ਨਵੀਂ ਦਿੱਲੀ : ਜੀ. ਐੱਸ. ਟੀ. 2.0 ਸੁਧਾਰਾਂ, ਭਾਰਤੀ ਰਿਜ਼ਰਵ ਬੈਂਕ (ਆਰ. ਬੀ. ਆਈ.) ਵੱਲੋਂ ਰੈਪੋ ਦਰਾਂ ’ਚ ਕਟੌਤੀ ਅਤੇ ਹੋਰ ਅਨੁਕੂਲ ਨੀਤੀਗਤ ਉਪਰਾਲਿਆਂ ਤੋਂ ਉਤਸ਼ਾਹਿਤ ਇਕ ਦਰਜਨ ਤੋਂ ਵੱਧ ਕੰਪਨੀਆਂ ਅਗਲੇ 2-3 ਹਫਤਿਆਂ ’ਚ ਆਪਣਾ ਸ਼ੁਰੂਆਤੀ ਜਨਤਕ ਇਸ਼ੂ (ਆਈ. ਪੀ. ਓ.) ਲਿਆਉਣ ਦੀ ਤਿਆਰੀ ਕਰ ਰਹੀਆਂ ਹਨ। ਇਨ੍ਹਾਂ ਦਾ ਟੀਚਾ ਲੱਗਭਗ 10,000 ਕਰੋਡ਼ ਰੁਪਏ ਇਕੱਠੇ ਕਰਨਾ ਹੈ ।
ਮਰਚੈਂਟ ਬੈਂਕਰ ਨੇ ਦੱਸਿਆ ਕਿ ਮੁੱਢਲੇ ਬਾਜ਼ਾਰ ’ਚ ਉੱਤਰਨ ਦੀ ਤਿਆਰੀ ਕਰ ਰਹੀਆਂ ਕੰਪਨੀਆਂ ’ਚ ਆਈ. ਵੈਲਿਊ. ਇਨਫੋਸਾਲਿਊਸ਼ਨਜ਼, ਸਾਤਵਿਕ ਗ੍ਰੀਨ ਐਨਰਜੀ, ਜਿਨਕੁਸ਼ਲ ਇੰਡਸਟਰੀਜ਼, ਅਟਲਾਂਟਾ ਇਲੈਕਟ੍ਰੀਕਲਜ਼, ਪਾਰਕ ਮੇਡੀ ਵਰਲਡ, ਸੋਲਰਵਰਲਡ ਐਨਰਜੀ ਸਾਲਿਊਸ਼ਨਜ਼, ਜੈਨ ਰਿਸੋਰਸ ਰੀਸਾਈਕਲਿੰਗ, ਸੀ. ਆਈ. ਈ. ਐੱਲ. ਐੱਚ. ਆਰ. ਸਰਵਿਸਿਜ਼, ਜੀ. ਕੇ. ਐਨਰਜੀ, ਗਣੇਸ਼ ਕੰਜ਼ਿਊਮਰ ਪ੍ਰੋਡਕਟਸ, ਆਨੰਦ ਰਾਠੀ ਸ਼ੇਅਰ ਐਂਡ ਸਟਾਕ ਬ੍ਰੋਕਰਜ਼ ਅਤੇ ਸ਼ੇਸ਼ਸਾਈ ਟੈਕਨਾਲੋਜੀਜ਼ ਸ਼ਾਮਲ ਹਨ।