ਦੀਪਤੀ ਸ਼ਰਮਾ ਟੀ-20 ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੀ ਪਹਿਲੀ ਭਾਰਤੀ ਗੇਂਦਬਾਜ਼ ਬਣੀ

ਭਾਰਤ ਦੀ ਸਟਾਰ ਆਲਰਾਊਂਡਰ ਦੀਪਤੀ ਸ਼ਰਮਾ ਨੇ ਅੰਤਰਰਾਸ਼ਟਰੀ ਟੀ-20 ਕ੍ਰਿਕਟ ਵਿੱਚ ਇੱਕ ਵੱਡੀ ਉਪਲਬਧੀ ਹਾਸਲ ਕਰਦਿਆਂ ਭਾਰਤ ਦਾ ਨਾਮ ਰੌਸ਼ਨ ਕੀਤਾ ਹੈ। ਉਹ ਹੁਣ ਮਹਿਲਾ ਅਤੇ ਪੁਰਸ਼ ਦੋਵਾਂ ਵਰਗਾਂ ਵਿੱਚ ਭਾਰਤ ਵੱਲੋਂ ਟੀ-20 ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੀ ਪਹਿਲੀ ਗੇਂਦਬਾਜ਼ ਬਣ ਗਈ ਹੈ।

ਮੰਗਲਵਾਰ ਨੂੰ ਸ੍ਰੀਲੰਕਾ ਵਿਰੁੱਧ ਖੇਡੇ ਗਏ ਪੰਜਵੇਂ ਅੰਤਰਰਾਸ਼ਟਰੀ ਟੀ-20 ਮੈਚ ਵਿੱਚ ਦੀਪਤੀ ਨੇ ਨੀਲਾਕਸ਼ੀ ਡੀ ਸਿਲਵਾ ਨੂੰ ਆਊਟ ਕਰਕੇ ਆਪਣੀ 152ਵੀਂ ਵਿਕਟ ਹਾਸਲ ਕੀਤੀ। ਇਸ ਸਫਲਤਾ ਦੇ ਨਾਲ ਹੀ ਉਨ੍ਹਾਂ ਨੇ ਆਸਟ੍ਰੇਲੀਆ ਦੀ ਮੇਗਨ ਸ਼ੂਟ ਦੇ 151 ਵਿਕਟਾਂ ਦੇ ਵਿਸ਼ਵ ਰਿਕਾਰਡ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਦੀਪਤੀ ਨੇ 2016 ਵਿੱਚ ਆਪਣੇ ਡੈਬਿਊ ਤੋਂ ਬਾਅਦ ਸਿਰਫ 133 ਮੈਚਾਂ ਵਿੱਚ ਇਹ ਇਤਿਹਾਸਕ ਮੁਕਾਮ ਹਾਸਲ ਕੀਤਾ ਹੈ।

ਵਿਸ਼ਵ ਪੱਧਰ 'ਤੇ ਦਬਦਬਾ ਟੀ-20 ਅੰਤਰਰਾਸ਼ਟਰੀ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ਾਂ ਦੀ ਸੂਚੀ ਹੁਣ ਇਸ ਪ੍ਰਕਾਰ ਹੈ:
• ਦੀਪਤੀ ਸ਼ਰਮਾ (ਭਾਰਤ): 152 ਵਿਕਟਾਂ
• ਮੇਗਨ ਸ਼ੂਟ (ਆਸਟ੍ਰੇਲੀਆ): 151 ਵਿਕਟਾਂ
• ਨਿਦਾ ਡਾਰ (ਪਾਕਿਸਤਾਨ): 144 ਵਿਕਟਾਂ
• ਹੈਨਰੀਟ ਇਸ਼ਿਮਵੇ (ਰਵਾਂਡਾ): 144 ਵਿਕਟਾਂ
• ਸੋਫੀ ਐਕਲੇਸਟੋਨ (ਇੰਗਲੈਂਡ): 142 ਵਿਕਟਾਂ

ਝੂਲਨ ਗੋਸਵਾਮੀ ਦੇ ਰਿਕਾਰਡ ਦੇ ਕਰੀਬ ਇਸ ਉਪਲਬਧੀ ਦੇ ਨਾਲ ਹੀ ਦੀਪਤੀ ਸ਼ਰਮਾ ਹੁਣ ਮਹਿਲਾ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੀ ਭਾਰਤੀ ਦਿੱਗਜ ਝੂਲਨ ਗੋਸਵਾਮੀ ਦੇ ਰਿਕਾਰਡ ਦੇ ਬੇਹੱਦ ਕਰੀਬ ਪਹੁੰਚ ਗਈ ਹੈ। ਦੀਪਤੀ ਦੇ ਨਾਮ ਹੁਣ ਤਿੰਨੋਂ ਫਾਰਮੈਟਾਂ (ਟੈਸਟ, ਵਨਡੇ ਅਤੇ ਟੀ-20) ਵਿੱਚ ਕੁੱਲ 334 ਵਿਕਟਾਂ ਹੋ ਗਈਆਂ ਹਨ, ਜਦਕਿ ਝੂਲਨ ਗੋਸਵਾਮੀ 355 ਵਿਕਟਾਂ ਨਾਲ ਸਿਖਰ 'ਤੇ ਹੈ। ਇੰਗਲੈਂਡ ਦੀ ਕੈਥਰੀਨ ਸਾਇਵਰ-ਬਰੰਟ (335 ਵਿਕਟਾਂ) ਇਸ ਸਮੇਂ ਦੀਪਤੀ ਤੋਂ ਸਿਰਫ ਇੱਕ ਵਿਕਟ ਅੱਗੇ ਹੈ।