ਈਰਾਨ ਤੋਂ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਈਰਾਨੀ ਮੀਡੀਆ ਆਊਟਲੈਟਾਂ ਅਨੁਸਾਰ ਈਰਾਨ ਦੇ ਖੋਮੇਨ ਸ਼ਹਿਰ ਵਿੱਚ ਤੜਕਸਾਰ ਹਮਲਾ ਹੋਇਆ, ਜਿਸ ਵਿਚ ਕਥਿਤ ਤੌਰ 'ਤੇ ਇਕ ਸਕੂਲ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਫਾਰਸ ਨਿਊਜ਼ ਏਜੰਸੀ ਮੁਤਾਬਕ ਸ਼ਹੀਦ ਖੋਮੇਨੀ ਮੁੰਡਿਆਂ ਦੇ ਸਕੂਲ ਨੂੰ ਸਵੇਰੇ ਨਿਸ਼ਾਨਾ ਬਣਾਇਆ ਗਿਆ। ਏਜੰਸੀ ਨੇ ਇਸ ਨੂੰ ਅਮਰੀਕੀ-ਇਜ਼ਰਾਈਲੀ ਹਮਲਾ ਦੱਸਿਆ ਹੈ। ਸਾਈਟ ਦੁਆਰਾ ਪ੍ਰਕਾਸ਼ਿਤ ਤਸਵੀਰਾਂ ਵਿੱਚ ਇਮਾਰਤ ਦੇ ਇੱਕ ਹਿੱਸੇ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਦਿਖਾਇਆ ਗਿਆ ਹੈ।
ਬਾਅਦ ਵਿੱਚ, ਮੇਹਰ ਨਿਊਜ਼ ਏਜੰਸੀ ਨੇ ਮਰਕਜ਼ੀ ਪ੍ਰਾਂਤ ਦੇ ਇੱਕ ਡਿਪਟੀ ਗਵਰਨਰ ਦਾ ਹਵਾਲਾ ਦਿੱਤਾ ਜਿਸਨੇ ਪੁਸ਼ਟੀ ਕੀਤੀ ਕਿ ਖੋਮੇਨ ਵਿੱਚ ਇੱਕ ਸਕੂਲ 'ਤੇ ਹਮਲਾ ਹੋਇਆ ਸੀ। ਅਧਿਕਾਰੀ ਨੇ ਕਿਹਾ ਕਿ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ, ਹਾਲਾਂਕਿ ਇਸ ਘਟਨਾ ਵਿੱਚ ਸਕੂਲ ਨੇੜੇ ਬਣੇ ਕਈ ਘਰਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਇਸ ਤੋਂ ਪਹਿਲਾਂ 28 ਫਰਵਰੀ ਨੂੰ ਇਕ ਹੋਰ ਘਾਤਕ ਹਮਲਾ ਮੀਨਾਬ ’ਚ ਸਥਿਤ ਸ਼ਜਰਾਹ ਤਾਇਬਾ ਗਰਲਜ਼ ਸਕੂਲ ’ਤੇ ਵੀ ਹੋਇਆ ਸੀ। 2 ਮਿਜ਼ਾਈਲਾਂ ਨੇ 45 ਸੈਕਿੰਡ ’ਚ ਸਕੂਲ ਨੂੰ ਤਬਾਹ ਕਰ ਦਿੱਤਾ ਸੀ। ‘ਸ਼ਜਰਾਹ ਤਾਇਬਾ’ ਗਰਲਜ਼ ਪ੍ਰਾਇਮਰੀ ਸਕੂਲ 'ਤੇ ਹੋਏ ਹਮਲੇ ਵਿਚ 165 ਤੋਂ ਵੱਧ ਮਾਸੂਮ ਬੱਚੀਆਂ ਦੀ ਮੌਤ ਹੋ ਗਈ ਸੀ।