ਇੰਡੀਆ ਪੋਸਟ ਨੇ ਆਪਣੇ ਗਾਹਕਾਂ ਲਈ ਇੱਕ ਨਵੀਂ ਡਿਜੀਟਲ ਸਹੂਲਤ ਸ਼ੁਰੂ ਕੀਤੀ ਹੈ, ਜਿਸ ਦੇ ਤਹਿਤ ਹੁਣ PPF (ਪਬਲਿਕ ਪ੍ਰੋਵੀਡੈਂਟ ਫੰਡ) ਤੇ RD (ਰਿਕਰਿੰਗ ਡਿਪਾਜ਼ਿਟ) ਖਾਤੇ ਵੀ ਆਧਾਰ ਅਧਾਰਤ ਬਾਇਓਮੈਟ੍ਰਿਕ ਈ-ਕੇਵਾਈਸੀ ਰਾਹੀਂ ਆਨਲਾਈਨ ਖੋਲ੍ਹੇ ਜਾ ਸਕਦੇ ਹਨ ਅਤੇ ਇਨ੍ਹਾਂ ਦਾ ਪ੍ਰਬੰਧਨ ਤੁਸੀਂ ਖੁਦ ਵੀ ਕਰ ਸਕਦੇ ਹੋ।
ਪਹਿਲਾਂ ਇਹ ਸਹੂਲਤ ਸਿਰਫ਼ ਮਹੀਨਾਵਾਰ ਆਮਦਨ ਯੋਜਨਾ (MIS), ਟਰਮ ਡਿਪਾਜ਼ਿਟ (TD), ਕਿਸਾਨ ਵਿਕਾਸ ਪੱਤਰ (KVP) ਤੇ ਰਾਸ਼ਟਰੀ ਬੱਚਤ ਸਰਟੀਫਿਕੇਟ (NSC) ਵਰਗੀਆਂ ਚੋਣਵੀਆਂ ਬੱਚਤ ਯੋਜਨਾਵਾਂ ਤੱਕ ਸੀਮਿਤ ਸੀ। 7 ਜੁਲਾਈ, 2025 ਦੇ ਡਾਕ ਵਿਭਾਗ ਦੇ SB ਆਦੇਸ਼ ਦੇ ਅਨੁਸਾਰ RD ਤੇ PPF ਖਾਤਿਆਂ ਦੇ ਤਹਿਤ ਹੇਠ ਲਿਖੀਆਂ ਸੇਵਾਵਾਂ ਹੁਣ ਇੰਡੀਆ ਪੋਸਟ ਦੇ ਕੋਰ ਬੈਂਕਿੰਗ ਸਲਿਊਸ਼ਨ (CBS) ਡਾਕਘਰਾਂ ਵਿੱਚ ਆਧਾਰ-ਅਧਾਰਤ ਬਾਇਓਮੈਟ੍ਰਿਕ ਈ-ਕੇਵਾਈਸੀ ਪ੍ਰਮਾਣੀਕਰਨ ਦੀ ਵਰਤੋਂ ਕਰ ਕੇ ਪ੍ਰਾਪਤ ਕੀਤੀਆਂ ਜਾ ਸਕਦੀਆਂ ਹਨ।
ਹੁਣ ਇਹ ਸੇਵਾਵਾਂ ਈ-ਕੇਵਾਈਸੀ ਰਾਹੀਂ ਉਪਲਬਧ ਹੋਣਗੀਆਂ:
ਪੀਪੀਐਫ ਅਤੇ ਆਰਡੀ ਖਾਤੇ ਖੋਲ੍ਹਣਾ ਅਤੇ ਜਮ੍ਹਾ ਕਰਨਾ
ਇਨ੍ਹਾਂ ਖਾਤਿਆਂ 'ਤੇ ਕਰਜ਼ਾ ਲੈਣਾ ਅਤੇ ਇਸਨੂੰ ਵਾਪਸ ਕਰਨਾ
ਪੀਪੀਐਫ ਖਾਤੇ ਤੋਂ ਕਢਵਾਉਣਾ (ਬਿਨਾਂ ਸੀਮਾ ਦੇ)
ਖਾਤਾ ਬੰਦ ਕਰਨਾ, ਨਾਮਜ਼ਦਗੀ ਬਦਲਣਾ, ਖਾਤਾ ਟ੍ਰਾਂਸਫਰ ਕਰਨਾ
ਪੇ-ਇਨ ਸਲਿੱਪ ਜਾਂ ਕਢਵਾਉਣ ਵਾਲੇ ਵਾਊਚਰ ਦੀ ਹੁਣ ਲੋੜ ਨਹੀਂ ਰਹੇਗੀ
ਨਵੀਆਂ ਤਬਦੀਲੀਆਂ ਦੇ ਤਹਿਤ, ਖਾਤਾ ਖੋਲ੍ਹਣ ਜਾਂ ਲੈਣ-ਦੇਣ ਕਰਨ ਲਈ ਪੇ-ਇਨ ਸਲਿੱਪ ਜਾਂ ਕਢਵਾਉਣ ਵਾਲੇ ਵਾਊਚਰ ਦੀ ਹੁਣ ਲੋੜ ਨਹੀਂ ਰਹੇਗੀ। ਪੂਰੀ ਪ੍ਰਕਿਰਿਆ ਆਧਾਰ ਬਾਇਓਮੈਟ੍ਰਿਕ ਰਾਹੀਂ ਡਿਜੀਟਲ ਰੂਪ ਵਿੱਚ ਪੂਰੀ ਕੀਤੀ ਜਾਵੇਗੀ।
ਸੁਰੱਖਿਆ ਦਾ ਵੀ ਧਿਆਨ ਰੱਖਿਆ
ਆਧਾਰ ਦੀ ਗੁਪਤਤਾ ਬਣਾਈ ਰੱਖਣ ਲਈ, ਆਧਾਰ ਨੰਬਰ ਸਾਰੇ ਦਸਤਾਵੇਜ਼ਾਂ ਵਿੱਚ ਇੱਕ ਲੁਕਵੇਂ ਰੂਪ (xxx-xxx-xxxx) ਵਿੱਚ ਪ੍ਰਦਰਸ਼ਿਤ ਕੀਤਾ ਜਾਵੇਗਾ। ਪੋਸਟਮਾਸਟਰ ਨੂੰ ਨਿਰਦੇਸ਼ ਦਿੱਤਾ ਗਿਆ ਹੈ ਕਿ ਉਹ ਇਹ ਯਕੀਨੀ ਬਣਾਉਣ ਕਿ ਆਧਾਰ ਦੇ ਪਹਿਲੇ ਅੱਠ ਅੰਕ ਕਾਲੀ ਸਿਆਹੀ ਨਾਲ ਲੁਕਾਏ ਗਏ ਹਨ।