ਖਰੜ (ਪ੍ਰੀਤ ਪੱਤੀ) : ਕੈਂਸਰ ਵਰਗੀ ਨਾਮੁਰਾਦ ਬੀਮਾਰੀ ਨੂੰ ਠੱਲ ਪਾਉਣ ਲਈ ਸਰਕਾਰ ਤੋਂ ਇਲਾਵਾ ਸਮਾਜਿਕ ਸੰਸਥਾਵਾਂ ਵੀ ਯਤਨ ਕਰਦੀਆਂ ਰਹਿੰਦੀਆਂ ਹਨ। ਔਰਤਾਂ ਵਿੱਚ ਸਰਵਿਕਸ ਦੇ ਕੈਂਸਰ ਤੋਂ ਬਚਾਅ ਲਈ ਦਵਾਈ ਤਿਆਰ ਹੋ ਚੁੱਕੀ ਹੈ ਪਰ ਇਸ ਦੀ ਕੀਮਤ ਐਨੀ ਜਿਆਦਾ ਹੈ ਕਿ ਆਮ ਲੋਕ ਲਗਵਾ ਨਹੀਂ ਰਹੇ।9 ਸਾਲ ਤੋਂ 26 ਸਾਲ ਦੀਆਂ ਬੱਚੀਆਂ ਨੂੰ ਕੈਂਸਰ ਤੋਂ ਬਚਾਉਣ ਹਿੱਤ ਫਰੈਡਜ਼ ਫੌਰਐਵਰ ਵੈੱਲਫੇਅਰ ਸੁਸਾਇਟੀ (ਰਜਿ) ਖਰੜ ਮੁਹਾਲੀ ਤੇ ਸ਼ਿਵ ਸ਼ਕਤੀ ਕਲੱਬ ਖਰੜ ਵਲੋਂ ਮਿਲ ਕੇ ਐਚ. ਪੀ. ਵੀ. ਵੈਕਸਿਨ ਦਾ ਮੁਫ਼ਤ ਕੈਂਪ ਲਗਾਇਆ ਗਿਆ। ਸੁਸਾਇਟੀ ਦੇ ਪ੍ਰਧਾਨ ਸ੍ਰ ਜਸਵਿੰਦਰ ਸਿੰਘ ਤੇ ਕਲੱਬ ਦੇ ਪ੍ਰਧਾਨ ਸ੍ਰੀ ਦੀਪਕ ਕੌਸ਼ਲ ਨੇ ਦੱਸਿਆ ਕਿ ਕੈਂਪ ਵਿੱਚ 140 ਲੜਕੀਆਂ ਨੂੰ ਦਵਾਈ ਦੇ ਇੰਜੈਕਸ਼ਨ ਮੁਫ਼ਤ ਲਗਾਏ ਗਏ। ਕੈਂਪ ਵਿੱਚ ਪੀਜੀਆਈ ਚੰਡੀਗੜ੍ਹ ਦੇ ਗਾਇਨੀ ਵਿਭਾਗ ਦੇ ਡਾਕਟਰ ਪ੍ਰੋ. ਰਸ਼ਮੀ ਬੱਗਾ ਦੀ ਟੀਮ ਵੱਲੋਂ ਸਾਰੀਆਂ ਬੱਚੀਆਂ ਦਾ ਚੈਕ ਅੱਪ ਕਰਕੇ ਇੰਜੈਕਸ਼ਨ ਲਗਾਇਆ ਗਿਆ। ਕੈਂਪ ਦਾ ਉਦਘਾਟਨ ਸ਼੍ਰੀ ਰਮੇਸ਼ ਸ਼ਰਮਾ ਐਡਵੋਕੇਟ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਤੇ ਸ਼੍ਰੀ ਹਨੀ ਬਾਂਸਲ ਐਮ. ਡੀ. ਅਰਾਧਿਆ ਹੋਮਸ ਨੇ ਮਿਲ ਕੇ ਕੀਤਾ। ਸ਼੍ਰੀ ਕਮਲ ਕਿਸ਼ੋਰ ਸ਼ਰਮਾ ਨੇ ਵੀ ਹਾਜ਼ਰੀ ਭਰੀ।
ਸਾਰੀਆਂ ਲੜਕੀਆਂ ਨੂੰ 2 ਮਹੀਨੇ ਬਾਅਦ ਦੂਸਰੀ ਡੋਜ ਤੇ 6 ਮਹੀਨੇ ਬਾਅਦ ਤੀਸਰਾ ਟੀਕਾ ਵੀ ਦੋਨੋ ਸੰਸਥਾਵਾਂ ਵੱਲੋਂ ਮੁਫ਼ਤ ਲਗਾਇਆ ਜਾਵੇਗਾ। ਇਸ ਮੌਕੇ ਤੇ ਸੁਸਾਇਟੀ ਵਲੋਂ ਕੁਲਵਿੰਦਰ ਸਿੰਘ, ਸਤੀਸ਼ ਕੁਮਾਰ, ਪੰਕਜ਼ ਕੁਮਾਰ ਰੌਕੀ, ਪਰਦੀਪ ਕੁਮਾਰ ਬਿੱਟੂ, ਰੇਨੂੰ, ਸਤਵੰਤ ਕੌਰ, ਪੂਜਾ ਆਜ਼ਾਦ, ਸੁਨੀਲ ਸੈਣੀ, ਦਿਨੇਸ਼ ਕੁਮਾਰ, ਹਿਤੇਂਦਰ ਸਿੰਘ ਬੇਦੀ, ਸ਼ੁਸ਼ਮਾ ਸੇਠੀ, ਮਨੋਜ ਕੁਮਾਰ, ਸ਼ਿਵ ਸ਼ਕਤੀ ਕਲੱਬ ਵੱਲੋਂ ਨਰਿੰਦਰ ਸ਼ੇਰਗਿੱਲ, ਪਾਰਸ ਸ਼ਰਮਾ, ਕੁਸ਼ ਸ਼ਰਮਾ, ਸ਼ਰਮਾ, ਅਨਿਲ ਅਗਰਵਾਲ, ਮਨੀਸ਼ ਜੈਨ, ਗੌਰਵ ਕਾਂਸਲ,ਵਿਕਾਸ ਗੁਪਤਾ, ਵਿਕਰਮ ਸਿੰਘ, ਨੀਰਜ, ਅਜੈ ਜਾਂਗੜਾ, ਅਸ਼ੋਕ ਕਪੂਰ ਹਾਜ਼ਿਰ ਸਨ।