ਜਨ ਹਿੱਤ ਵਿਕਾਸ ਮੰਚ ਖਰੜ ਵੱਲੋਂ ਜਿਲ੍ਹੇ ਦੇ ਵੱਖ ਵੱਖ ਵਿਕਾਸ ਕਾਰਜਾਂ ਨੂੰ ਲੈ ਕੇ ਐਸਡੀਐਮ ਖਰੜ ਨੂੰ ਦਿੱਤਾ ਮੰਗ ਪੱਤਰ

ਖਰੜ (ਪ੍ਰੀਤ ਪੱਤੀ) : ਜਨ ਹਿੱਤ ਵਿਕਾਸ ਮੰਚ ਖਰੜ ਦਾ ਅੱਠ ਮੈਂਬਰੀ ਵਫਦ ਰਣਜੀਤ ਸਿੰਘ ਹੰਸ ਦੀ ਅਗਵਾਈ ਵਿੱਚ ਐਸ ਡੀ ਐਮ ਖਰੜ ਗੁਰਮੀਤ ਸਿੰਘ ਜੀ ਨੂੰ ਮਿਲਿਆ । ਵਫਦ ਨੇ ਐਸ ਏ ਐਸ ਨਗਰ ਤੋਂ ਫਤਿਹਗੜ੍ਹ ਸਾਹਿਬ ਜਿਲੇ ਨੂੰ ਜੋੜਦੀਆਂ ਸੜਕਾਂ ਦੀ ਬਹੁਤ ਹੀ ਮਾੜੀ ਹਾਲਤ ਉਨਾਂ ਦੇ ਧਿਆਨ ਵਿੱਚ ਲਿਆਂਦੀ ਅਤੇ ਇੱਕ ਪੱਤਰ ਉਹਨਾਂ ਰਾਹੀਂ ਮੁੱਖ ਮੰਤਰੀ ਪੰਜਾਬ ਨੂੰ ਵੀ ਭੇਜਿਆ। ਇਹ ਸੜਕਾਂ ਖਰੜ ਤੋਂ ਰੰਧਾਵਾ ਰੋਡ ਗੜਾਗਾਂ ਵਾਲੀ ਰੋਡ ਅਤੇ ਉਸਾਰੀ ਅਧੀਨ ਨਹਿਰ ਤੇ ਪੁਲ ਦੀ ਮਾੜੀ ਹਾਲਤ, ਬਜਹੇੜੀ ਤੋਂ ਸਕਰੂਲਾਂਪੁਰ, ਬੀਬੀ ਪੁਰ, ਬੱਤਾ, ਸਿਲ ਵਾਲੀ ਰੋਡ ਅਤੇ ਉਸਾਰੀ ਅਧੀਨ ਨਹਿਰ ਤੇ ਪੁਲ ਦੀ ਮਾੜੀ ਹਾਲਤ ਖਰੜ ਤੋਂ ਵਾਇਆ ਖੇੜੀ ਚੌਂਕ ਵਾਲੀ ਰੋਡ ਅਤੇ ਉਸਾਰੀ ਅਧੀਨ ਨਹਿਰ ਦੇ ਪੁਲ ਦੀ ਮਾੜੀ ਹਾਲਤ ਮੋਰਿੰਡਾ ਤੋਂ ਚੁੰਨੀ ਵਾਲੀ ਰੋਡ ਬਹੁਤ ਬੁਰੀ ਤਰ੍ਹਾਂ ਟੁੱਟ ਚੁੱਕੀਆਂ ਹਨ। ਇਹਨਾ ਸੜਕਾਂ ਵਿੱਚ ਬਹੁਤ ਵੱਡੇ ਵੱਡੇ ਖੱਡੇ ਪਏ ਹੋਏ ਹਨ। ਇਹਨਾਂ ਤੋਂ ਇਲਾਵਾ ਪਿੰਡਾਂ ਨੂੰ ਲਿੰਕ ਕਰਦੀਆਂ ਸੜਕਾਂ ਦੀ ਵੀ ਬਹੁਤ ਮਾੜੀ ਹਾਲਤ ਹੈ ਵਫਦ ਨੇ ਇਹ ਵੀ ਦੱਸਿਆ ਕਿ ਬਜਹੇੜੀ ਅਤੇ ਰੋੜਾ ਕੋਲ ਦੋਨਾਂ ਪਿੰਡਾਂ ਦਾ ਗੰਦਾ ਪਾਣੀ ਸੜਕਾਂ ਤੇ ਘੁੰਮਦਾ ਹੈ ਇਹਨਾਂ ਦੋਨਾਂ ਪਿੰਡਾਂ ਵਿੱਚ ਗੰਦੇ ਪਾਣੀ ਦੀ ਨਿਕਾਸੀ ਦਾ ਕੋਈ ਪ੍ਰਬੰਧ ਨਹੀਂ ਹੈ ਆਪਣੇ ਪੱਤਰ ਵਿੱਚ ਜਨ ਹਿੱਤ ਵਿਕਾਸ ਮੰਚ ਨੇ ਮੁੱਖ ਮੰਤਰੀ ਪੰਜਾਬ ਨੂੰ ਫਤਿਹਗੜ੍ਹ ਸਾਹਿਬ ਗੁਰਦੁਆਰਾ ਸਾਹਿਬ ਮੱਥਾ ਟੇਕਣ ਜਾਣ ਤੇ ਆਉਣ ਦਾ ਰੂਟ ਬਣਾਉਣ ਲਈ ਵੀ ਕਿਹਾ ਤਾਂ ਕਿ ਅਪਣੇ ਆਪ ਪਤਾ ਲੱਗ ਸਕੇ ਕਿ ਇਹਨਾਂ ਸੜਕਾਂ ਦੀ ਕੀ ਹਾਲਤ ਹੈ ਐਸ ਡੀ ਐਮ ਸਾਹਿਬ ਨੇ ਸਾਰੀ ਗੱਲ ਸੁਣ ਅਤੇ ਪੱਤਰ ਪੜਨ ਉਪਰੰਤ Pwd ਮੰਤਰੀ ਨੂੰ ਇਹਨਾਂ ਸੜਕਾਂ ਦੀ ਮੁਰੰਮਤ ਕਰਾਉਣ ਲਈ ਮੈਸੇਜ ਵੀ ਕੀਤਾ ਤੇ ਗਲ ਕਰਨ ਲਈ ਫੋਨ ਵੀ ਕੀਤਾ। ਪੀ ਡਬਲਯੂ ਡੀ ਵਿਭਾਗ ਦੇ ਸਬੰਧਤ ਅਧਿਕਾਰੀਆਂ ਨੂੰ ਫੋਨ ਕੀਤੇ ਉਹਨਾਂ ਨੂੰ ਆਪਣੇ ਦਫਤਰ ਬੁਲਾ ਕੇ ਮੁਹਾਲੀ ਤੋਂ ਫਤਿਹਗੜ੍ਹ ਸਾਹਿਬ ਨੂੰ ਜੋੜਦੀਆਂ ਅਤੇ ਮੁਹਾਲੀ ਜਿਲੇ ਦੀਆਂ ਲਿੰਕ ਸੜਕਾਂ ਤੁਰੰਤ ਮੁਰੰਮਤ ਕਰਨ ਦੇ ਆਦੇਸ਼ ਵੀ ਦਿੱਤੇ ਉਪਰੰਤ ਵਿਸ਼ਵਾਸ ਦਿਵਾਇਆ ਕਿ ਸੜਕਾਂ ਮੁਰੰਮਤ ਵੱਲ ਜਲਦੀ ਧਿਆਨ ਦਿਵਾਇਆ ਜਾਵੇਗਾ। ਇਸ ਸਮੇਂ ਮਾਸਟਰ ਅਜੈਬ ਸਿੰਘ, ਬੰਤ ਸਿੰਘ, ਪਾਲ ਸਿੰਘ, ਬਲੇਸ਼ ਕੁਮਾਰ, ਜੋਗਿੰਦਰ ਸਿੰਘ, ਸੇਵਾ ਸਿੰਘ, ਕੇਸਰ ਸਿੰਘ ਅਹੁਦੇਦਾਰ ਵੀ ਹਾਜਰ ਸਨ।