ਸੁਨਾਮ (ਰਮੇਸ਼ ਗਰਗ) : ਰਾਸ਼ਟਰੀ ਸਵੈੰਸੇਵਕ ਸੰਘ, ਸੁਨਾਮ ਨਗਰ ਵੱਲੋਂ ਸੰਘ ਦੇ ਸ਼ਤਾਬਦੀ ਵਰ੍ਹੇ ਦੇ ਉਪਲੱਖ ‘ਚ ਇਸ ਸਾਲ ਦਾ ਸ਼੍ਰੀ ਵਿਜਯਾਦਸ਼ਮੀ ਉਤਸਵ ਵੱਡੇ ਭਾਵਪੂਰਣ ਤੇ ਪ੍ਰੇਰਣਾਦਾਇਕ ਢੰਗ ਨਾਲ ਮਨਾਇਆ ਗਿਆ। ਇਹ ਸਮਾਗਮ ਸ਼ਿਵ ਨਿਕੇਤਨ ‘ਚ ਵੱਡੇ ਉਤਸ਼ਾਹ ਤੇ ਸ਼ਰਧਾ ਨਾਲ ਆਯੋਜਿਤ ਕੀਤਾ ਗਿਆ।
ਵਿਜਯਾਦਸ਼ਮੀ ਦਾ ਇਹ ਪਵਿੱਤਰ ਤਿਉਹਾਰ ਸੰਘ ਲਈ ਵਿਸ਼ੇਸ਼ ਮਹੱਤਵ ਰੱਖਦਾ ਹੈ, ਕਿਉਂਕਿ ਇਸੇ ਦਿਨ ਤੋਂ ਸੰਘ ਦਾ ਕਾਰਜ ਸ਼ੁਰੂ ਹੋਇਆ ਸੀ। ਇਸ ਸਾਲ ਆਰ ਐਸ ਐਸ ਆਪਣੀ 100 ਸਾਲਾਂ ਦੀ ਗੌਰਵਮਈ ਯਾਤਰਾ ਪੂਰੀ ਕਰ ਰਿਹਾ ਹੈ। ਸਮਾਜਕ ਏਕਤਾ, ਸੇਵਾ ਤੇ ਰਾਸ਼ਟਰੀ ਪੁਨਰਜਾਗਰਣ ਨੂੰ ਸਮਰਪਿਤ ਇਹ ਆਯੋਜਨ ਸੁਨਾਮ ਨਗਰ ਲਈ ਇਤਿਹਾਸਕ ਪਲ ਬਣ ਗਿਆ।
ਸਮਾਗਮ ਦੀ ਅਗਵਾਈ ਸ਼੍ਰੀ ਸ਼੍ਰੀ 1008 ਮਹੰਤ ਸਵਾਮੀ ਦਾਮੋਦਰ ਸ਼ਰਨ ਦਾਸ ਜੀ ਮਹਾਰਾਜ, ਸੰਸਥਾਪਕ ਸ਼੍ਰੀ ਮਹਾਰਿਸ਼ੀ ਬ੍ਰਹਮਹਰੀ ਉਦਾਸੀਨ ਆਸ਼ਰਮ ਵੱਲੋਂ ਕੀਤੀ ਗਈ।
ਮੁੱਖ ਮਹਿਮਾਨ ਵਜੋਂ ਡਾ. ਮੋਹਿਤ ਜਿੰਦਲ, ਨਿਦੇਸ਼ਕ ਜਿੰਦਲ ਮੈਡੀਹਾਰਟ ਹਸਪਤਾਲ, ਸੁਨਾਮ ਹਾਜ਼ਰ ਰਹੇ।
ਜਦਕਿ ਸ਼੍ਰੀ ਰਾਮ ਕੁਮਾਰ ਵਿਆਸ, ਪ੍ਰਾਂਤ ਸੰਜੋਜਕ, ਵਿਰਸਾ ਸੰਭਾਲ ਮੰਚ, ਪੰਜਾਬ ਨੇ ਮੁੱਖ ਵਕਤਾ ਵਜੋਂ ਆਪਣੇ ਉਤਸਾਹਪੂਰਣ ਵਿਚਾਰ ਪ੍ਰਗਟ ਕੀਤੇ।
ਮੁੱਖ ਵਕਤਾ ਸ਼੍ਰੀ ਰਾਮ ਕੁਮਾਰ ਵਿਆਸ ਨੇ ਕਿਹਾ ਕਿ ਸੰਘ ਦਾ ਮੁੱਖ ਉਦੇਸ਼ ਸਮਾਜ ਨੂੰ ਇਕਜੁੱਟ ਕਰਕੇ ਭਾਰਤ ਨੂੰ ਵਿਸ਼ਵਗੁਰੂ ਬਣਾਉਣਾ ਹੈ।
