ਆਈਸੀਸੀ ਪੁਰਸ਼ ਟੀ-20 ਵਿਸ਼ਵ ਕੱਪ 2026 ਦੇ 20ਵੇਂ ਮੈਚ ਵਿੱਚ ਅੱਜ ਕੈਨੇਡਾ ਦਾ ਸਾਹਮਣਾ ਸੰਯੁਕਤ ਅਰਬ ਅਮੀਰਾਤ (UAE) ਨਾਲ ਹੋ ਰਿਹਾ ਹੈ। ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ਵਿੱਚ ਖੇਡੇ ਜਾ ਰਹੇ ਇਸ ਗਰੁੱਪ-ਡੀ ਦੇ ਮੁਕਾਬਲੇ ਵਿੱਚ ਕੈਨੇਡਾ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ।
ਦੋਵਾਂ ਟੀਮਾਂ ਲਈ ਅਹਿਮ ਮੁਕਾਬਲਾ
ਇਹ ਮੈਚ ਦੋਵਾਂ ਟੀਮਾਂ ਲਈ ਬਹੁਤ ਮਹੱਤਵਪੂਰਨ ਹੈ ਕਿਉਂਕਿ ਦੋਵੇਂ ਹੀ ਆਪਣੇ ਪਹਿਲੇ ਮੁਕਾਬਲੇ ਹਾਰ ਚੁੱਕੀਆਂ ਹਨ। ਕੈਨੇਡਾ ਨੂੰ ਆਪਣੇ ਪਹਿਲੇ ਮੈਚ ਵਿੱਚ ਦੱਖਣੀ ਅਫਰੀਕਾ ਹੱਥੋਂ 57 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ, ਜਦਕਿ ਯੂਏਈ ਨੂੰ ਨਿਊਜ਼ੀਲੈਂਡ ਨੇ 10 ਵਿਕਟਾਂ ਨਾਲ ਕਰਾਰੀ ਸ਼ਿਕਸਤ ਦਿੱਤੀ ਸੀ। ਅਜਿਹੇ ਵਿੱਚ ਟੂਰਨਾਮੈਂਟ ਵਿੱਚ ਬਣੇ ਰਹਿਣ ਲਈ ਦੋਵਾਂ ਟੀਮਾਂ ਨੂੰ ਅੱਜ ਜਿੱਤ ਦੀ ਸਖ਼ਤ ਲੋੜ ਹੈ।
ਪੁਰਾਣਾ ਰਿਕਾਰਡ
ਇਸ ਮੁਕਾਬਲੇ ਤੋਂ ਪਹਿਲਾਂ ਦੋਵੇਂ ਟੀਮਾਂ ਟੀ-20 ਅੰਤਰਰਾਸ਼ਟਰੀ ਵਿੱਚ ਸਿਰਫ਼ ਇੱਕ ਵਾਰ ਆਹਮੋ-ਸਾਹਮਣੇ ਹੋਈਆਂ ਸਨ। 2019 ਦੇ ਟੀ-20 ਵਿਸ਼ਵ ਕੱਪ ਕੁਆਲੀਫਾਇਰ ਦੌਰਾਨ ਹੋਈ ਉਸ ਟੱਕਰ ਵਿੱਚ ਯੂਏਈ ਨੇ ਕੈਨੇਡਾ ਨੂੰ 14 ਦੌੜਾਂ ਨਾਲ ਹਰਾਇਆ ਸੀ।
ਦੋਵਾਂ ਟੀਮਾਂ ਦੀ ਪਲੇਇੰਗ-11:
• ਕੈਨੇਡਾ: ਦਿਲਪ੍ਰੀਤ ਬਾਜਵਾ (ਕਪਤਾਨ), ਯੁਵਰਾਜ ਸਾਮਰਾ, ਨਵਨੀਤ ਧਾਲੀਵਾਲ, ਨਿਕੋਲਸ ਕਿਰਟਨ, ਸ਼੍ਰੇਅਸ ਮੋਵਵਾ (ਵਿਕਟਕੀਪਰ), ਹਰਸ਼ ਠਾਕਰ, ਸਾਦ ਬਿਨ ਜ਼ਫਰ, ਜਸਕਰਨ ਸਿੰਘ, ਡਿਲਨ ਹੇਲੀਗਰ, ਕਲੀਮ ਸਨਾ ਅਤੇ ਅੰਸ਼ ਪਟੇਲ।
• ਯੂਏਈ: ਮੁਹੰਮਦ ਵਸੀਮ (ਕਪਤਾਨ), ਅਰਯਾਂਸ਼ ਸ਼ਰਮਾ (ਵਿਕਟਕੀਪਰ), ਅਲੀਸ਼ਾਨ ਸ਼ਰਾਫੂ, ਮਯੰਕ ਕੁਮਾਰ, ਸੋਹੈਬ ਖਾਨ, ਹਰਸ਼ਿਤ ਕੌਸ਼ਿਕ, ਮੁਹੰਮਦ ਅਰਫਾਨ, ਮੁਹੰਮਦ ਫਾਰੂਕ, ਹੈਦਰ ਅਲੀ, ਜੁਨੈਦ ਸਿੱਦੀਕੀ ਅਤੇ ਮੁਹੰਮਦ ਰੋਹਿਦ ਖਾਨ।