ਚੰਡੀਗੜ੍ਹ : ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਨੇ ਅਕਾਦਮਿਕ ਸੈਸ਼ਨ 2025-26 ਲਈ ਵੱਖ-ਵੱਖ ਕੋਰਸਾਂ 'ਚ ਦਾਖ਼ਲੇ ਲਈ ਪ੍ਰੀਖਿਆਵਾਂ ਦੇ ਸ਼ਡਿਊਲ ਦਾ ਐਲਾਨ ਕਰ ਦਿੱਤਾ ਹੈ। ਵੱਖ-ਵੱਖ ਅੰਡਰਗ੍ਰੈਜੁਏਟ ਅਤੇ ਪੋਸਟ ਗ੍ਰੈਜੂਏਟ ਕੋਰਸਾਂ 'ਚ ਦਾਖ਼ਲਾ ਲੈਣ ਵਾਲੇ ਵਿਦਿਆਰਥੀ ਹੁਣ ਸਬੰਧਿਤ ਦਾਖ਼ਲਾ ਪ੍ਰੀਖਿਆ ਸ਼ਡਿਊਲ ਅਨੁਸਾਰ ਆਪਣੀ ਤਿਆਰੀ ਦੀ ਯੋਜਨਾ ਬਣਾ ਸਕਦੇ ਹਨ। ਪੀ. ਯੂ. ਕੰਟਰੋਲਰ ਆਫ਼ ਐਗਜ਼ਾਮੀਨੇਸ਼ਨਜ਼ ਪ੍ਰੋ. ਜਗਤ ਭੂਸ਼ਣ ਨੇ ਦੱਸਿਆ ਕਿ ਪੀ. ਯੂ. ਕੈਂਪਸ ਵਿੱਚ ਵੱਖ-ਵੱਖ ਅੰਡਰ ਗ੍ਰੈਜੂਏਟ ਕੋਰਸਾਂ ਜਿਵੇਂ ਕਿ ਪੀ.ਯੂ. ਸੀ. ਈ. ਟੀ. (ਅੰਡਰ ਗ੍ਰੈਜੂਏਟ) ਵਿੱਚ ਦਾਖ਼ਲੇ ਲਈ ਦਾਖ਼ਲਾ ਪ੍ਰੀਖਿਆ 11 ਮਈ, 2025 ਨੂੰ ਲਈ ਜਾਵੇਗੀ।
ਪੀ. ਯੂ. ਕੈਂਪਸ 'ਚ ਵੱਖ-ਵੱਖ ਪੋਸਟ-ਗ੍ਰੈਜੂਏਟ ਕੋਰਸਾਂ ਜਿਵੇਂ ਕਿ ਪੀ. ਯੂ. ਸੀ. ਈ. ਟੀ. (ਪੋਸਟ ਗ੍ਰੈਜੂਏਟ) ਵਿੱਚ ਦਾਖ਼ਲੇ ਲਈ ਦਾਖ਼ਲਾ ਪ੍ਰੀਖਿਆ 17 ਤੋਂ 19 ਜੂਨ 2025 ਨੂੰ ਲਈ ਜਾਵੇਗੀ। ਪੀ. ਯੂ. ਕੈਂਪਸ ਅਤੇ ਖੇਤਰੀ ਕੇਂਦਰਾਂ 'ਚ ਪੰਜਾਬ ਯੂਨੀਵਰਸਿਟੀ ਬੀਏ/ਬੀ. ਕਾਮ ਐੱਲ. ਐੱਲ. ਬੀ. (ਆਨਰਜ਼) (5 ਸਾਲ ਦਾ ਏਕੀਕ੍ਰਿਤ ਕੋਰਸ) ਲਈ ਦਾਖ਼ਲਾ ਪ੍ਰੀਖਿਆ 27 ਅਪ੍ਰੈਲ, 2025 ਨੂੰ ਲਈ ਜਾਵੇਗੀ। ਇਸੇ ਤਰ੍ਹਾਂ ਪੀ. ਯੂ. ਕੈਂਪਸ ਵਿੱਚ ਪੰਜਾਬ ਯੂਨੀਵਰਸਿਟੀ ਬੀ.ਏ/ਬੀ.