ਉਨ੍ਹਾਂ ਕਿਹਾ ਕਿ ਸੰਘ ਦੀ ਸੌ ਸਾਲਾਂ ਦੀ ਯਾਤਰਾ “ਸੇਵਾ, ਸੰਗਠਨ ਤੇ ਸੰਸਕਾਰਾਂ ਦਾ ਅਭਿਆਨ” ਹੈ।
ਡਾ. ਮੋਹਿਤ ਜਿੰਦਲ ਨੇ ਕਿਹਾ ਕਿ ਸੰਘ ਹਰ ਵਰਗ ਵਿਚ ਰਾਸ਼ਟ੍ਰਭਾਵਨਾ ਜਗਾਉਣ ਦਾ ਕੰਮ ਕਰ ਰਿਹਾ ਹੈ।
ਸਵਾਮੀ ਦਾਮੋਦਰ ਸ਼ਰਨ ਦਾਸ ਜੀ ਨੇ ਆਪਣੇ ਆਸ਼ੀਰਵਾਦਕ ਸੰਦੇਸ਼ ਵਿਚ ਕਿਹਾ ਕਿ ਸੰਘ ਦੇ ਸ਼ਤਾਬਦੀ ਵਰ੍ਹੇ ‘ਚ ਸਮਾਜ ਨੂੰ ਆਤਮਨਿਰਭਰ ਤੇ ਸਮਰਸ ਬਣਾਉਣਾ ਹੀ ਸੱਚੀ ਸੇਵਾ ਹੈ।
ਸਮਾਰੋਹ ਦੇ ਅੰਤ ‘ ਸ਼੍ਰੀ ਅਮਰ ਨਾਥ ਕਾਂਸਲ, ਨਗਰ ਸੰਘ ਚਾਲਕ, ਨੇ ਸਭ ਮਹਿਮਾਨਾਂ, ਸਵੈੰਸੇਵਕਾਂ ਤੇ ਆਮ ਜਨਤਾ ਦਾ ਤਹਿ ਧੰਨਵਾਦ ਕੀਤਾ।
ਪ੍ਰਿੰਸਿਪਲ ਅਮਿਤ ਡੋਗਰਾ ਨੇ ਪ੍ਰੋਗਰਾਮ ਦਾ ਸੁਚਾਰੂ ਤੇ ਸੁੰਦਰ ਸੰਚਾਲਨ ਕੀਤਾ।
ਅੰਤ ਵਿੱਚ ਸੀਤਾ ਮਾਤਾ ਦੀ ਰਸੋਈ ਵੱਲੋਂ ਪ੍ਰਸਾਦ ਵੰਡਿਆ ਗਿਆ ਜਿਸ ਵਿੱਚ ਸਵੈੰਸੇਵਕ ਪਰਿਵਾਰ, ਸਮਾਜ ਸੇਵੀ, ਪ੍ਰੈੱਸ ਪ੍ਰਤਿਨਿਧੀ ਤੇ ਨਗਰ ਵਾਸੀ ਵੱਡੀ ਗਿਣਤੀ ਵਿਚ ਸ਼ਾਮਲ ਹੋਏ।
ਇਸ ਮੌਕੇ ਜ਼ਿਲਾ ਪ੍ਰਚਾਰਕ ਕੁਲਦੀਪ ਜੀ ਵੀ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਰਹੇ।
ਸਾਰੇ ਸਮਾਰੋਹ ਦੌਰਾਨ ਰਾਸ਼ਟ੍ਰਭਾਵ, ਸੱਭਿਆਚਾਰਕ ਗੌਰਵ ਤੇ ਸੇਵਾ ਭਾਵਨਾ ਦੀ ਛਾਪ ਸਪਸ਼ਟ ਤੌਰ ‘ਤੇ ਦਿਖਾਈ ਦਿੱਤੀ।
ਸੰਘ ਦੇ ਸ਼ਤਾਬਦੀ ਵਰ੍ਹੇ ‘ਚ ਮਨਾਇਆ ਗਿਆ ਇਹ ਸ਼੍ਰੀ ਵਿਜਯਾਦਸ਼ਮੀ ਉਤਸਵ ਸੁਨਾਮ ਦੇ ਇਤਿਹਾਸ ਵਿਚ ਪ੍ਰੇਰਣਾਦਾਇਕ ਪੰਨਾ ਬਣ ਕੇ ਦਰਜ ਹੋ ਗਿਆ ਹੈ।