ਸ਼ਹੀਦ ਭਗਤ ਸਿੰਘ ਨਗਰ (ਮਨੋਰੰਜਨ ਕਾਲੀਆ) : ਨੈਸ਼ਨਲ ਮਿਸ਼ਨ ਆਨ ਏਡੀਬਲ ਆਇਲਜ਼ - ਆਇਲਸੀਡਜ਼ (National Mission on Edible Oils - Oilseeds / NMEO-OS) ਸਕੀਮ ਅਧੀਨ ਨੁਮਾਇਸ਼ੀ ਪ੍ਰਦਰਸ਼ਨੀਆਂ ਲਈ ਲੋੜੀਂਦੇ ਖੇਤੀਬਾੜੀ ਇਨਪੁਟਸ, ਖਾਦਾਂ ਅਤੇ ਰਸਾਇਣਾਂ ਦੀ ਖਰੀਦ ਕਰਨ ਲਈ ਮਾਨਤਾ ਪ੍ਰਾਪਤ ਡੀਲਰਾਂ, ਫਰਮਾਂ ਅਤੇ ਸਪਲਾਇਰਾਂ ਤੋਂ ਸੀਲਬੰਦ ਕੋਟੇਸ਼ਨਾਂ ਦੀ ਮੰਗ ਕੀਤੀ ਜਾਂਦੀ ਹੈ। ਪ੍ਰਤੀ ਪ੍ਰਦਰਸ਼ਨੀ ਇਨਪੁਟਸ ਦੀ ਵੰਡ ਅਨੁਸਾਰ ਬੈਂਟੋਨਾਈਟ ਸਲਫਰ (Bentonite Sulphur) 32.5 ਕਿਲੋਗ੍ਰਾਮ, ਕਵਿਨਾਲਫਾਸ (Quinalphos) 625 ਮਿਲੀਲੀਟਰ, ਕਾਰਬੋਫਿਊਰਾਨ (Carbofuran) 32.5 ਕਿਲੋਗ੍ਰਾਮ, ਮੋਨੋ ਜ਼ਿੰਕ 33 ਪ੍ਰਤੀਸ਼ਤ (Mono zinc 33%) 10 ਕਿਲੋਗ੍ਰਾਮ ਅਤੇ ਰਿਡੋਮਿਲ ਗੋਲਡ (Ridomil Gold) 625 ਗ੍ਰਾਮ ਪ੍ਰਤੀ ਪ੍ਰਦਰਸ਼ਨੀ ਲੋੜੀਂਦਾ ਹੈ।
ਇੱਛੁਕ ਫਰਮਾਂ ਅਤੇ ਸਪਲਾਇਰ ਆਪਣੀਆਂ ਸੀਲਬੰਦ ਕੋਟੇਸ਼ਨਾਂ ਮਿਤੀ 21/10/2026 ਨੂੰ ਸ਼ਾਮ 5:00 ਵਜੇ ਤੱਕ ਦਫ਼ਤਰ ਮੁੱਖ ਖੇਤੀਬਾੜੀ ਅਫ਼ਸਰ, ਸ਼ਹੀਦ ਭਗਤ ਸਿੰਘ ਨਗਰ ਵਿਖੇ ਜਮ੍ਹਾਂ ਕਰਵਾ ਸਕਦੇ ਹਨ। ਸਾਰੀਆਂ ਕੋਟੇਸ਼ਨਾਂ ਵਿੱਚ ਜੀ.ਐੱਸ.ਟੀ. ਅਤੇ ਹੋਰ ਸਾਰੇ ਸਰਕਾਰੀ ਕਰ ਸ਼ਾਮਲ ਹੋਣੇ ਚਾਹੀਦੇ ਹਨ। ਸਪਲਾਈ ਕੀਤੇ ਜਾਣ ਵਾਲੇ ਇਨਪੁਟਸ ਉੱਚ ਮਿਆਰੀ ਅਤੇ ਮਿਆਰ ਅਨੁਸਾਰ ਹੋਣੇ ਜ਼ਰੂਰੀ ਹਨ। ਅਧੂਰੀਆਂ ਜਾਂ ਨਿਯਤ ਮਿਤੀ 21/10/2026 ਤੋਂ ਬਾਅਦ ਪ੍ਰਾਪਤ ਹੋਈਆਂ ਕੋਟੇਸ਼ਨਾਂ ’ਤੇ ਵਿਚਾਰ ਨਹੀਂ ਕੀਤਾ ਜਾਵੇਗਾ। ਬਿਨਾਂ ਕੋਈ ਕਾਰਨ ਦੱਸੇ ਕਿਸੇ ਵੀ ਜਾਂ ਸਾਰੀਆਂ ਕੋਟੇਸ਼ਨਾਂ ਨੂੰ ਰੱਦ ਕਰਨ ਦਾ ਅਧਿਕਾਰ ਮੁੱਖ ਖੇਤੀਬਾੜੀ ਅਫ਼ਸਰ ਕੋਲ ਸੁਰੱਖਿਅਤ ਰਹੇਗਾ।