ਬਾਲੀਵੁੱਡ ਸਟਾਰ ਕਾਰਤਿਕ ਆਰੀਅਨ ਦੀ ਆਉਣ ਵਾਲੀ ਫਿਲਮ ‘ਭੂਲ ਭੁਲਾਇਆ 3’ ਦਾ ਟ੍ਰੇਲਰ ਅੱਜ ਯਾਨੀ 8 ਅਕਤੂਬਰ ਨੂੰ ਰਿਲੀਜ਼ ਹੋ ਗਿਆ ਹੈ। ਟ੍ਰੇਲਰ ‘ਚ ਵਿਦਿਆ ਬਾਲਨ, ਤ੍ਰਿਪਤੀ ਡਿਮਰੀ, ਮਾਧੁਰੀ ਦੀਕਸ਼ਿਤ, ਰਾਜਪਾਲ ਯਾਦਵ ਦੇ ਕਿਰਦਾਰਾਂ ਦੀ ਝਲਕ ਦੇਖੀ ਜਾ ਸਕਦੀ ਹੈ। ‘ਭੂਲ ਭੁਲਾਇਆ 3’ ਦੇ ਟ੍ਰੇਲਰ ਨੇ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਦੁੱਗਣਾ ਕਰ ਦਿੱਤਾ ਹੈ।
‘ਭੂਲ ਭੁਲਾਇਆ 3’ ਦੇ ਟ੍ਰੇਲਰ ‘ਚ ਵਿਦਿਆ ਬਾਲਨ, ਕਾਰਤਿਕ ਆਰੀਅਨ, ਤ੍ਰਿਪਤੀ ਡਿਮਰੀ, ਰਾਜਪਾਲ ਯਾਦਵ, ਨਿਰਮਾਤਾ ਭੂਸ਼ਣ ਕੁਮਾਰ ਅਤੇ ਨਿਰਦੇਸ਼ਕ ਅਨੀਸ ਮੌਜੂਦ ਸਨ। ਹਾਰਰ-ਕਾਮੇਡੀ ਫਿਲਮ ‘ਭੂਲ ਭੁਲਾਇਆ 3’ ਦੇ ਟ੍ਰੇਲਰ ‘ਚ ਕਾਰਤਿਕ ਆਰੀਅਨ ਰੂਹ ਬਾਬਾ ਦੀ ਭੂਮਿਕਾ ‘ਚ ਨਜ਼ਰ ਆ ਰਹੇ ਹਨ। ਇਸ ਵਾਰ ਫਿਲਮ ‘ਚ ਰੂਹ ਬਾਬਾ ਦਾ ਸਾਹਮਣਾ ਇੱਕ ਨਹੀਂ ਸਗੋਂ ਦੋ ਮੰਜੁਲਿਕਾ ਨਾਲ ਹੋਵੇਗਾ। ਵਿਦਿਆ ਬਾਲਨ ਤੋਂ ਇਲਾਵਾ ਮਾਧੁਰੀ ਦੀਕਸ਼ਿਤ ਵੀ ਮੰਜੁਲਿਕਾ ਦੇ ਕਿਰਦਾਰ ‘ਚ ਨਜ਼ਰ ਆਵੇਗੀ, ਜਿਸ ਦੀ ਇੱਕ ਝਲਕ ਟ੍ਰੇਲਰ ‘ਚ ਦੇਖੀ ਜਾ ਸਕਦੀ ਹੈ।
ਕਾਰਤਿਕ ਆਰੀਅਨ ਦੇ ਮਜ਼ੇਦਾਰ ਡਾਇਲਾਗ ‘ਭੂਲ ਭੁਲਾਇਆ 3’ ਦੇ ਟ੍ਰੇਲਰ ‘ਚ ਕਾਰਤਿਕ ਆਰੀਅਨ ਦੇ ਕਈ ਦਿਲਚਸਪ ਡਾਇਲਾਗ ਸੁਣਨ ਨੂੰ ਮਿਲ ਰਹੇ ਹਨ, ਜੋ ਕਾਫ਼ੀ ਮਜ਼ਾਕੀਆ ਹਨ। ਇਸ ਤੋਂ ਇਲਾਵਾ ਕਈ ਭਿਆਨਕ ਦ੍ਰਿਸ਼ਾਂ ਦੀਆਂ ਝਲਕੀਆਂ ਵੀ ਦੇਖੀਆਂ ਜਾ ਸਕਦੀਆਂ ਹਨ। ਵਿਦਿਆ ਬਾਲਨ ਦੀ ਜ਼ਬਰਦਸਤ ਦਿੱਖ ਲੋਕਾਂ ਨੂੰ ਡਰਾਉਂਦੀ ਹੈ।
‘ਭੂਲ ਭੁਲਾਇਆ 2’ ਨੇ ਕੀਤੀ ਸੀ ਸ਼ਾਨਦਾਰ ਕਮਾਈ
ਇਸ ਤੋਂ ਪਹਿਲਾਂ ਫ਼ਿਲਮ ਦੇ ਦੂਜੇ ਭਾਗ ਯਾਨੀ ‘ਭੂਲ ਭੁਲਾਇਆ 2’ ਨੇ ਬਾਕਸ ਆਫ਼ਿਸ ‘ਤੇ ਕਾਫ਼ੀ ਧਮਾਲ ਮਚਾ ਦਿੱਤਾ ਸੀ। ਇਹ ਫ਼ਿਲਮ ਸਾਲ 2022 ‘ਚ ਰਿਲੀਜ਼ ਹੋਈ ਸੀ ਅਤੇ ਇਸ ਨੇ ਬਾਕਸ ਆਫ਼ਿਸ ‘ਤੇ 266 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਸੀ। ਫ਼ਿਰ ਤੱਬੂ ਨੇ ਫ਼ਿਲਮ ‘ਚ ਮੰਜੁਲਿਕਾ ਦਾ ਕਿਰਦਾਰ ਨਿਭਾਇਆ ਅਤੇ ਉਨ੍ਹਾਂ ਦੀ ਅਦਾਕਾਰੀ ਦੀ ਕਾਫ਼ੀ ਤਾਰੀਫ਼ ਹੋਈ।