ਕਾਮ ਐੱਲ. ਐੱਲ. ਬੀ. (ਆਨਰਜ਼) (3 ਸਾਲ ਦਾ ਏਕੀਕ੍ਰਿਤ ਕੋਰਸ) ਲਈ ਦਾਖ਼ਲਾ ਪ੍ਰੀਖਿਆ 29 ਜੂਨ, 2025 ਨੂੰ ਲਈ ਜਾਵੇਗੀ। ਪੀ. ਐੱਚ. ਡੀ. ਲਈ ਦਾਖ਼ਲਾ ਪ੍ਰੀਖਿਆ 7 ਸਤੰਬਰ, 2025 ਨੂੰ ਲਈ ਜਾਵੇਗੀ। ਬੈਚਲਰ ਆਫ਼ ਹੋਟਲ ਮੈਨੇਜਮੈਂਟ ਅਤੇ ਕੇਟਰਿੰਗ ਟੈਕਨਾਲੋਜੀ (ਬੀ. ਐੱਚ. ਐੱਮ. ਸੀ.ਟੀ.) ਅਤੇ ਬੈਚਲਰ ਆਫ਼ ਟੂਰਿਜ਼ਮ ਐਂਡ ਟ੍ਰੈਵਲ ਮੈਨੇਜਮੈਂਟ (ਬੀ.ਟੀ.ਟੀ.ਐੱਮ.) 25 ਅਪ੍ਰੈਲ, 2025 ਨੂੰ ਆਯੋਜਿਤ ਕੀਤੇ ਜਾਣਗੇ।
ਬੀ.ਏ./ਬੀ. ਕਾਮ. ਐੱਲ. ਐੱਲ.ਬੀ. (ਆਨਰਜ਼) 5 ਸਾਲਾ ਇੰਟੀਗ੍ਰੇਟਿਡ ਕੋਰਸ ਮਾਈਗ੍ਰੇਸ਼ਨ ਟੈਸਟ ਅਤੇ ਐੱਲ.ਐੱਲ.ਬੀ. 3 ਸਾਲਾ ਕੋਰਸ ਮਾਈਗ੍ਰੇਸ਼ਨ ਟੈਸਟ ਲਈ ਪ੍ਰਵੇਸ਼ ਪ੍ਰੀਖਿਆ ਕ੍ਰਮਵਾਰ 26 ਅਕਤੂਬਰ ਅਤੇ 27 ਜੁਲਾਈ ਨੂੰ ਆਯੋਜਿਤ ਕੀਤੀ ਜਾਵੇਗੀ। ਪੰਜਾਬ ਯੂਨੀਵਰਸਿਟੀ ਮਾਈਗ੍ਰੇਸ਼ਨ ਇੰਜੀਨੀਅਰਿੰਗ ਪ੍ਰਵੇਸ਼ ਪ੍ਰੀਖਿਆ (ਪੀ. ਯੂ. ਐੱਮ. ਈ. ਈ. ਟੀ.) ਅਤੇ ਪੰਜਾਬ ਯੂਨੀਵਰਸਿਟੀ ਲੇਟਰਲ ਇੰਜੀਨੀਅਰਿੰਗ ਪ੍ਰਵੇਸ਼ ਪ੍ਰੀਖਿਆ (ਪੀ. ਯੂ. ਐੱਲ. ਈ. ਈ. ਟੀ.) ਲਈ ਪ੍ਰਵੇਸ਼ ਪ੍ਰੀਖਿਆ 1 ਜੂਨ ਨੂੰ ਆਯੋਜਿਤ ਕੀਤੀ ਜਾਵੇਗੀ। ਪੰਜਾਬ ਯੂਨੀਵਰਸਿਟੀ ਵਿਖੇ ਸੈਂਟਰ ਫਾਰ ਡਿਸਟੈਂਸ ਐਂਡ ਔਨਲਾਈਨ ਐਜੂਕੇਸ਼ਨ (ਸੀ. ਡੀ. ਓ. ਈ.) ਵਿਖੇ ਐੱਮ. ਬੀ. ਏ. ਲਈ ਪ੍ਰਵੇਸ਼ ਪ੍ਰੀਖਿਆ 27 ਜੁਲਾਈ ਨੂੰ ਆਯੋਜਿਤ ਕੀਤੀ ਜਾਵੇਗੀ। ਬੀ.ਐੱਡ. (ਚੰਡੀਗੜ੍ਹ) ਲਈ ਪ੍ਰਵੇਸ਼ ਪ੍ਰੀਖਿਆ 13 ਜੁਲਾਈ ਨੂੰ ਆਯੋਜਿਤ ਕੀਤੀ ਜਾਵੇਗੀ ਅਤੇ ਸੰਯੁਕਤ ਬੀ.ਐੱਡ. ਦਾਖ਼ਲੇ (ਪੰਜਾਬ) ਲਈ ਪ੍ਰਵੇਸ਼ ਪ੍ਰੀਖਿਆ 17 ਅਗਸਤ ਨੂੰ ਆਯੋਜਿਤ ਕੀਤੀ ਜਾਵੇਗੀ।