ਨਟਰਾਜਨ ਕੌਸ਼ਲ ਦੀ ਰਸਮ ਪਗੜੀ ‘ਤੇ ਰੋਟਰੀ ਕਲੱਬ ਦਾ ਸਨਮਾਨ ਸਮਾਰੋਹ

ਖਰੜ (ਪ੍ਰੀਤ ਪੱਤੀ) : ਖਰੜ ਦੀ ਨਾਮਵਰ ਸ਼ਖਸੀਅਤ ਸੀਨੀਅਰ ਐਡਵੋਕੇਟ ਤੇ ਪੰਡਿਤ ਸ਼ਿਵ ਰਾਮ ਵੈਦ ਦੇ ਬੇਟੇ ਸਵਰਗੀ ਨਟਰਾਜਨ ਕੌਸ਼ਲ (69) ਜੋ ਕਿ ਪਿਛਲੇ ਦਿਨੀਂ ਅਚਾਨਕ ਇਸ ਦੁਨੀਆਂ ਤੋਂ ਰੁਖਸ਼ਤ ਹੋ ਗਏ ਸਨ, ਉਨ੍ਹਾਂ ਦੀ ਰਸਮ ਪਗੜੀ ਅੱਜ ਡਿਵਾਇਨ ਰਿਜੋਰਟ ਕੁਰਾਲੀ ਵਿਖੇ ਹੋਈ । ਇਸ ਮੌਕੇ ਤੇ ਰੋਟਰੀ ਕਲੱਬ ਵਲੋਂ ਉਹਨਾਂ ਦੇ ਮਰਨ ਉਪਰੰਤ ਅੱਖਾਂ ਦਾਨ ਕਰਨ ਵਾਲੇ ਪਰਿਵਾਰ ਨੂੰ ਪੀ.ਜੀ. ਆਈ ਦੇ ਅੱਖਾਂ ਦੇ ਵਿਭਾਗ ਵਲੋਂ ਭੇਜਿਆ ਗਿਆ ਸਰਟੀਫਿਕੇਟ ਤੇ ਰੋਟਰੀ ਕਲੱਬ ਦਾ ਸਨਮਾਨ ਪੱਤਰ ਦੇ ਕੇ ਨਵਾਜਿਆ ਗਿਆ । ਇਹ ਦੋਨੋਂ ਸਨਮਾਨ ਪੱਤਰ ਭੇਟ ਕਰਨ ਦੀ ਰਸਮ ਮੌਜੂਦਾ ਐਮ ਪੀ ਜਲੰਧਰ ਤੇ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਵੱਲੋਂ ਨਿਭਾਈ ਗਈ । ਇਸ ਮੌਕੇ ਤੇ ਪੀ ਡੀ ਜੀ ਡਾ. ਮਨਮੋਹਨ ਸਿੰਘ ਨੇ ਦੱਸਿਆ ਕਿ ਸਵਰਗੀ ਨਟਰਾਜਨ ਕੌਸ਼ਲ ਦੀਆਂ ਅੱਖਾਂ ਉਹਨਾਂ ਦੇ ਪੁੱਤਰ ਕਰਨ ਕੌਸ਼ਲ ਵੱਲੋਂ ਦਾਨ ਕਰਵਾਈਆਂ ਗਈਆਂ ਸਨ । ਇਸ ਨਾਲ ਹੁਣ ਦੋ ਲੋਕ ਸੰਸਾਰ ਦੇਖਣ ਦੇ ਕਾਬਲ ਹੋ ਗਏ ਹਨ । ਇਸ ਮੌਕੇ ਤੇ ਰੋਟੇਰੀਅਨਜ਼ ਤੋਂ ਇਲਾਵਾ ਹੋਰ ਸੰਸਥਾਵਾਂ ਦੇ ਲੋਕ ਵੀ ਹਾਜਰ ਸਨ। ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਤੋਂ ਇਲਾਵਾ ਰਣਜੀਤ ਸਿੰਘ ਗਿੱਲ, ਐਮ ਪੀ ਮਾਲਵਿੰਦਰ ਸਿੰਘ ਕੰਗ, ਜੀਤੀ ਪਡਿਆਲਾ, ਗੁਰਪ੍ਰਤਾਪ ਸਿੰਘ ਪੰਡਿਆਲਾ ਤੇ ਬਹੁਤ ਭਾਰੀ ਤਾਦਾਦ ਵਿੱਚ ਰਿਸ਼ਤੇਦਾਰ ਤੇ ਸੱਜਣ ਮਿੱਤਰ ਤੇ ਐਮ.ਸੀ. ਹਾਜਰ ਸਨ ।