ਜੁਬਾਵੀ ਕਾਰਵਾਈ ਵਿੱਚ ਫਾਇਰਿੰਗ ਕੀਤੀ ਤਾਂ ਜਿਸ ਤੇ ਇਕ ਗੋਲੀ ਉਸਦੀ ਲੱਤ ਵਿੱਚ ਲੱਗੀ ਤੇ ਉਹ ਜਖਮੀ ਹੋ ਕੇ ਡਿੱਗ ਗਿਆ | ਜਿਸਨੂੰ ਇਲਾਜ ਦੇ ਲਈ ਸਿਵਲ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ |