ਮੁੰਬਈ : ਮਿਸ਼ਰਤ ਗਲੋਬਲ ਰੁਝਾਨਾਂ ਵਿਚਕਾਰ, ਭਾਰਤੀ ਸਟਾਕ ਮਾਰਕੀਟ ਸੋਮਵਾਰ ਨੂੰ ਹਫ਼ਤੇ ਦੇ ਪਹਿਲੇ ਵਪਾਰਕ ਸੈਸ਼ਨ ਵਿੱਚ ਉੱਚ ਪੱਧਰ 'ਤੇ ਖੁੱਲ੍ਹੇ ਅਤੇ ਬਾਜ਼ਾਰ ਬੰਦ ਵੀ ਵਾਧੇ ਨਾਲ ਹੋਏ। ਨਿਫਟੀ ਨੇ ਆਪਣੀ ਤਿੰਨ ਦਿਨਾਂ ਦੀ ਗਿਰਾਵਟ ਦੀ ਲੜੀ ਤੋੜੀ। ਆਈਟੀ, ਧਾਤ ਅਤੇ ਫਾਰਮਾਸਿਊਟੀਕਲ ਸਟਾਕਾਂ ਵਿੱਚ ਖਰੀਦਦਾਰੀ ਕਾਰਨ ਸ਼ੁਰੂਆਤੀ ਕਾਰੋਬਾਰ ਵਿੱਚ ਵਾਧਾ ਹੋਇਆ। 30-ਸ਼ੇਅਰਾਂ ਵਾਲਾ ਬੀਐਸਈ ਸੈਂਸੈਕਸ 319.07 ਅੰਕ ਭਾਵ 0.38% ਦੇ ਵਾਧੇ ਨਾਲ 83,535.35 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਇਸ ਦੇ ਨਾਲ ਹੀ ਸੈਂਸੈਕਸ ਦੇ 18 ਸਟਾਕ ਵਾਧੇ ਨਾਲ ਅਤੇ 12 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।
ਦੂਜੇ ਪਾਸੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 82.05 ਅੰਕ ਭਾਵ 0.32% ਦੇ ਵਾਧੇ ਨਾਲ 25,574.35 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਬੈਂਕ ਨਿਫਟੀ ਲਗਾਤਾਰ ਤੀਜੇ ਦਿਨ ਹਰੇ ਨਿਸ਼ਾਨ ਵਿੱਚ ਬੰਦ ਹੋਇਆ। ਬੈਂਕ ਨਿਫਟੀ 61 ਅੰਕ ਵਧ ਕੇ 57,938 'ਤੇ ਬੰਦ ਹੋਇਆ। ਮੁਦਰਾ ਬਾਜ਼ਾਰ ਵਿੱਚ, ਰੁਪਿਆ 4 ਪੈਸੇ ਕਮਜ਼ੋਰ ਹੋ ਕੇ 88.70/$ 'ਤੇ ਬੰਦ ਹੋਇਆ।
ਗਲੋਬਲ ਬਾਜ਼ਾਰ
ਏਸ਼ੀਅਨ ਬਾਜ਼ਾਰ ਸੋਮਵਾਰ ਨੂੰ ਉੱਚ ਪੱਧਰ 'ਤੇ ਖੁੱਲ੍ਹੇ। ਏਆਈ ਸਟਾਕਾਂ ਦੇ ਉੱਚ ਮੁੱਲਾਂਕਣ 'ਤੇ ਪਿਛਲੇ ਹਫ਼ਤੇ ਦੇ ਗਿਰਾਵਟ ਤੋਂ ਬਾਅਦ ਨਿਵੇਸ਼ਕਾਂ ਨੇ ਰਾਹਤ ਦਾ ਸਾਹ ਲਿਆ। ਜਾਪਾਨ ਦਾ ਨਿੱਕੇਈ 225 ਇੰਡੈਕਸ 0.9%, ਦੱਖਣੀ ਕੋਰੀਆ ਦਾ KOSPI 2.5% ਅਤੇ ਹਾਂਗ ਕਾਂਗ ਦਾ ਹੈਂਗ ਸੇਂਗ 0.33% ਵਧਿਆ। ਇਸ ਦੌਰਾਨ, ਸ਼ੁੱਕਰਵਾਰ ਨੂੰ ਅਮਰੀਕੀ ਬਾਜ਼ਾਰ ਮਿਲੇ-ਜੁਲੇ ਬੰਦ ਹੋਏ। S&P 500 0.13% ਵਧਿਆ, ਡਾਓ ਜੋਨਸ 0.16% ਵਧਿਆ, ਜਦੋਂ ਕਿ ਤਕਨਾਲੋਜੀ-ਭਾਰੀ ਨੈਸਡੈਕ 0.21% ਹੇਠਾਂ ਬੰਦ ਹੋਇਆ।