ਮੁੰਬਈ : ਬਾਲੀਵੁੱਡ ਦੇ ਪਾਵਰਹਾਊਸ ਅਦਾਕਾਰ ਰਣਵੀਰ ਸਿੰਘ ਇੱਕ ਵਾਰ ਫਿਰ ਵੱਡੇ ਪਰਦੇ 'ਤੇ ਤਹਿਲਕਾ ਮਚਾਉਣ ਲਈ ਤਿਆਰ ਹਨ। ਆਦਿਤਿਆ ਧਰ ਦੇ ਨਿਰਦੇਸ਼ਨ ਹੇਠ ਬਣੀ ਬਲਾਕਬਸਟਰ ਫਿਲਮ 'ਧੁਰੰਦਰ' ਦੇ ਸੀਕਵਲ 'ਧੁਰੰਦਰ: ਦਿ ਰੀਵੈਂਜ' ਦਾ ਦਮਦਾਰ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਸ ਵਾਰ ਰਣਵੀਰ ਸਿੰਘ ਆਪਣੇ 'ਬੀਸਟ ਮੋਡ' ਵਿੱਚ ਨਜ਼ਰ ਆ ਰਹੇ ਹਨ, ਜੋ ਪਹਿਲੇ ਭਾਗ ਨਾਲੋਂ ਕਿਤੇ ਵੱਧ ਖ਼ਤਰਨਾਕ ਅਤੇ ਭਾਵੁਕ ਬਦਲੇ ਦੀ ਕਹਾਣੀ ਬਿਆਨ ਕਰਦਾ ਹੈ।
ਦੋਹਰੇ ਅਵਤਾਰ 'ਚ ਨਜ਼ਰ ਆਉਣਗੇ ਰਣਵੀਰ
3 ਮਿੰਟ ਦੇ ਇਸ ਧਮਾਕੇਦਾਰ ਟ੍ਰੇਲਰ ਵਿੱਚ ਰਣਵੀਰ ਸਿੰਘ 'ਜਸਕੀਰਤ' ਅਤੇ 'ਹਮਜ਼ਾ' ਦੇ ਦੋਹਰੇ ਅਵਤਾਰਾਂ ਵਿੱਚ ਨਜ਼ਰ ਆ ਰਹੇ ਹਨ। ਰਣਵੀਰ ਨੇ ਇੰਸਟਾਗ੍ਰਾਮ 'ਤੇ ਟ੍ਰੇਲਰ ਸਾਂਝਾ ਕਰਦੇ ਹੋਏ ਲਿਖਿਆ, "ਤੁਹਾਨੂੰ ਦੱਸਿਆ ਸੀ ਕਿ ਇਹ ਨਿੱਜੀ (Personal) ਹੈ...ਟ੍ਰੇਲਰ ਆ ਗਿਆ ਹੈ।" ਟ੍ਰੇਲਰ ਵਿੱਚ ਐਕਸ਼ਨ, ਜਜ਼ਬਾਤ ਅਤੇ ਇੰਤਕਾਮ ਦਾ ਇੱਕ ਜ਼ਬਰਦਸਤ ਸੁਮੇਲ ਦਿਖਾਇਆ ਗਿਆ ਹੈ।
ਦਿੱਗਜ ਕਲਾਕਾਰਾਂ ਦੀ ਟੱਕਰ
ਇਸ ਸੀਕਵਲ ਵਿੱਚ ਸਿਤਾਰਿਆਂ ਦੀ ਵੱਡੀ ਫੌਜ ਦੇਖਣ ਨੂੰ ਮਿਲੇਗੀ। ਆਰ. ਮਾਧਵਨ ਮਾਸਟਰਮਾਈਂਡ ਅਜੇ ਸਾਨਿਆਲ ਦੇ ਰੂਪ ਵਿੱਚ ਰਣਨੀਤੀ ਘੜਦੇ ਨਜ਼ਰ ਆਉਣਗੇ। ਅਰਜੁਨ ਰਾਮਪਾਲ ਆਈ.ਐਸ.ਆਈ. ਮੇਜਰ ਇਕਬਾਲ ਦੇ ਖ਼ੌਫ਼ਨਾਕ ਕਿਰਦਾਰ ਵਿੱਚ ਦਿਖਣਗੇ ਅਤੇ ਸੰਜੇ ਦੱਤ ਐਸ.ਪੀ. ਚੌਧਰੀ ਅਸਲਮ ਦੇ ਰੂਪ ਵਿੱਚ ਆਪਣੀ ਦਮਦਾਰ ਮੌਜੂਦਗੀ ਦਰਜ ਕਰਵਾਉਣਗੇ।
ਅਸਲ ਘਟਨਾਵਾਂ ਤੋਂ ਪ੍ਰੇਰਿਤ ਹੈ ਕਹਾਣੀ
ਇਹ ਫਿਲਮ ਭਾਰਤ ਦੀ ਖੁਫੀਆ ਏਜੰਸੀ R&AW ਦੇ ਗੁਪਤ ਆਪਰੇਸ਼ਨਾਂ, ਖਾਸ ਕਰਕੇ 'ਆਪਰੇਸ਼ਨ ਲਿਆਰੀ' ਅਤੇ 2008 ਦੇ ਮੁੰਬਈ ਹਮਲਿਆਂ ਤੋਂ ਬਾਅਦ ਅਪਰਾਧਿਕ ਸਿੰਡੀਕੇਟਾਂ ਵਿਰੁੱਧ ਕੀਤੀ ਗਈ ਕਾਰਵਾਈ ਤੋਂ ਪ੍ਰੇਰਿਤ ਹੈ। ਜੀਓ ਸਟੂਡੀਓਜ਼ ਅਤੇ B62 ਸਟੂਡੀਓਜ਼ ਦੇ ਬੈਨਰ ਹੇਠ ਬਣੀ ਇਹ ਫਿਲਮ ਹਿੰਦੀ 5 ਪੰਜ ਭਾਸ਼ਾਵਾਂ (ਤੇਲਗੂ, ਤਾਮਿਲ, ਕੰਨੜ ਅਤੇ ਮਲਿਆਲਮ) ਵਿੱਚ ਰਿਲੀਜ਼ ਹੋਵੇਗੀ।
19 ਮਾਰਚ ਨੂੰ ਦੁਨੀਆ ਭਰ 'ਚ ਹੋਵੇਗੀ ਰਿਲੀਜ਼
'ਧੁਰੰਦਰ: ਦਿ ਰੀਵੈਂਜ' 19 ਮਾਰਚ 2026 ਨੂੰ ਗੁੜੀ ਪੜਵਾ, ਉਗਾਦੀ ਅਤੇ ਈਦ ਦੇ ਸ਼ੁਭ ਮੌਕੇ 'ਤੇ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦੇ 'ਪੇਡ ਪ੍ਰੀਵਿਊ' 18 ਮਾਰਚ ਤੋਂ ਸ਼ੁਰੂ ਹੋ ਜਾਣਗੇ। ਆਦਿਤਿਆ ਧਰ ਦੀ ਇਹ ਸਪਾਈ-ਐਕਸ਼ਨ ਫਿਲਮ ਬਾਕਸ ਆਫਿਸ 'ਤੇ ਨਵੇਂ ਰਿਕਾਰਡ ਬਣਾਉਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।